Nihin piangthar pawl tam deuh hi piangthar lonak in kan nun aa dawh lo deuh. Kan pianthar hmanh hi Bawipa vel thawng in a si caah a si. Tuahsernak in sisehlaw, piangthar lo nih van an kan phak tak men lai. Cu tluk cun kan nun hi aa dawh lo. Sualnak ah kan tlu zungzal ko. Tukforhnak hi tei kan i harh ngaingai. Cucaah zeitindah kan tei khawh lai timi le tukforh kan ton biknak a ruang pawl fiang tein a kan chimhnak a si. A ngaitu caah hlawknak tampi a kan pek hrimhrim lai. A hlei in piangthar caah ralrinnak tampi a kan pek hrimhrim lai. A voithumnak zong an kan tuahpiak tthan lai. Bialettu hi Rev. Hoi Cung Tum a si. Talkshow a tuahtu le tuahnak hmun - Grace Baptist Chuch, Hakha
Rev. Hoi Cung Tum hi Grace Baptist Church, Hakha a dirka in Church Pastor a ttuanmi a si i, tu hi kum 13 hrawng a ttuan hnu ah Senior Pastor in aa dinh lio a si. A ttuan chungah Bawipa nih thluah a chuah hna i, member tampi an karh. Chin Baptist Convention, Hakha zong a dir i, Khrihfa bu tampi an i komh. An ngan ngaingai te lai tiah rak zumh mi an si. Seven Ones Private sianginn zong a tuah. Hlan deuh ah Bible sianginn zong a rak thok. Ramkip ah mirang holh in siseh, Lai holh in siseh Bawipa nih a ram caah a hman taktak mi Biblical Preacher a si. Bible sianginn a dihka in Christ For Every Creature Ministry a tuah. Bawipa nih Thlarau tlau tlaitu le Pathian Bia kilvengtu ah a hman ngaingai mi a si. Bawipa nih hmailei zong a hman lai tiah kan zumh. Bawipa nih a hman caah mi tampi nih Bible kan pemh i, piantharnak zong kan hmu. Tu hi Bible a leh lio a si. Kum 3-5 kar ahcun kan rel khawh cang lai tiah kan zumh. Tuhnu kum 5-10 ahcun International Speaker tiang in Bawipa nih a hman te lai tiah kan zumh. A nupi cu Pi Tracy a si i, fanu pathum le fapa pahnih Bawipa nih thlua a chuah hna. A thawngtha ngaitu nih thla za cam piak zungzal hna usih.
Video Credit: Grace Baptist Church, Hakha