"Ətrin qalıb güllərdə"
(Ramiz Həsənoğlunun "Qonşu qonşu olsa" tamaşasından mahnı)
Söz: Fikrət Qoca
Mus: Ruhəngiz Qasımova
İfa: Ruhəngiz Qasımova, Cavan Zeynallı, 1989
Müşayiət: Rafiq Babayev, ESO
1.
Ətrin qalıb güllərdə,
Səsin qalıb sellərdə.
Sən gəzən sahillərdə
Qəmli çağlar qalıbdır.
Nəqarət:
Sudu, gələr-gedər də,
Torpaq dözər bu dərdə.
Məhəbbətsiz yerlərdə
Viran bağlar qalıbdı.
2.
Cəzamdır saçımda dən,
Günahkar mən idim, mən.
Küsüb getdin bu yerdən,
Ürək ağlar qalıbdı.