શ્રી ઘૃતકલ્લોલ પાર્શ્વનાથ દાદાની સ્તુતિ | સમ્યક્તવનું અંજન કરો | Umang bhavsar & Dhruvil Chaudhary
Lyricist - Aarjav Gandhi (Tapovani)
Singer - Umang bhavsar (Tapovani), Dhruvil Chaudhary (Tapovani)
Violin :- Mahendra Patel
Mixing :- Kardamsharma Joshi ( Rabasa Musiclab )
Video by :- Desinography ( Samarth Tapovani )
Lyrics-
વિતરાગ તારું દર્શ પામી નજરું મારી સ્થિર બને,
દર દર ભટકતી આ હરણી ને નિર્મળ સ્વરૂપ ઝરણું મળે;
એ દ્રશ્ય અનુપમ ગુણનું મુજ દોષનો કરે ખરખરો,
પ્રભુ ઘૃત કલ્લોલ અમ જીવનમાં સમ્યકતવનું અંજન કરો...
લાંગરો શ્રદ્ધા કિનારે બુદ્ધિની મુજ નાવડી,
સુખ મોક્ષ કેરુ પામવા સમકિતની પહેરો પાઘડી;
સુદેવ સુગુરુ સુધર્મનું મળવું હવે ફળવું બનો,
પ્રભુ ઘૃત કલ્લોલ...
મિત્ર મારા , પ્રાણ પ્યારા નાથ તારણહાર છો,
હરપળ તમારો સાથ છે ને તું ખરો આધાર છો;
સાચી અવિહળ પ્રીતના પ્યારા પ્રીતમ ભરથાર હો,
પ્રભુ ઘૃત કલ્લોલ...
મોંઘો મળ્યો ચિંતામણી મેં જીવનભર જાણ્યો નહિ,
સરદાર છું હું મુરખમાં માટે તને ધ્યાવું નહિ;
આ ચિત્ત તારા ગુણનું પ્રતિપળ પ્રભુ ચિંતન કરો,
પ્રભુ ઘૃત કલ્લોલ...
ભીષણ ભયંકર ને ભયાનક જ્વાળા મુજમાં ચાલતી,
ઉપકારી કે હિતકારી હો એ હૈયા સૌના બાળતી;
હું ક્રોધની છું આગને પ્રભુ આપ સમતાનો ઝરો,
પ્રભુ ઘૃત કલ્લોલ...
નિજ સ્વાર્થ ખાતર હું પ્રભુજી જૂઠને સાથી કરું,
ક્રોધ દંભને દાવથી બસ સત્યના ટુકડા કરું;
દેહની ભીતર સૂતેલા સત્વને જાગૃત કરો,
પ્રભુ ઘૃત કલ્લોલ...
આ આંખ દોષો શોધવા દોડ્યા કરે દોડ્યા કરે,
ગુણીજન તણા કોઈ ગુણલા ક્યારેય દિલમાં ના ધરે;
આપનું દર્શન વિભુ ગુણદૃષ્ટિને વિકસિત કરો,
પ્રભુ ઘૃત કલ્લોલ...
આપને પામ્યા તણો આનંદ છે આનંદ છે,
સેવકપણું પામ્યા તણો આનંદ છે આનંદ છે;
આનંદની આ દિવ્યતા સવિજીવનું મંગલ કરો,
પ્રભુ ઘૃત કલ્લોલ...