Şıxlar kəndi Qobustan rayonunun inzibati ərazisidir.
Kəndin tarixi XVI-XVII-Əsrlərə təsadüf edir. Bu adda Azərbaycan ərazisində bir çox kənd vardır. "Şeyx" Ərəb sözüdür mənası "savadlı şəxs", "təriqət başçısı", "qəbilə başçısı" və.s deməkdir. Şıxlar (Şeyxlər) yəni "şeyx nəslindən olan insanlar". Kənd Çigilçay ilə Qozluçayın arasında yerləşirdi. Bu kənd "Şıx Xudaverdili","Hacı Bayramlı","Şıx Mikayıllı","Şıx Kazımlı","İsmayıllı","Qədimli","İsifli" kimi təbəhlərdən ibarət idi. El arasında kəndə "Hunbu" və ya "Hünbu Şıxları" da deyilir. El yozumuna görə, kəndin adındakı Hünbü sözü Hunbu dağı, Hünbət pirinin adından yaranmışdır. Kənd və onun ətrafında bir çox ziyarət yerləri - "Şıxdag","Tutu piri","Şıx Novruzəli piri","Məhəmmədşah piri","Humbət (Ərçənni) piri" vardır. Əkinçilik və Heyvandarlıqla məşğul olmuş Şıxlar kəndinin Dəli qayada yaylaqları, Ceyrançöl ərazisində isə qışlaqları olmuşdur.
"Hümmü Baba" Qədim Şıxlar kəndində XVII-XVIII əsrlərdə Sufi təriqətinin təbliğatçılarından imiş. Əsasən Sofu Həmid Babanın mürüdlərindən biri olmuşdur. Hümmü Babanın yaşadığı Şıxlar kəndinin adının izahı da bu ərazidə dini təbliğ edən insanlar-şeyxlərin çox olduğunu açıqlayır. Belə bir mühitdə böyüyən Hümmü Baba Şirvan ərazisində ətrafına sufi tərəfdarları toplamış, uzun illər irşad fəaliyyəti göstərmiş, böyük kəramət sahibi Sofu Həmid Babanın fikirlərini, ideyalarını yaşayanlardan olmuşdur. Şıxlar kəndinin qocaman sakinlərinin yaddaşında Hümmü Babanın əməlləri ilə bağlı neçə-neçə əhvalatlar bu gün də yaşamaqdadır. Deyilənə görə onun övladı olmurmuş, Ustadının adına qurban götürür ALLAH TƏALA Sofu Həmid Baba hörmətinə ona bir oğul qıyır.
Şıxlar kəndi hal hazırda tərk edilmiş kənd hesab olunur kənd sakinlərinin bir hissəsi Qobustan rayonunun Xilmilli kəndinə bir hissəsi isə Qaradağ rayonu Qobustan qəsəbəsinə köç ediblər.