ياودي مانزله اللى كرام السبال
قبل المباني وقبل الخط يمشيها
باقي أثرهم وباقي ذكرهم لايزال
راحو لكن باقي الافعال يزينها
كانت بيوت الشعر لهم اكبر راس مال
على الشحم والدلال الصفر بانينها
قلوبم ماتضيق لون مابه مجال
وكفوفهم للكرم تندى مخاليبها
وادي عفراء ما سكنه اللى زحول الرجال
اهل الشيم والوفاء والناس تدريبها
فيها اخوان اربعه مابين عمن وخال
اخوان يصعب على اهل الخبث تفريقها
الصف واحد وكلمتهم مافيها جدال
ولا تفرق ولا تنقص مواجيبها
الصهب عيت على الأموال في كل حال
الا مثال تضرب بها من قوه تأثيرها
وان جيت بمدح شيوخ القوم مال العقال
ويشوش بيت القصيد وياقف اميرها
ابن مسعد وابن مجاهد السيوف الصقال
مرسى الاماره قبل تقر مكاتيبها
وبن دخيل وابن ناله مثل صم الجبال
تسد شان البعيد وتعين قريبها
وانا اختصرت الاجابه يلي عندك سوال
كل الحقايق توثقها براهينها