Respublika Olimpiya zaxiralari kolleji turli sport turlari bo‘yicha mamlakatimiz terma jamoalariga iqtidorli atletlar yetishtirib berish borasuda yetakchilik qilishi bor gap. Kollej bitiruvchilari xalqaro arenalarda o‘z so‘zini aytib, xalqaro arenalarda shohsupaning yuqori pog‘onalaridan joy olib kelishmoqda.
Kollej jamoasi bugun sportga berilayotgan yuksak e’tibordan, imzolanayotgan muhim hujjatlardan ruhlanib, soha rivoji yo’lida tinimsiz say-haraktlarni olib borishmoqda.
Kuni kecha ROZK rahbariyati hamda erkin va yunon-rum kurashchilari Sirdaryo viloyatida bo‘lib, Guliston olimpiya zaxiralari kollejida mehmon bo’lishdi. Mezbonlar poytaxtliklarni iliq qarshi olishdi.
So‘ngra har ikki sport ta’lim muassasasi tarbiyalanuvchilari o‘rtasida do‘stlik musobaqasi tashkil etildi. Shundan so‘ng ROZK bitiruvchilari, ko‘plab xalqaro musobaqalar g‘olibi, yoshlar o‘rtasida Olimpiya o‘yinlari chempioni Umid Jalolov hamda bir qator xalqaro musobaqalar g‘olib va sovrindori, Rio-2016 Olimpiadasi ishtirokchisi Dilshod Turdiyevlar ishtirokida mahorat darslari ham tashkil etilib, taniqli sportchilar bo‘lajak chempionlarga motivatsiya berishdi, desak yanglishmaymiz. Yakunda kollejlar o‘rtasida hamkorlik memorandumi imzolandi. Bu esa iste’dodli sportchilarni saralash va terma jamoaga jalb qilishda yaxshi samara berishi bilan ahamiyatlidir.