ياالهجوس الي على الابداع لك صلطه قويه
هات لي شعراً يجمل وقفتي بين الانامي
ابدع الابيات من طنخه وطيب وعنصريه
عادتك كسب السنام ولانبا غير السنامي
من خلقك الله ماجبت الناقصه والا الرديه
ماتجيب الا العظام الي تقلط للعظامي
شاعرك يطرب على شيل اللحون السامريه
يشلع بصوتاً يخلي من رقد ينسى المنامي
يارد العد الرهاوي بليمين الحاتميه
من خلقه الله ماورد سابقه وتعود ظامي
شاعراً ماهوب متعنصر ولاعنده حميه
والله ان يرجع اخلااف ولايجي فصف امامي
ايه ياامن الطرق عطنا فلمسار الاولويه
كان ماتبغا يجي فسير زحمه وزدحامي
سارحاً من دجنة الامجاد لا نجد العذيه
عاصمتنا الي لها اسماً فارقاً بين الاسامي
لجل شيخاً لازهمني قلت له ياحي حيه
افرح اليا من دعاني والكرم طبع الكرامي
بسم ابو مشعل ومشعل مرحبا والنار حيه
مرحبا ترحيباتاً نصدحبها فوق الزوامي
راعي الوقفات والامجاد والكف النديه
مثله وشرواه له شكري وله كل اهتمامي
الحميا لازم اتسجل مع اسمه فلهويه
والله انها اتزود فشريان عاماً عقب عامي
الرفيق الي ينومسني ويحما كل هيه
بمدحه وفخر وفاخربه ويرفع من مقامي
الله الله ياتواريخاً تدق الها التحيه
الله الله والفكر يقدح صطر والراس حامي
الله الله ياهل الامجاد واليمنا الصخيه
ياذخر قاعد وقاعد فلملاقا مايظامي
في حفل سهاج اغني والمواقف فيصليه
صاحبي واخوي ابن عمي قبل سن الفطامي
ايه ياسهاج اعدك رابع اخواني عليه
مايلاام الي يفاخر فبن عمه مايلاامي
طيب ساس وطيب راس ومعدناً مافيه زيه
وحترام وهيبتاً تفرض عليك الاحترامي
الله يوفقك ياسهاج في سنة نبيه
ويرزقك رزقاً حلال ولايجي فيه الحرامي
من مقادم لاد قرمد والفعول السرمديه
تلطم العدوان بالافعال ماهو بالكلامي
اسماً اينومس ليا شلته معك فتابعيه
شهرته تصدح بها العربان في شرقاً وشامي
من بقوماً فلملااقا تارد حياض المنيه
ترخص الاعمار في وقت الطلب والعز سامي
لابتاً لاصاح صايحها ياعشاق الصبيه
صفهم واحد ولايرضون فيه الانقسامي