الكلمات:
هذي ديار أزكي يا محلاهــــــا
خاطري أمشـي ب أراضيهــــا
سبحان رب الخلق أعطاهـــــا
زين الجمال اللـي يحليهــــــــا
النفس من زمان تهواهــــــــــا
تعشق أهلها ومن سكن فيهـــا
فيها حلاة الأسم لي سماهــــا
طابت حروفه بكل معانيهـــــا
والسياحـي اللـي قصدناهــــــا
دار الحبايب بروحـي افديهـــا
مــــا أرووم واللـــــه أنساهــــا
داخـل صميـم قلبــي أحويهــا
فيها رجال بالخيـر تطراهــــــا
طيب وكرم طبـع أهاليهــــــــا
علـي بـن سيـف هـوه حلّاهـــا
هــو قهوتــه فاحــت مداليهــا
العامـــري القبيلــــه قلناهـــــا
سمعه لهم فالقمه عاليهـــــــــا
الله خلقها وعينه ترعاهــــــــا
من شر حاسدا يعاديهـــــــــــا
✍🏻 الغـزيــر
تم التسجيل في أستوديو الظبي _ ولاية شناص