لإضافة الشاعر / محمد الصواغ .. مباشره اضغط على الروابط
سناب تشات
‏ / mohamedalsawagh
انستقرام /
‏ / mohamedalsawagh
تويتر /
‏ / mohamedalsawagh
فيس بوك /
‏ / mohamedalsawagh
________________________
شيلة الكويت :
سلام يا دار الوفا والعز والجنب المتين ...
سلام يا دار الصباح اللي تعز رجالها
يا دولة ٍ نحبها والحب فيها فرض عين ...
نموت لأجل ترابها ونعيش لإستقلالها
يا كويتنا يا عزنا واللي تبينه حاضرين ...
كل شي يرخص لأجل خاطرها وطيب احوالها
في ظل اخو مريم صباح العز حنا صاملين ...
الموت تحت امره يشرف كل نفس ٍ نالها
اميرنا اللي لم شمل الدار في حنكه ودين ...
ابو الجميع اللي ليا جات المواقف طالها
القائد الانسان ذرب الفعل هداج اليدين ...
درع الخليج ومحزم اخوانه وحامي فالها
وعلى يمينه سِعْد عينه والي العهد الامين ...
نواف الاحمد راعي العليا واهو خيالها
نواف الاحمد سيف يمناه العزيزه كل حين ...
اللي ليا جات الفتن في حكمة الله زالها
يا كويت يا كويت الفخر تاريخك الدر الثمين ...
لا ما نحاتي دام لـ كويت الحرار ابطالها
يا كويت حنا مرخصين الروح قدم المعتدين ...
ونفوسنا تعجبك بالميدان بإستبسالها
اليا مشينا نربك الشيطان بالذكر المبين ...
والقاع تحت رجولنا تزلزلت زالزالها
واليوم حنا في رخى من فضل رب العالمين ...
واسم الكويت ينافس العالم بطيب افعالها
تطمني يا دار دام انه عيالك جاهزين ...
نرقى بإسمك فوق بالدنيا وحنا عيالها
هذا الوطن غالي ولا نرضى عليه الشامتين ...
كرامته منا وفينا في جميع احوالها
وان كان نادتنا الكويت / نفز فيها معتزين ....
حنا لها / حنا لها / حنا لها / حنا لها
الشاعر محمد الصواغ
المحامي محمد الصواغ
محمد الصواغ