皮思苦 以歌剖白
形象人設與內心世界的反差
Frankie陳瑞輝首支派台作品《皮思苦》MV日前上架，歌曲係Frankie自己內心剖白「原來我同Oscar都有好多共通嘅諗法，覺得如果由佢擔任MV導演，可以將〈皮思苦〉嘅精髓放入MV裡面，所以我就邀請佢執導，並採取絕對嘅信任。」
「Oscar起初同我講個Idea，係將鏡頭入面睇到以為係真嘅嘢，再Show清楚俾大家睇嘅時候，原來係假㗎！聽完覺得好得意，但又覺得好難實現到，不過Oscar將想法實現晒，例如我身上用紙造嘅白色西裝，仲有燈同電話蛋糕，真係冇諗過全部嘢都咁像真！唔知大家睇MV，發唔發掘到邊啲係真，邊啲係假呢？」
「試過去睇戲，散場好多人，有個Fans見到我，想搵我影相，但因為喺扶手電梯，好多人，唔方便停低，我就婉拒了，後來發現佢有dm我話唔開心。呢件事我都唔開心，但我又唔可以直接同佢講原因何在，又冇時間交代清楚就要趕住走。其實成日都有好多呢啲我做得唔好、做得唔足夠，令大家對我期望有落差嘅事情，但自己總覺得唔緊要啦，大家之後都會明白，同埋Fans都會知道真正嘅我係點樣，會繼續支持我，有大家繼續陪伴就足夠。」
#frankiechan #陳瑞輝 #皮思苦 ‪@frankiechanfans_hkchannel4558‬ ‪@MIRRORweare‬