#pagjurme #odetadume #reportTV
“Mirë jam, shko tek Brunilda që të mos rrish vetëm…”
Këto ishin fjalët e fundit që zonja Fijeni dëgjoi nga djali i saj Andrea Qëndro, më 20 gusht 2022, ndërsa po mbushet viti dhe ajo nuk ka asnjë informacion për të. 47-vjeçari u largua nga banesa, marsin e vitit 2022, ndërsa me vete mori dokumentet greke dhe 300 mijë lekë shqiptare. Nënën nuk e sqaroi me detaje se ku do të shkonte dhe ku do të qëndronte, pervveç disa bisedave që kishte bërë në fillim të vitit me një shok, kur ajo kuptoi se djali mund jetë zhvendosur në Francë. Ai e telefonoi gushtin e vitit 2022, ku i pohoi se ishte mirë dhe se priste të fillonte punë shpejt. Me t’u mbyllur telefoni, nëna humb çdo kontakt me djalin e saj. Në mëndje 73-vjeçares i përshkojnë qindra mendime, veç shpreson të jetë gjallë e t’i dëgjojë zërin. Frika për fatin e djalit është e madhe, pasi 47-vjeçari vuan nga depresioni. Ai nuk mundi dot të krijojë familje, ndërsa që herët ka bërë një jetë në emigrim në vende si Austria, Greqia dhe Belgjika, por asnjëherë pa patur një vend stabël. Ky largim i fundit i 47-vjeçarit duket se ka ngritur mjaft dyshime tek familjarët.
Emisionin "Pa gjurmë" me moderatore Odeta Dume mund ta ndiqni nga e hëna në të premte në orën 16:00 në ekranin e Report Tv