Қазалы ауданында ерекше балалар тәрбиеленетін "Рауан" инклюзивті балабақшасы 2018 жылы құрылды. Балабақша 90 орындық, оның ішінде 45 бала тіл мүкістігі бар балалар. Балабақшада логопед, дефектолог, психолог, әуез маманы, дене шынықтыру нұсқаушысы және тәрбиешілер жұмыс жасайды. Мамандар мен тәрбиешілердің үздіксіз жұмысы нәтижесінде тіл мүкістігі бар балалар 2020, 2021, 2022 жылдары қалыпты балалармен бірге жәй мектептерге 102 баланы тәрбиелеп шығарып салды. Сонымен қатар балабақшада домбыра, би үйірмесі және спорттан хатка иога үйірмесі жұмыс жасайды. Балғындар көптеген олимпиада, байқауларға қатысып жүлделі орындар алып жүр. 4-5 жастағы балаларға ментальды арифметика сабағы жүреді. Бұл сабақ екі жақты ми қызыметін, есте сақтау қабілетін жақсартады және саусақ моторикасын арттырады. Балабақша басшысы Ұзынжасова Қуанышкүлдің айтуынша, алдағы уақытта "Ерте жастан" дамыту бағдарламасы бойынша 2022 жылдың қыркүйек айында USAID Орталық Азиядағы әлеуметтік инновациялар бағдарламасына жоба жазып, Грант ұтып алған. Бұл жобаның мақсаты 0-3 жас аралығындағы сал ауыруына шалдыққан, Дауна синдромы және де басқа диагнозы бар балалардың ата-аналарына көмек қолын созу. Алматыдағы САТР Орталығының мамандарын шақырып, семинар, тренингтер өткізу. Балабақшаның құрылғанына көп бола қойған жоқ, десе де төрт жыл ішіндегі жетістігі, тәжірибесі республикалық, облыстық деңгейге жетті деуге болады. Жақында Германия мемлекетінің Бонн қаласынан келген Ренате Гриссердің арнайы осы балабақшаға келіп тәжірибесімен бөліскені соның дәлелі. Қалай дегенмен, осындай нарық заманында, жаңа ашылған мекеме бола тұра, жинаған тәжірибесін халқына, оның ұрпақтарының саулығына арнап жүрген, ізденімпаз, еңбекқор Қуанышкүл апамыздың істеріне береке, отбасына бақыт, шығармашылық табыс, әлемдік жобалардың иесі болуына тілектестігімізді білдіреміз.
#Қазалы