#halloween #prayer #soul
WATCH MORE VIDEOS BY CLICKING THE SUBSCRIBE LINK BELOW:
/ @thebravecookie
VISIT MY WEBSITE: bravecookie.com
************
Sa Ngalan ng Ama, ng Anak at ng Espiritu Santo, Amen.
Panginoon kong Hesu-Kristo, Diyos na totoo at tao namang totoo, gumawa at sumakop sa akin, pinagsisihan kong masakit sa tanang loob ko ang lahat nang pagkakasala ko sa Iyo, na Ikaw nga ang Diyos ko, Panginoon ko at Ama ko na iniibig kong higit sa lahat. Nagtitika akong matibay na hindi na ako muli-muling magkakasala sa Iyo at nagtitika naman akong magkumpisal ng lahat nang kasalanan ko. Umaasa akong patatawarin Mo alang-alang sa mahal na pasyon at pagkamatay Mo sa Krus dahilan sa akin, AMEN.
Buksan Mo, Panginoon ko, ang mga labi namin, palusugin ang aming loob at pakalinisin sa mga walang ka pakanang-mahalay at likong akala. Liwanagin Mo ang aming bait. Papagningasin ang aming puso nang magunam-gunam naming mataimtim ang kamahal-mahalan Mong pinagdaanang hirap at kamatayan sampu ng kapaitang dinalita ng Iyong marangal na Ina, at maging dapat kaming dinggin sa harapan ng Iyong di matingkalang kapangyarihan. Ikaw na nabubuhay at naghahari magpasawalang hanggan, Amen.
Lubhang maawaing Hesus; lingapin ng mata Mong maamo ang kaluluwa ni ___ na namatay na, nang dahil sa kanya, nagpakasakit Ka at namatay sa Krus. AMEN.
Katamis-tamisang Hesus ko, na sa pagsakop Mo sa sangkatauhan ay inibig Mong Ikaw ay ipanganak sa lupa, tumulo ang Iyong sagradong dugo sa pagbibinyag ng mga hudyo. Napasakamay Ka ng mga tampalasan dahil sa halik ni Hudas. Ginapos Ka nila ng lubid at pagkatapos ay nilapastangan sa harap ni Anas, Pilato, Herodes at Caiphas. Linurhan at pinaratangan ng mga saksing bulaan. Tinampal, inalimura, natadtad ng sugat ang buo Mong katawan sa hampas ng suplina. Pinutungan ng koronang tinik at natakpan ang Iyong mukha ng isang purpura sa pagpapalibhasa sa Iyo. Nalagay sa pagkahubong kahiya-hiya, napako sa Krus sa gitna ng dalawang magnanakaw na parang isa sa kanila, pinainom ng apdong nilahukan ng suka at ang Iyong tagiliran ay sinila ng isang sibat.
Hanguin mo na Panginoon ko alang-alang doon sa madlang sakit na lubhang mapait para ng dalitain Mo ang mga kaluluwa sa purgatoryo; sa pagdurusa nila, iakyat Mo nang matiwasay sa Iyong kaluwalhatian at iligtas sila alang-alang sa karapatan ng Iyong kasantu-santuhang pagpapakasakit at pagkamatay sa Krus; sa mga nagdurusa sa impyerno, nang sila ay maging dapat na pumasok sa payapang kaharian na pinagdalhan Mo sa mapalad na magnanakaw na napasama sa Iyo na napako sa Krus; Ikaw na nabubuhay at naghahari, kasama ng Diyos Ama at Diyos Espiritu Santo, magpasawalang-hanggan, AMEN
Aba, Anak ng Diyos Ama
Aba, Ina ng Diyos Anak
Aba, Kabiyak ng Diyos Espiritu Santo
Aba, Simbahang Banal ng Santisima Trinidad
Aba, Birheng kalinis-linisang di nagbakas ng kasalanang orihinal
Ama namin, sumasalangit Ka
Sambahin ang ngalan Mo
Mapasaamin ang kaharian Mo
Sundin ang loob Mo, Dito sa lupa, para nang sa langit.
Bigyan Mo kami ngayon ng aming kakanin sa araw-araw.
At patawarin Mo ang aming mga sala,
Para ng pagpapatawad namin sa mga nagkakasala sa amin.
At huwag Mo kaming ipahintulot sa tukso, At iadya Mo kami sa lahat ng masama, AMEN.
Aba, Ginoong Maria, napupuno ka ng grasya, ang Panginoon ay sumasaiyo.
Bukod kang pinagpala sa babaeng lahat, at pinagpala naman ang iyong anak na si Hesus.
Santa Maria, Ina ng Diyos, Ipanalangin mo kaming makasalanan
Ngayon at kung kami'y mamamatay, AMEN.
Luwalhati sa Ama, at sa Anak, at sa Espiritu Santo.
Kapara nang unang-una, ngayon at magpasawalang hanggan, AMEN.
Panginoon kong Diyos, Amang kagaling-galingan at kaalam-alaman sa lahat, Salamat sa Iyo nang walang hanggang pasasalamat sa lahat ng awa Mo sa amin. Kaming mga alipin Mong masasama ang siyang nagpapasalamat sa Iyong mahal na Anak na Bugtong sapagkat ipinagkaloob Niya sa aming lahat ang dinanas Niyang hirap dito sa lupa. Galang sa Iyo, awa sa amin, sampu ng kabanalan ng Mahal na Birheng Ina Niya, inihahain nami’t ipinagmamapuri at pinasasalamatan ang awa Mo sa amin.
CONNECT WITH ME:
✅ Facebook/Meta: / braveinspirationscoaching
✅ Website: www.bravecookie.com
✅ Twitter: / itsbravecookie
✅Podcast: anchor.fm/braveinspirationspo... ✅ / its.bravecookie
🔎 HASHTAGS 🔎 #Pasiyam, prayer for souls, Dasal sa Patay, Panalangin sa Kaluluwa
Cover: Resurrection of Jesus by Francesco Buoneri/Cecco del Caravaggio (1588/90 - after 1620) Google Art Project Public Domain
Music: Calm and Peaceful by LesFM | lesfm.net/relaxing-background...
Music promoted by www.chosic.com/free-music/all/
Creative Commons CC BY 3.0