ماني مهموم ماني مقرون مانفخلي مصراني السباقيتي والمقرون مانوظولي في عينيا الطشطاش وفي راسي الهول ماني نتبرهش ماندير النش مانسرق من الزرع السبول مانهرب بين الوديان والشعاب ونشرب من السواقي والسيول ماني لابس كوستيم تيرقال ماني طالع هابط على لارواد نتاع الكارتي سركال ما ني مزروب باه يروح عليا الحال ماني سلهوب مانقابل في الصيف الشهيلي وريح لجنوب انا كي نروح عند الناس ضيف ما نهاب مانعيف لي فوق الطابلة نرحيها الماكلة كاملة نفترسها مانخليش ولو الطيف حتى يندمو لي عرظوني ويقولو واش هذا هذي ليسطومة ولا باطونيار الطيف اني ناكل لفول ولكبوب مانزرم من لسواق ومانظرب لجيوب ما نتناول الحبوب ماني تايه ماني نهوم ماني عاشق مغروم مانشري من السماء لبرهوشتي النجوم مانظل في بحر الخيال نعوم وبي احلام اليقضة مسكون انا كي يقتلني الشر ويرجع وجهي من الجوع صفر قول عليا راني مسموم انشرف الكسرة با السيروم انا خيكم راني غير جروم نشرب كليرو هموم الدنية وما نعشقش كما عشق في عبلة عنتر وعليها يضل قلبو يتعصر ما يرقد مايهنى ما يتهنى طول الليل ترجعلو غولة ادلوحلو حياتو كما التعلولة وبحبها فيه تعزر تخليه بايت في لبلافو يخزر وكي يطلع عليه النهار تروح من وجهو الفرحة ويرجع مكشر 😂😂😂💕💕💕✌👍