Qıytaq jerden únemli paydalanıwda gáp kóp. Bilgenge qıytaq jer qosımsha dáramat deregi. Aldınları jerge kópshilik itibar bermeytuǵın edi. Bazı shańaraqlardaǵı jerlerdi jaman shóp basıp jatqanı da sır emes. Endi bolsa qıytaq jerdiń qosımsha dáramat deregi ekenin kópshilik ańlap jetti.
Búgingi qaharmanımız Shomanay rayonı "Monshaqlı" mákan puqaralar jıyınında jasawshı Temirbaev Tórebay. Onıń 4 sotix jerinde miywe hám palız eginleriniń túr-túrinen ushıratasız. Miywelerden alma, qáresli, shabdal, shiye, júzim al, palız eginlerinen pomidor, qıyar, baklajan nállerin jetistiripmekte. Bul menen sheklenip qalmaǵan aǵamız shańaraq aǵzaları menen birgelikte gúlshilik penen da shuǵıllanadı. Qıytaq jerinde 20 túrden aslam gúl túrlerin jetistiredi. Shańaraǵında miymanda bolǵanımızda gúllerdiń xosh iyisi dógerek átirapqa tarap, insanǵa ózgeshe keypiyat berdi.