Құрметті көрермендеріміз! Парақшамыздың жаңармағанына көп уақыт өтіпті. Әрине, біз де қоғамымызға пайдалы роликтер ғана жасап отыра бергіміз келеді. Алайда, Алланың ырзығы үшін де еңбектену керек. Сол үшін SAF MEDIA компаниясы жарнама роликтерін жасаумен де айналысады. Соған қарамастан ғибратты мультфильмдерді де қатар алып жүруге тырысады.
Міне, өздеріңізге жариялап отырған ролигімізді су құбырларымен айналысатын Jakko компаниясының тапсырысымен жасап шықтық. Бұл компания өзін ғана жарнамалап қоймай, сонымен қатар, ұлттық тарихымыз бен құндылықтарымызды да насихаттауды назардан тыс қалдырмады. Бір минуттық роликте Jakko компаниясының символы саналған Құндыз терең тарихымыздан сыр шертсе, Қасқыр да Құндызды сүйемелдеп, домбыра шертеді. Әрі жақында ғана Елбасымыздың «Ұлы даланың 7 қыры» атты мақаласында: «...Біз айтқалы отырған зор мә¬дени жетістіктер шоғыры даламызға сырт¬тан келген жоқ, керісінше, көпшілігі осы кең байтақ өлкеде пайда болып, со¬дан кейін Батыс пен Шығысқа, Күнгей мен Теріскейге таралды», - деп атап өткеніндей, Jakko компаниясы да су құбырларының Қазақ елінен шығып, Батысқа тарағанын тілге тиек етеді.
Міне, осындай ұлттық құндылығы мен тарихына көңіл бөлетін компаниямен жұмыс істескенімізге біз де қуаныштымыз. Jakko компаниясының мұнымен ғана шектеліп қалмай, тағы да бірнеше ролик түсіреміз деген ниеттері бар екен. Ал біз қашан да сапалы қызмет көрсетуге дайынбыз.
___________
Бөлісе отырыңыздар. Жұрт тарихымыздан да хабардар боп отырсын!