Жүрегім, нені сезесің
Жүрегім, нені сезесің,
Сенен басқа жан жоқ па?
Дүниені, көңілім, кезесің,
Тиянақ жоқ па, қой, тоқта!
Сезгеніңді сездіріп,
Жете алмадың ортаққа.
Тірі жаннан бездіріп,
Апарасың қай жаққа?
Ортақтық, тыныштық достық, қой,
Оның қадірін кім білер?
Әркімге-ақ тілеу қостық қой,
Бәрі алдамшы саудагер.
Халықтың аты керек қой,
Я мақтауға, боқтауға.
Құбылға бәрі зерек қой,
Бәрі жайсыз тоқтауға.
Досты қайдан табарсың,
Кеңесерге адам жоқ.
Әрлі-берлі табарсың,
Жалғыздықтан жаман жоқ.
Ақыл айтсаң біреуге,
Ішің еріп, егіліп,
Ұялмас ақы тілеуге,
Бермесең қалар түңіліп.
Ақы беріп тыңдатқан -
Сөз көкейге қонар ма?
Құлағын сатқан тәңірі атқан
Оңдырар ма, оңар ма?
Күйесің, жүрек, күйесің,
Күйгеніңнен не пайда?
Дүниеде нені сүйесің
Өмір қайда, дос қайда?
Жүрегім,нені сезесің Абай Құнанбайұлы
#Абай Құнанбайұлы
#Жүрегім нені сезесің
#Жүрегім, нені сезесің
#Жүрегім, нені сезесің Абай
#Досты қайдан табарсың
#Абай құнанбайұлы өлеңдері
#абай құнанбаев
#Абай Құнанбайұлы жүрегім нені сезесің
#жүрегім, нені сезесің Абай
#Дүниеде нені сүйесің
#күйесің жүрек күйесің
#Күйесің жүрек күйесің
#Абай өлеңдері
#поэзия
#қазақша поэзия
• Жүрегім, нені сезесің ...
• Өлсе өлер табиғат...Аб...
• "Күз"
Абай Құнанбайұлы
• Әуелде бір суық мұз - ...