【全場精華】港超聯-大埔 1:0 冠忠南區
Спорт
港超聯 1球挫冠忠南區 大埔升上次席
「中銀人壽香港超級聯賽」周六(21日)爆發「地區打吡」,大埔坐鎮大埔運動場迎戰冠忠南區。結果大埔憑後備入替的陳肇鈞,頂入全場唯一入球,以1比0擊敗冠忠南區。「綠戰士」全取3分後,壓過南區及今周輪空的傑志,暫時升上積分榜第二位。
「綠戰士」今場派出雷仙奴、鍾偉強及馬卡雷拿組成進攻三叉戟,蔡立靖夥拍利馬於中場串聯,戴上隊長臂章的加比爾及馬高斯山度士鎮守後防,謝家榮復任正選把守大關;南區則有艾華重返正選大軍,與史提芬彭利拿及陳傲軒聯手攻堅,鞠盈智及陳凱柏齊齊重返正選大軍,頂替因傷缺陣的古安奴。
上半場雙方互有攻守,3分鐘,李家豪右路傳中,南區後衞頂走不遠,雷仙奴後上一射高出。8分鐘;南區前場反搶成功,佐佐木周交前,史提芬彭利拿一射斜出。南區攻勢越發入肉,21分鐘,史提芬彭利拿禁區外勁射中楣。4分鐘後,史提芬彭利拿接應艾華傳中,窩利抽射中柱彈到謝家榮手上,無功而還。大埔其後搶回不少攻勢,37分鐘,馬卡雷拿送出直線,利馬一射被伍瑋謙用腳擋走。40分鐘,鍾偉強斜長傳交前,雷仙奴一控一射再吿高出,雙方半場互無紀錄。
換邊後,南區繼續施壓,大埔馬高斯山度士頭鎚回傳交失,艾華後上快腳彈射高出。61分鐘,佐佐木周殺入禁區,一下假身找到起腳機會,不過僅射中網側。大埔其後換入陳肇鈞及陳曉鋒,南區則派出羅拔奧度。71分鐘,南區守將禁區內犯手球,球證聽過VAR助理球證意見後,直指12碼點,但馬高斯山度士操刀宴客,被伍瑋謙撲出。大埔再接再厲,陳肇鈞接應李家豪傳中頂入,打破場上僵局。77分鐘,羅拔奧度頭鎚二傳,李嘉耀門前加一頭,被謝家榮回身在白界前將皮球撲出。結果大埔以1比0擊敗南區,各項賽事毫取6連勝。
#本地足球 #大埔 #冠忠南區 #我撐本地波 #港超聯 #中銀人壽香港超級聯賽 #睇體
------------------
支持香港運動員,快啲follow埋《睇體》個 IG: / ontv_sports
再再訂閱《睇體》個KZread頻道:bit.ly/2lD6cD7
Пікірлер: 11
philip 攝位timing 好underrated
Ivan 都唔差,只係現階段家榮打起左
@95tse85
9 ай бұрын
冇計身高有限,港隊唔使諗,有曾文輝一半已算成功
@matthewc5148
9 ай бұрын
香港龍門呢方面唔洗煩,有家榮、Ivan 之外,流浪既盧兆崎都唔差
謝家榮真係鋼龍👍👍👍👏👏👏勁
堅蛇有料到
未來十幾年,都唔駛驚無龍門 今埸兩隊既龍門都係好好既繼任者 咁....仲需要保羅嗎?
又係少爺仔。。同艾華頓一樣。港超最fit球員之一。
謝家榮好波
南區贏點數輸波
香港摩連奴