Ramiz Rövşən - Bu qız sənə yadsa əgər - Kamran M. YuniS
#kamranyunis #ramizrövşən #poeziyateatrı #kamranmyunis #şiirler
#şeirlər #sevgişeirləri #aqşinəlizadə #hüznvalsı
Ramiz Rövşən - Bu qız sənə yadsa əgər
Bəstəkar - Aqşin Əlizadə - Hüzn valsı
Sən getdiyin yolu azıb,
başqa yola çıxmısan.
Hara gedirdin, qadası,
gəlib hara çıxmısan?
Bu nə toydu, atam oğlu?
Bir ölən eşqin yası...
Sən sevən qız başqasıydı,
sən alan qız başqası.
Bu səs-küylü toy axşamı
qardaş-bacın oynayır.
Səndən başqa burda hamı
əl-qol açıb oynayır.
Əllərə bax, bu əllərə;
yellənir qanad kimi.
Müğənni də qalxıb zilə,
şahə qalxan at kimi.
Yox!.. Bu toyun səndən ötrü
bir damcı sevinci yox.
Oturmağa gücün çatmır,
qaçmağa da gücün yox.
Rəhmin gəlir yanındakı
bu yad qıza, şad qıza.
Ağ gəlinlik donundakı
bu yazıq, xoşbaxt qıza.
Bu qız sənə yadsa əgər,
yüz yol öp, nə xeyri var?
Sənə doğma olacaqmı
o doğduğu balalar?!..
... Bəlkə, tale görüşdürüb,
rast salıb fələk sizi.
İkinizə bəs eləyər
tək bu qızın sevgisi.
O sevgiylə qızınarsan
ən soyuq havalarda.
O sevginin işığında
böyüyər balalar da.
Dur, bu qızla oyna görüm
ömrün bu xoş anında.
Kim bədbaxt olar, kim, -
bu cür xoşbaxt qızın yanında?!..
1973
Пікірлер: 99
Ramiz fəlsəfəsi əngindir, zəngindir..
Bu qız sənə yadsa əgər,
Sən..sevən..qız..başqasıydı..
Cox gözəl toyum düşdü lap yadima hamı oynayır mənim xeyalimda sevdiyim dinməz sakitcə dayanıb baxirdim😢😢
Sən sevən qız başqasıydı, sən alan qız başqası ,
O xoşbəxt görünən yad qıza yazığım gəldi...
Sən getdiyin yolu azıb,
Bu şeirə oqeder təkrar təkrar qulaq asmisam ki əzbər bilirəm.coxxxx gözəl sözlər.mohtesem ifaa.
Allahım bu səsi bu ruhu bu iniltini bu avazı bu nəfəsi bizdən ayırmasın🙏🙏(içimdən gəldi acizanə)
Yox!... Bu toyun səndən ötrü bir damcı sevinci yox. ❤️Kamran M. Yunis❤️Ramiz Rövşən❤️🙏🙏
Elə çox istəmişəm ki, bu şeiri sizin ifanızda dinləyəm.Hətta şeirin adını toy yazıb axtarmışam gəlməyib.Təsədüfən bu gün çıxdı qarşıma. İnanın tək bu səsdə bu ifada sevdim.Ürəyinizə o səsinizə min qüvvət.
Yawiyan efsane Ramiz Rovwen.Bu wairi cox sevirem.Felsefi insan.Kamran Yunisin seside huzur, sakitlik verir insana.Her ikisinide can sagligi arzuluyuram.Bestekarada hemcinin.
Əslində dünyanın düzəni bu ki,yadlar ğəlir dogmalaşır
Bir çox insanın taleyi əks olunub bu şeirdə.Bu vəziyyətdə olanlara Allah kömək olsun. Çox sağ olun Kamran bəy
Ən sevdiyim şairdir Ramiz Rövşən. Şeirdə ki mənaya bax. Sizdə şeiri çox gözəl ifa edirsiz. Mən bir filologiya tələbəsi olaraq sizin söylədiyiniz şeirləri dinlədikdən sonra dərs danışıram 😊
Bu toyun senden öttü bir damcl sevinci yox.
...Bəlkə,tale görüşdürüb
Elə istiyirə hamı xoşbəxt olsun .Hərə öz yarını tapsın .nə gözəl olar hə ?Yenidən gəlmiyəcəyiy bu dünyaya axı.
Sən qanımı beləsinə tökmüsən,
Sen seven qiz basqasiydi,