«Сағынышындай жанардың, шағаласы еді Аралдың»

Ойын-сауық

2024 жылдың 3 наурыз күні Арал ауданы әкімдігінің қолдауымен, Қызылорда облыстық халық шығармашылығын дамыту және мәдени-продюсерлік орталығы, Арал аудандық мәдениет орталығының ұйымдастыруымен 8 наурыз - Халықаралық әйелдер күні мерекесіне орай марқұм жыршы Гүлнар Суханберлиеваға арналған «Сағынышындай жанардың, шағаласы еді Аралдың» атты облыстық қыз-келіншектер жыр фестивалі өткізілді. Жыр фестиваліне сүбелі жырдан сарқыт тарта келген, қазақтың күміс қоңыраулы жырынан шашу шаша келген, жыр саңлақтарына айналған, Сырдың сұлу сазды жырау, жыршы қыз келіншектері Халықаралық «Жігер» фестивалінің лауреаты, халықаралық көркемөнерпаздар одағының мүшесі, «Еңбек Даңқы» төсбелгісінің иегері Зәуре Кәрібаева,«Мәдениет саласының үздігі»төсбелгісінің иегері Ақмарал Ноғайбаева, «Мәдениет саласының үздігі», «Құрмет орденінің иегері», Халықаралық айтыс ақындары мен жыршы - термешілер одағының мүшесі, Қорқыт ата университетінің ұстазы Шолпан Бимбетова, «Мәдениет саласының үздігі»төсбелгісінің иегері, «Ерен еңбегі үшін» медалінің иегері, Сәрсенбай жыраудың немересі Майра Сәрсенбаева, белгілі халықаралық, республикалық жыр байқауларының лауреаты жыршы - термеші Зульфия Баймырза, Жиенбай жыр мектебінің өкілі, жырау, халықаралық, республикалық жыр байқауларының лауреаты, жыршы - термеші, Жиенбай жыр мектебінің өкілі Айгерім Ешбаева,Мәдениет орталығының «Әбілхан Маханов» үйірмесінің жетекшісі, жыршы - термеші Айнұр Сүйеуова, Мәдениет орталығының «Нұртуған шайыр» үйірмесінің жетекшісі, республикалық, облыстық жыршы - термешілер байқауының жүлдегері Гүлжамал Бейсова қатысты.
Фестивальге қатысушы жыршы - термешілерге Арал ауданының мәдениет және спорт бөлімінің басшысы Махатов Бауыржан Ібірашұлы ыстық лебізін білдіріп, аудан әкімінің орынбасары Бержанов Кете - Төле би Досымжанұлының Алғыс хатымен марапаттады. Марқұм жыршы Гүлнар Суханберливаның әкесі Сағындық Суханберлиев, бауырларыменен балалары жыр кешінің куәсі болып, марқұм жырышының көзін көріп, үзеңгілес болған Қызылорда қаласынан арнайы келген жыршыларға алғыстарын білдіріп, ризашылықтарын жеткізді.

Пікірлер: 6

  • @user-jr8ql2is1v
    @user-jr8ql2is1v2 ай бұрын

    Жаным! Досым! Сен сондай ақ көкрек,ақеден,бауырмал,достыкка адал едің ау жаным!😢соңғы рет көрісуіміз екен,уйіңе көңіліңді сұрап барып,күтіп келмеген соң бальницаға барып,өзіңді диолезде көріп жаным қатты ауырып жылағанымда,сенің Жаңка қорықпа мен мұнда жеңіп шығамын,диолезде з6 жыл бойына жүргендер бар екен дегенің,сенің сондай рухыңның сынбағанын көргенмін,соңғы сапарға шығарып салып хоштасып қайттым ау жаным! Балаларыңа берсін көрмеген қызығыңды,сені сондай сағындық күлдіріп жүрген жерінде шуағын шашып жүретін досым ау!😢жатқан жерің жайлы болсын! Ата анаң,бауырларың,балаларың,жарың,бар қызметтерін жасады,басыңа жастық болды,АЛЛА ның қалауына ешкім кедергі жасай алмайды,АЛЛА алдыңнан жарылқасын,алдың жарық,артың пейіш болсын!😢🤲🏼

  • @user-mp8hd5bp6e
    @user-mp8hd5bp6e2 ай бұрын

    Жатқан жерің жайлы болсын жаным,кластасым❤❤❤❤

  • @Nazgul.Omirzakova
    @Nazgul.Omirzakova3 ай бұрын

    👏👏👏👏

  • @user-jy8xy2yn3c
    @user-jy8xy2yn3c2 ай бұрын

    Жаткан жерің жайлы,жарык болсын

  • @user-ml4lb6wx6i
    @user-ml4lb6wx6i2 ай бұрын

    жатқан жерің жайлы болсын

  • @Nazgul.Omirzakova
    @Nazgul.Omirzakova3 ай бұрын

    👏👏👏👏

Келесі