يا صدر العنا ماجور من ضيقتك ماجور
كذا من بغى العلم العلا يصبر لجوره
وأنا خابرك طيب ولو لحقك من الجور
توسعك شوفة جمعة الربع مسروره
وأنا والله إني لو تبور الليالي بور
ما تلقى معي حتى ولو نية البوره
حماياي ما تعذر ولو قيل لي معذور
تحث القدم لو كان الأقدام مكسورة
يا لبيك يا داع الرفق جاك ابن مخفور
ايسلم على أهل الحفل ويسجل حضوره
حريصٍ موصى ما اتعمد خلل وقصور
امن الوالد اللي جعلني ما عدم شوره
سلامي على الفرعين والماضي المشهور
ديار بفعل الطيب والجود مخبورة
سلامي على الوادي ومن شيد به قصور
وعالندّر اللي تحمي حدوده ودُوره
هلا مرحبا يا مَجّمَع ينصر المقهور
لا صاعته بقعا ثم ضاقت به الكورة
اربوعي هل الأمجاد والموقف المخبور
تعز العزيز إن ذل وإن دارت الدورة
على الماضي الحلوى سلامٍ وطيب حضور
سلامٍ لتأثيره على الحاضر و دوره
لنا في صحايف مجد قحطان علم ودور
والله وفـ رفيدة إلنا قصر عز وهج نوره
شف أجدادنا مع مسس الدولة المنعور
وحنا على العهد الموثق لأخو نورة
زمان الجهل نجهل على الجاهل المغرور
زمان الثقافة نعمر العلم وقصوره