🏠 „კავკასიური სახლის“ სახალხო უნივერსიტეტმა საზაფხულო სესია დაასრულა.
🔴 სასწავლო წლის პირველი ნახევარი შევაჯამეთ ღონისძიებით, რომელიც სახალხო უნივერსიტეტმა გივი მარგველაშვილის სახელობის ლიტერატურულ-ფილოსოფიურ კვლევათა გერმანულ-ქართულ ინსტიტუტთან ერთად გამართა.
🔴 2024 წლის 12 ივნისს, 17 საათზე იორგ ჰენლეს სახელობის აუდიტორიაში (მის: გალაკტიონის ქ. N20) ვუმასპინძლეთ პოლიტოლოგ ლევან ლორთქიფანიძის მოხსენებას - „რა გზას ირჩევს ევროპა?“.
ლექციის მიმდინარეობისას მომხსენებელმა შემდეგი თემები განიხილა:
✅ ევროპარლამენტის პოლიტიკური როლი და ფუნქცია;
✅ ევროპარლამეტის 2024 წლის არჩევნების შედეგები (გერმანიის მაგალითზე);
✅ ევროპარლამეტის 2024 წლის არჩევნები: ძირითადი თემები
✅ ევროპელი ულტრამემარჯვენეები: მთავარი ძალები და კონფლიქტები;
✅ ევროპა 2024 წლის არჩევნების შემდეგ.
🇪🇺 თუ თავს ევროპული სივრცის ნაწილად მოვიაზრებთ, უნდა ვგრძნობდეთ ევროპის მაჯისცემას. ვფიქრობთ, მოხსენება დაინტერესებულ აუდიტორიას კიდევ ერთხელ დააფიქრებს ევროპაში მიმდინარე მოვლენების თაობაზე.
🎓 მომხსენებლის შესახებ:
ლევან ლორთქიფანიძეს იცნობენ, როგორც დემოკრატიული სოციალიზმის იდეების მხარდამჭერ პოლიტოლოგს. შედარებითი პოლიტიკისა და პარტიული პოლიტიკის მიმართულებით კითხულობს ლექციებს თბილისის რამდენიმე უნივერსიტეტში. გახლავთ არაერთი მნიშვნელოვანი კრებულის ავტორ-შემდგენელი და გამომცემელი. 2022 წელს აირჩიეს „კავკასიური სახლის“ გამგეობის თავმჯდომარედ.