Zangiota tumani aholisi uchun yozilgan iftorlik dasturxoniga nuroniylar, mahalla faollari, ishchi xodimlar, roʻzadorlar taklif etildi.
Bunday xayrli tadbirlarning tashkil etilishi Ramazon oyining mazmun-mohiyatida mujassam bo'lgan odamiylik, inson sha'nini ulug'lash, yaxshilik va saxovat, tinch osoyishta hayotni qadrlash, mehr-oqibat, o'zaro hurmat muhitini mustahkamlash kabi ezgu fazilatlarni o'zida namoyon etadi.
Ushbu iftorlik dasturxoni xalqimizga xos, insoniylikning yuksak koʻrinishini oʻzida aks ettiruvchi qadriyatlarimizning ham bir koʻrinishi boʻldi.
Fayzli dasturxon atrofida kechgan suhbatlarda esa bugungi farovon va tinch hayotimizga, toʻkin dasturxon atrofida jam boʻlib oʻtirish neʼmat ekanligiga shukronalar keltirildi.
Ana shunday ezgu niyatlar ila nuroniy otaxon va onaxonlar yurtimiz tinchligi, osoyishtaligi uchun shukronalik bildirib, duoga qoʻl ochishdi.