Құрметті ағайын!
Оразаны парыз ететін шарттар:
Рамазан айындағы оразаның үкімі - парыз айн (адамның жеке өзіне міндет болған парыз): 1. Мұсылман болу. Ораза ұстау - мұсылман болған әрбір ер мен әйел кісіге парыз. 2. Балиғатқа толу. Балиғат жасына толмаған сәбиге оразаның парыздығы міндеттелмейді. 3. Ақыл-естілік. Оразаны атқаруға қабілетті қылатын шарттар: 1. Денсаулық. Науқас кісіге ауырған күндері, ораза кезінде жүкті немес емізіп жүрген нәрестелері бар әйелдер және жолаушыға сапар күндері ораза ұстамаулары рұқсат етіліп, кейін жағдайлары жеңілдегенде сол күндердің қазасын өтеулері - парыз. Жалпы ауру-сырқаты жазылмайтындар, денсаулығы ауыз бекітуді көтермейтін, жасы келген қарттар - ораза ұстамаса да болады, бірақ олардың дәулеті жеткілікті болса, тұтпаған оразасына фидия береді. Фидияның мөлшері Құран Кәрімде былай деп баян етілген: «Шамасы келмейтіндер /қарт кісілер, жазылмайтын ауруға шалдыққандар/ ораза ұстамаса, бір кедейдің бір күн тоятындай тамағын беріп тұруына болады. Ал оны белгілеген мөлшерден артық беретіндері болса, өзі үшін жақсы» (Бақара сүресі, 184 аят). Өйткені, өмірлік жазылмайтын ауруға душар болған кісілер және ауыз бекітуге шамасы жоқ қарттар оразаның қазасын өтемейді. Егер дәулеті болмаса, фидия да төлемейді. Сондықтан да, біз қадірін түсінгенше зулап өте шығатын Рамазан айындағы зор нығметтерден құр қалмайық, ағайын! Алла Тағала Рамазанның әрбір сәтінен өз үлесімізді алып, жұмақ қақпаларынан жүзіміз жарқын болып кіруді нәсіп еткей!
Осы айды Алла разылығы үшін тағат-ғибадатпен өткізіп, мол сауаптарға кенелейік. Еліміз көркейіп, дініміз марқая берсін. Барша Қостанай облысының тұрғындарын келе жатқан Қасиетті рамазан айымен шын жүрекпен құттықтаймыз, отбасы, бала-шағаларыңызға амандық, астарыңызға адалдық нәсіп етсін!
11 - наурыз Рамазан айының басталуы.
10 - наурыз кешке тарауық намазы басталады.
Қадір түні сәуірдің 05 нен - 06 не қараған түні.
10- сәуір күні Ораза айт.
Пітір садақасы 640 тенге.
Қостанай облысының Бас имамы
Тәжімбет Бахытбек Нұрғабылұлы
Қостанай облыстық мешітінің TAZA BULAQ media ютуб каналы жұмыс жасайды. Өңіріміздегі мешіт имамдары мен ұстаздарының уағыздарын тыңдағыларыңыз келсе аталған сілтемеге кіріңіздер!.
Халқымызға имандылық тәрбиесін насихаттау үшін біздің каналымызды көбірек бөлісіп отырайық ағайын!!!
Қостанай облыстық мешітінің әлеуметтік желілердегі парақшаларымыз:
/ mechet_kost. .
/ qostanay.obl .
/ qostanay_mosque