2011-ci ildə yeni Ələt-Astara magistral yolunun tikintisi zamanı Salyan rayonunun Çuxanlı kəndi ərazisindəki Babazanlı dağının ətəyində qazıntı işləri aparılarkən təsadüfən aşkarlanıb. Bundan sonra həmin ərazidə qazıntı işləri dayandırılıb. Əraziyə taixçi-alimlər, arxeoloqlar cəlb edilib.
2012-2014-cü illərdə sözügedən ərazidə arxeoloji qazıntı işləri aparılıb. Burada yaşayış məskəninin, həmçinin ərazidə xeyli sayda küp və torpaq qəbirlərinin, məişət əşyalarının olduğu aşkar edilb. Bu ərazidə insanların eramızdan əvvəl III əsrdən bizim eranın III əsrinə qədər yaşadığı məlum olub.
O vaxtdan illər keçməsinə baxmayaraq, bu tarixi abidənin qorunması, mühafizə olunması üçün elə bir ciddi tədbir görülməyib. Açıq havada baxımsız qaldığından küp və torpaq qəbirlər erroziyaya uğrayıb, əksər hissəsi dağılaraq sıradan çıxıb. Belə getsə, yaxın gələcəkdə bu tarixi abidə tamamilə məhv olacaq.