【P牌】女司機香港駕駛一年感想❗️實用工具分享🔨拆解六大恐懼👊迴旋處＋紅隧有幾驚嚇？😨練車好地方｜P牌常見問題｜P牌上路｜注意事項｜香港自駕遊｜APP｜汽車用品｜高德地圖｜學車考車｜遊車河｜買車租車
00:00 開場白
01:09 P牌六大問題
04:11 問題拆解
08:31 實用駕駛工具+APP
11:47 駕駛一年感想
13:54 片尾彩蛋
￭￭￭￭￭￭￭￭￭￭￭￭￭￭￭￭￭￭￭￭￭￭￭￭￭￭￭￭￭￭￭
歡迎收看更多車片👇👇👇
• 車
￭￭￭￭￭￭￭￭￭￭￭￭￭￭￭￭￭￭￭￭￭￭￭￭￭￭￭￭￭￭￭
以下是我的平台，喜歡的話請訂閱多多支持！🙏
👍 KZread: / grassrootscat
👍 Facebook: bit.ly/3nTrpU9
👍 IG: / grassrootscat
👍 bilibili: space.bilibili.com/3494375573...
￭￭￭￭￭￭￭￭￭￭￭￭￭￭￭￭￭￭￭￭￭￭￭￭￭￭￭￭￭￭￭
關鍵字： 淘寶教學 / 集運教學 / 淘寶集運教學香港 / 集運 / 支付寶香港 / 支付寶教學 / Alipay HK / 淘寶開箱 / 淘寶開箱 HK / 淘寶開箱香港 / 淘寶必買 / 淘寶好物 / 淘寶家品 / Taobao Haul Unboxing / 拼多多教學 / 拼多多付款 / 拼多多集運 / 網購教學 / 綁定微信支付 / 大陸開戶 / 大陸銀行戶口 / 內地開戶 / 內地銀行戶口 / 香港支付寶大陸用 / 大陸支付寶 / 內地支付寶 / 微信教學 / 微信內地錢包 / 微信大陸錢包 / Wechat pay香港 / Wechat pay HK / Wechat pay教學 / 匯錢到大陸 / 一卡兩號 / 大陸上網 / 內地上網 / 內地漫遊 / 內地數據 / 美團 / 大眾點評 / 高德 / 實名認證 / 大灣區 / 深圳食玩買 / 深圳一日遊 / 深圳好去處 / 深圳美食 / 深圳遊 / 深圳地鐵 / 深圳交通 / 深圳行程 / 深圳按摩 / 深圳水療 / 深圳懶人包 / 北上消費 / 蓮塘口岸 / 香園圍停車場
📣📣📣📣聲明：此影片沒有任何贊助。
#P牌 #考車 #學車
Пікірлер: 526
片主係好好駕駛同學習態度，有兩樣想提提 1. Cut線 唔關新手同老司機問題，重點係需要相約速度，假設我小路上70/80高速，如果我cut唔到係會停，千祈唔好夾硬出，會好危險，但同樣之後由0速度起步要融入高速行緊70嘅車就算老司機一樣好難，所以最好見到高速左1線（即係慢線）完全無車先好出，所以上橋融入高速最好保持50-60速度就會比較容易融入cut線，新手多數有個錯誤信息以為慢就安全，其實最安全就係條路50就行50條路70就行70, 唔好快唔好慢先安全，慢慢練習就會了解速度感 2. 泊位 無論泊咩位渣咩車，唔好理考牌tips同用小道具例如咩鏡乜鏡，咁樣唔會進步，亦都揸唔到其他人車，因為其他車無呢d道具，而每一架車長闊高都唔同。 引用老師傅教落，練習時泊位睇唔到夠唔夠位，會唔會就嚟撞到等等，停低車，睇唔到就開窗望右車尾盲點，再睇唔到落車望。其實車頭先難，所以無論車頭車尾，我教片主你一個方法，就係泊車時候假設你已經泊好車入左格，你需要坐係車司機位望到的視點估計一下你認為你的車頭同車尾4個角的位置在那裡，反覆落車確認實際距離，再坐番司機位確認。你可以首先從車尾學習，假設L位已泊好但好多時會驚後面唔知會唔會撞，好多時現在都有後車cam, 所以你可以望住車cam，可能你以為車cam顯示就撞可能得2-5cm, 首先停低，跟住開窗fing個頭出去望下右車尾（可能都係無咩概念但唔緊要，記住個距離感覺就好），跟住再落車睇車尾，你會發現多數仲有好多位（例如一尺），再上車倒後少少，再睇車cam好似已經完全無位，慢慢你就會練習到你對自己車尾距離。當然現在科技人習慣有車cam, 如果揸到一架無尾cam嘅車應該無人識泊，咁呢d老司機方法就唔教你了。另外到番車頭，學識左車尾，但發覺車頭無cam點算呢，呢個需要用車頭入L位或者用車頭慢慢接近一面牆壁去練習，最好開車頭大燈（即係低燈），慢慢用車頭接近牆壁你會見到燈兩團光慢慢聚焦愈來愈細（聚焦到水平線就已經就嚟撞/得好少位），當然係同樣你係司機位覺得就撞請停車落車確認距離（發覺仲有好Q多位有排都未撞）, 反覆上車確認再駛前少少（當然千祈唔好落車睇完好多位上番車就係咁去，應該保持以前在司機位以為就撞距離慢慢駛前少少再反覆落車確認），再落車確認距離，慢慢你就會練習到原來係司機位望到嘅距離先至係差唔多撞嘅距離，當然之後渣車就會係果個視點再預鬆少少位，咁你以後渣車/泊位就唔會撞到野了
@tommyc4086
Жыл бұрын
同樣由於學識左自己車頭車尾4個角距離視點，入紅隧就會比較好，當然新手都要預鬆多比較多位，唔係紅隧太大膽撞左就gg，記住勇氣同實力要成正比，通常撞嘅原因就係勇氣太大但原來實力太差，高估左自己添，898
@GrassrootsCat
Жыл бұрын
非常感謝你心得分享🙏🙏學到野👏👏要置頂你留言，希望多d 人睇到💪💪
我分享吓自己經驗，而家都不斷提醒自己要繼續進步。P 牌個陣，我得自己一個人練。不過，P 又好，剛甩P 又好，*最緊要心理質素* ，愈怯愈要去練！掌握到車感、距離、方方面面，就愈來愈定。唔識路，勁做功課！預先睇google 街景、地下箭嘴、路況，再去埋高德睇模擬導航，*心中有路線圖*，知自己幾時靠左、何時靠右、定係直去...*預早規劃*，心就更定，後車都知你喺度做緊乜，慢慢拎到默契。行錯路，繼續*由佢行錯*，最多用多啲時間，一定到目的地，當識新路，初時都做過啲危險嘢，被人bi 到～但被人 bi 過，就當吸收教訓，緊記下次唔好再做。有啲 bi 係好嘅，當善意提醒，咁你真係新嘛。有啲 bi 係佢好急，個啲就由佢啦，唔使同佢急，最緊要自己安全。*望多啲鏡* ，醒目啲，做決定前，睇清四面八方，"唔敢就唔好做，做就果斷"，師傅教落。怯就唅住粒糖揸車，*望遠啲*，環視四周，知前後左右做緊乜、你會想做乜...擺自己喺安全位置。泊車，真心只有練+不斷嘗試，拎穩一個套路後，遇到唔同狀況，自己靈活啲變通，慢慢會愈泊愈快手，最多咪扭多兩三手，邊個敢話你，*最緊要唔好撞到嘢*。
@GrassrootsCat
Жыл бұрын
非常多謝嘉蔚分享🎉🎉大家都係女司機😂🤝你完全講到我嘅心聲👍bi 呢個我掛P 嘅時候，成日被bi，我同你一樣，處之泰然。最緊要唔好撞嘢👍❤
@ronrico928417
Жыл бұрын
唔好信 google map 以前聽見佢叫我"向南行"就把幾火 後來出左高德, 即時愛上佢 而家嘅高德, 係香港已經有好多人用, 非常合適新手輔助 有廣東話導航, 仲可以揀林志玲把聲, 可選詳細/簡潔/非常簡潔提示 提示和路牌文字完全吻合一模一樣 螢幕上半部更有路線圖和箭咀方向指示 目的地輸入可以用語音
@GrassrootsCat
Жыл бұрын
@@ronrico928417 係呀，我好鍾意高德地圖，指示清晰，分叉路口又會話指埋正確方向
首先恭喜甩P先，妳係一個好負責任嘅司機，唔熟會練唔明會搵片參考。片中提到用導航，想講有啲人真係連導航都唔識睇！大車至驚就係拖頭同巴士，有好多人都唔知大車轉彎要偷位，唔讓佢哋過哂，分分鐘拖埋你架車一齊轉彎！ 之前提到有朋友學車，由頭到尾換咗4個師傅，個人領悟問題，每次將問題推哂落師傅度，最終考牌肥咗（感謝主），但可惜佢唔甘心，仍覺得係師傅問題，再報駕院年尾再學，但當一個上咗咁多堂仍然望鏡打燈扭軚，咁簡單一連串動作都做唔掂嘅……！唉… 吖 可愛嘅扭扭呀～😂你真係得意到一個點，仲要嗌到O埋咀仔😍，完全同八卦/百厭時候嘅樣唔同，得意到呢～
@mawong5878
Жыл бұрын
係呀大車轉灣要偷位。 大車左頭係頭係盲點要小心。佢真係睇唔到你
@GrassrootsCat
Жыл бұрын
多謝Yvonne💕有時睇到香港唔少交通事故嘅新聞，覺得好心痛，所以我時刻警惕自己喺馬路上面一定要安全第一🙏香港雖然比起鄰近國家地區嘅交通事故比例相對較低，但仍然有進步空間💪雖然香港教車師傅行業好參差，但學生嘅學習態度都參差...最緊要多d 練習，將勤補拙，了解自己問題再重點練習💪扭扭真係又曳又可愛😂每次影到佢呢啲咁得意嘅畫面，真係好想同你哋分享😹😹
@YvonneT1027
Жыл бұрын
@@GrassrootsCat 佢係一個好硬頸唔識轉思考嘅人，所以由佢啦錢係佢嘅😌 睇咁多youtuber嘅貓，扭扭仍保持嗰種好奇八卦多事性格，所以我好鍾意睇佢架！知你拍一條開箱片原來要咁多事前準備，又有正職太辛苦喇，加油努力支持妳呀😉
@GrassrootsCat
Жыл бұрын
@@YvonneT1027 多謝你😘😘😘雖然只可以星期六日同埋收工時間在家中拍攝，差不多365天工作，但係每次見到你哋鼓勵，我覺得幾辛苦都值得🙏
恭喜師姐你甩P！我pass左兩個月，對你所講的野好有共鳴！我認識不少人pass了會等到甩P才開車，因爲怕被扣分或者其他原因不開車（我也很怕被扣分😨）。我師傅都叫我不要一個人開車， 甩P后才開！但是我不想隔那麽久才開車，所以有找師傅練習。我很怕對頭車是大巴/貨車，常常會檢速！😓很認同你説的駕駛態度很重要！會謹記在心！感謝分享！😄👍
@GrassrootsCat
Жыл бұрын
慈善樂蒂pass❗️我覺得岩岩考完，有印象就揸車好Ｄ啊。好多人怕Ｐ牌有咩事要加監半年😐我之前都驚Ｐ牌一年內有咩唔小心犯錯就加監，好彩好小心都未試過出錯🙏加油，我地繼續努力，相信總有一天，我地駕輕就熟💯
我無經歷過P牌, 當年未有這制度 當年的老師傅口頭禪: 小心的士佬, 佢地正職係撞車, 副業才是載客 避免和大車拍跳, 不只是壓逼感, 而是大車車側造成的氣流 舊式迴旋處和新式螺旋處是不同玩法, 你片中說的只是新式螺旋處 路上要留心的, 是的士, 小巴, 貨彎, T牌電車, 他們的惡行網上隨時搵到 留意轉彎位的揹仔燈(片中有講)和袋口位 有的交通燈黃燈轉紅燈的時間長短會有好大分別 商場的停車場不一定是闊落的, 通道窄, 泊位細比比皆是 我個人會避開要留匙的停車場, 普通食肆的代客泊車可免則免, 除非是高級些少, 有自己停車場的酒店 要判斷是否處於行車線的中間, 對新牌人士有個小建議, 就是在錶板中間前方位置, 安放一個小型, 可以眼尾望到的固定裝飾, 例如你在左線行車, 如果這裝飾位置和路肩相約而右邊A柱和地面火線相約, 那你就大約處於行車線中間
@GrassrootsCat
Жыл бұрын
多謝分享👍你分享很多資訊都很實用，真係學到唔少嘢🙏❤️
片頭貓貓個種無助既眼神真係好寫實😂100%無添加 我都係岩岩甩P, 但因為太驚泊車所以無乜事唔會揸出去 岩岩考到車牌之後我係搵返師傅補左兩堂鐘, 行埋highway先夠膽自己黎 雖然甩左P但係好想繼續掛P牌, 因為咁其他司機先知你係新手 自己揸車上路後最大感受就係好多熱心人願意幫你, 尤其見你練緊泊位, 或者係停車場陷入困境既時候, 都會有人走埋黎 雖然每次撞柱hi花趺錢都好沮喪, 但自己揸車個種自由同滿足感真係令我唔捨得放棄
@GrassrootsCat
Жыл бұрын
你講中晒我嘅心聲。揸車滿足感真係無野可以取代🥰🥰特別係載家人朋友游車河一日，好順利，去左好多地方，嗰種成功感真係難以形容。有時遇到好人幫手泊車睇位，好感動，覺得香港d 司機都唔係個個咁燥。加油，我地好好練習泊車，總有一日我地可以一手泊街上S 位💪💪
你講得好好呀！👍👍👍謝謝你無私嘅分享同埋拍條咁正嘅片！ … 啲所謂專家都得講冇你咁清晰實用！非常值得俾新牌或者甩P嘅分享！（我唔係職業司機、唔係師傅，只係普通人，揸車超過30年，唔係淨係返工、放工揸！）
@GrassrootsCat
Жыл бұрын
多謝Timothy🙏諗起以前政府有句廣告標語：路上零意外，香港人人愛🥸
唔錯的分享🎉安全駕駛習慣還包括打指揮燈，就算道路上看不到其他車輛及行人都要打燈，這樣才有人車合一的感覺。如果有了一次懶惰，漸漸會養成壞習慣。另外在駕駛時，要預埋別人犯錯，例如十字路口開綠燈時，可漸進起步，讓有人會沖燈尾之類。行錯路，通常跟著左轉方向會很快回歸正路。
@GrassrootsCat
Жыл бұрын
多謝分享心得，非常寶貴🙏🙏學到野👏
高德地圖, 在接近路口隧道時, 會跳出另一幅副助圖, 讓你清楚高德所說的路口, 這一點, 比起google 地圖優勝好多。 駕車, 最重要係心態, 心態好, 會用心駕駛及提防駕駛技術, 這都是為了「安全」兩個字。考牌官, 就是用「安全」這個準則, 比學生合唔合格。 耐性, 耐性很重要。 擺左牌, 泊車唔係幾好, 唔緊要, 搵個師父, 補一補鐘, 專學泊車, 如果已經有駕駛經驗, 學兩個鐘已經夠晒。 我個女考左牌, 我都係叫佢搵師父補鐘學泊車, 教車師傅, 點都專業啲.
@GrassrootsCat
Жыл бұрын
多謝WH分享，好實用既心得👍👍安全真係好緊要😺
我記攞左牌當日即刻買左個P牌約左朋友借埋佢架車去操，當時好有心機用番google map去記錄去左邊，同第幾次揸，然後甩左P牌後就去左沖繩自駕遊，然後再有兩三次自駕遊同借朋友車去遊車河，但之後就冇揸車成7-8年變左雪藏牌，上個月為準備上星期東京近郊自駕遊前再操番兩次操車同泊位，不過你提個啲P牌恐懼症我又有番，然後操完兩課就好好多，多謝你分享P牌經歷，我都好同意係心態最重要，尤其係香港揸車更重要，絕對唔好因心急因為好易出事
@GrassrootsCat
4 ай бұрын
多謝你既分享！安全第一！Enjoy東京自駕遊😊👍～～
我都係新手揸車，其實每日馬路上都有好多人唔係揸得咁規舉 / 唔會犯錯，主要係你自己正常發揮唔好做埋d突然舉動令人估唔到你，大部份人都會識配合你，反而唔夠果斷尷尷尬尬咁先易出事
@GrassrootsCat
Жыл бұрын
同意，果斷好緊要✅✅
“無人天生識揸車”呢句好重要！ 我揸咗十幾年車，你講嘅野對於所有日日揸車嘅人都啱。
@GrassrootsCat
Жыл бұрын
多謝Carl❤ 好有共鳴😁🤝
我同你一樣，平時嘅我係勁快，好急嘅人，但揸車嘅時候係慢活咁，我都試過行錯路，你講得好好，安全最重要，但而家好多人都亂嚟，我都同意行錯路千祈唔好急，最多係遲，都好過因為急而發生危險
@GrassrootsCat
Жыл бұрын
我地想法一樣🤝睇網上d車cam 片，d 人行錯路就cut 雙白、影子，真係覺得好危險😩遲到無所謂，安全最緊要。
你講的經歷我好有同感，你說出我心裏面的問題，很多謝你的提點說出你六個問題都係我的問題，所以我都唔知幾時可以克服，覺得好好笑，你提出全部都同我一樣😂😂
@GrassrootsCat
Жыл бұрын
身同感受😹😹cut線恐懼症仍然好記得😂
Like左先，慢慢睇👏👏
@GrassrootsCat
Жыл бұрын
多謝Kit Ping❤️🙏
非常好嘅一段分享，尤其係駕駛態度方面，值得嘉許，希望你早日解決埋泊位嘅問題，泊位方面，我覺得如果你已經有一定嘅駕駛經驗，遇到泊街位時不妨爭取練習多d, 千萬唔好怕後面有車等，怕瘀皮就放棄唔泊果個位，泊位耐少少並無觸犯任何交通規例，放棄與否純粹只係自己怕瘀嘅心態，希望你可以克服
@GrassrootsCat
11 ай бұрын
非常感謝SZE CHUNG的鼓勵。你講得岩，心態最緊要，希望我可以早日克服
多謝分享啊‼️資料有用‼️ 🥑🥑Thank you 🛸✌️
@kamenyoyo6995
Жыл бұрын
駕駛心態 很好啊 很有責任感啊‼️安全第一 (我都在大除夕甩P牌了)🍻🎊🎉
@GrassrootsCat
Жыл бұрын
恭喜甩P🎉
KZread 路過彈你條片出黎，比3個建議比你 1.迴旋處 左邊線 係可以去 第1 同第2個出口。 2. 去匯合處 打個手勢有禮貌 反而會易入線。 3. 渣得慢 唔代表安全，反之渣得快唔代表危機，有時好多意外反而係因為慢做成。
@GrassrootsCat
7 ай бұрын
非常多謝前輩的建議🙏
你講得好好，我係你嘅分享學到好多嘢！多謝😊
@GrassrootsCat
5 ай бұрын
多謝🤝揸車最緊要心態，記住安全第一😄
恭喜你甩P！我聽咗你嘅總結覺得你嘅駕駛態度非常良好，如果所有駕駛者能夠好似你嘅態度，相信交通意外會減少好多！
@GrassrootsCat
Жыл бұрын
多謝Chinese老人～香港人生活節奏太快，揸車都講求快😬希望大家都會安全第一！
練習練習再練習， -cut 線可以睇側鏡後車嘅大小比例 -迴旋處新手唔好怕做外線L，行外線會比較容易 -泊車呢S位可避就避，L位S位都係有大概位置可以記，記實步聚就好容易
@GrassrootsCat
Жыл бұрын
多謝Po分享🙏新手做外圈L 真係有必要😂👍我會多d 練習泊S位🙏🙏
Dang, those parking spots are really tight … 😳 💪🏻💪🏻💪🏻🙏🏻👍🏻👏🏻 叻女、加油、努力
@GrassrootsCat
Жыл бұрын
Thanks Sara! Practice makes perfect, I wish my parking skill will be perfect one day😂
這個頻道，總是給我看到另一種生活形式👍🏻👍🏻👍🏻加油加油😂😂
@GrassrootsCat
Жыл бұрын
嘻，多謝你鼓勵！拍片同時也紀錄了自己的生活，有時重溫自己舊片，別有一番風味😁😁
我有咗廿幾三十年車. 你條片另我回想初初攞牌後的揸車經歷. 至於cut 大型車， 好多人好鍾意cut 大車或巴士. 佢哋唔明大車的剎車距離要好長. 好多時係剎唔住的. 巴士更加， 因為就算急剎架車， 車內的乘客會受傷投訴！ 所以好多時巴士係唔會落重腳的. 大家要留意！ 至於泊位， 最重要係習慣認地線. 唔好認傍邊車.
@GrassrootsCat
Жыл бұрын
多謝分享🙏🙏
最後那段講得好好👍👍👍
@GrassrootsCat
8 ай бұрын
多謝收看，駕駛態度很緊要
多謝分享呀🙏🏻 我新手p牌，考到牌幾個月，次次出街都好驚好緊張呀😅， 仲未敢自己一個揸出街，仲未敢行迴旋處，仲未敢喺街泊車…..連cut線都仲係學習中🫣，希望我都可以好似你咁叻叻，快啲克服晒啦！
@GrassrootsCat
Жыл бұрын
加油，揸得多一定可以克服💪💪
比D心得你 我自己都係渣AQUA GS (22年1月開始第一次響香港渣車) 你2塊鏡應該要換做廣角鏡, instead of 你加2個鏡仔 至於S位(左邊) 我通常會停響前車隔離既平排位再前大約一米(車尾作準) 之後軚扭左(一圈左右) 之後退後入到你望倒後鏡個左邊後車門把手同路肩重疊就回軚轉右到接近盡頭向後就差唔到泊好了 至於紅隧(九龍過香港) 行最右既AUTOTOLL線, 響雙白前CUT返入一條普通隊伍 成個過程只需要CUT一次同會快過左邊車龍 好過你響車龍入面cut黎cut去 如果你紅隧去北角方向就唔好用呢個方法 式者你過左收費之後響入隧道前CUT返去左邊(難度比較大)
@_yiuman852
Жыл бұрын
再係唔明就請睇龍SIR 教泊S位 kzread.info/dash/bejne/hWR82qxyYqiWn7g.html
@GrassrootsCat
Жыл бұрын
多謝分享心得!好有用，特別係Ｓ位個方法，令我下次更有信心泊💚過海方式都非常好呀!!下次我可以早D準備，過海更輕鬆😆
恭喜你無驚無險甩P先！好認同你講心態個部份，急係唔會快左幾多，成日見人左穿右插、比大油爬頭，轉頭大家又係前面燈位相見，其實真係好7，呢d人全世界都有，我宜家響英國都見到。但有關cut線既講法實在唔太認同，cut唔應該係睇對方讓唔讓你，係要解決以下4個問題，首先點解你要cut線？仲有幾長距離比你cut線？你同隔離線車距幾多？你快定人地快？估人讓唔讓你會好易因為遲疑，導致意外發生，唔睇清楚就cut線都一樣會導致意外發生，所以每次都問自己以上4個問題，你就知道自己應該要比油cut定減速cut，決定cut線、出入路口，基本上都係講兩樣野，車距同車速，要因得準，慢慢有經驗有信心就會變得果斷，唔好靠人讓，信自己可以用判斷力做對既決定。最後補多一補比新手既提醒，就係要多了解自己部車，知己知彼，check軚壓、軚紋、偈油、水等等就講到口臭既廢話，一定要試急剎！搵無人無車安全情況下試，要知到個感覺、距離，試過先會係關鍵時候停得到。另外如果可以，係唔同速度既情況下試下比大油加速，咁會比你有信心出路口同爬頭。加油！
@GrassrootsCat
Жыл бұрын
多謝Heyman 前輩分享駕駛心得，好值得參考同埋學習🙌cut線呢門學問真係有排學，你講得好岩呀，自我判斷好緊要，諗人地讓唔讓係被動，應該要有自己判斷力同執行力。多多了解自己架車。多謝寶貴意見💪💪
阿貓~妳有良好駕駛態度🤩 泊位方面💪加油 亦恭喜妳甩P仔牌👍👍👍 🤗🥰🤗
@GrassrootsCat
Жыл бұрын
多謝fai* 駕駛態度比技術重要☺️👍
温馨提示片中個種叫螺旋處 , 迴旋處哟線只是一圈繞著迴旋處。香港分為傳統迴旋處同新式螺旋處兩種。
@GrassrootsCat
Жыл бұрын
多謝Sam sam 補充❤
@cas59403
Жыл бұрын
迴旋處，螺旋處問題一倫建議睇地線 如果係新式螺旋處， 片主講嘅進入及離開方法係正確嘅； 但如果係傳統迴旋處， 片主準備駛離第一出口外嘅方法都係錯， 首先會衰cut 單白線（多數會有）， 再嚟就係俾左邊嘅車攔腰撞， 或重dup 時俾後面直插，或兩者先後發生， 最重要係有意外時點都輸，賠死
多謝分享閣下的經驗,獲益多😊😊😊
@GrassrootsCat
11 ай бұрын
多謝支持呀❤
先恭喜甩P先.其實你講呢幾點無論係唔係P牌都要留意,特別欣賞你知自己不足會不停去操車攞經驗,泊位都係工多藝熟,泊到只係時間問題.加油!
@GrassrootsCat
Жыл бұрын
多謝鼓勵🥹我會努力，希望克服到S位🙌🙌
冇㗎，小弟P牌第一次揸車已經上飛鵝山，行哂啲出名嘅繁忙交匯處迴旋處，過埋海底隧道。 唔驚得咁多㗎啦，跌落海自然識游水嘅道理😹😹 (PS小弟到而家揸咗咁耐車，可以話你聽最可怕嘅一定係單車🚴路權L)
@GrassrootsCat
Жыл бұрын
多謝分享，你當年好勇敢💪💪
@cassidylenochan4847
Жыл бұрын
@@GrassrootsCat 都唔係當年，我個牌先得兩年三個月都唔係好耐，2019年8月尾我先甩P，揸車資歷同你差唔多咋😂😂。 不過小弟part time揸的士所以成日揸車周圍去唔同地方，哈哈我同你一樣都係泊車唔太掂，窄啲嘅位就搞唔掂。 但想知草根貓你個高德條歷史route係點gen出嚟？發覺香港人係整唔到高德ac login唔到整唔到的。
@GrassrootsCat
Жыл бұрын
@@cassidylenochan4847 成日覺得職業司機好犀利👍👍要識路+接觸唔同客人，一d 都唔易👯♀️ 高德要睇返歷史紀錄可以開返個wechat ，用wechat登入～
@ulysseslee9541
Жыл бұрын
2009年12月有p 拿完p牌就行柴灣迴旋處及落堅拿道天橋😂
@cassidylenochan4847
Жыл бұрын
@@GrassrootsCat 不過好多都駕駛態度麻麻，見大車又唔讓有位就插人哋cut又篤油，我自己就唔會咁做
要讚一讚呢條P, 半年P仔, 揸車心態同遇到既難題同你基本上係一樣, 其實最怯既主因都係因為唔熟路,有導航安心好多, 仲有一樣野就係, 未太敢自己一個揸車揸到好遠
@GrassrootsCat
Жыл бұрын
多謝Minchi，有導航安心好多，之後熟左某Ｄ路就可以唔睇導航。我記得第一次揸去遠既地方有Ｄ驚，後來一切順利之後，都好有滿足感。加油，我地一齊努力！
迴旋處有兩種，一種係舊式迴旋處，一種係新式叫螺旋處，你片講解嘅係螺旋處，方法亦只適用於新式螺旋處，不適用於舊式迴旋處 舊式迴旋處，第一及第二出口都建議行左線，第三及第四出口先建議行右線
@GrassrootsCat
Жыл бұрын
多謝Horace🙏🙏
多謝分享😼👍👁👄👁
@GrassrootsCat
Жыл бұрын
多謝支持❤
第一次睇你片 建議如果泊車問題真係熟能生巧 主要睇你個車感同埋距離感 同埋你車仔 香港九成既位都泊到 落唔落到車係另一個問題 或者可以嘗試下唔同既車做泊位 可能有新既啟發 揸車最緊要 膽大心細面皮厚🤣 人地呠就由佢呠 做好自己先最緊要👍🏻加油💪🏻
@GrassrootsCat
Жыл бұрын
多謝Kelvin 鼓勵同建議，我會多加練習🙏2023年目標係要成功泊S 位😁💪
@ulysseslee9541
Жыл бұрын
其實是要熟悉自己座駕的空間尺寸，取一系列參考方式作日常泊車，調頭 取位的參考
好題材👍🏻👍🏻
@GrassrootsCat
Жыл бұрын
多謝Queen😘😘
多謝你的分享，雖然我還是學車階段，完全無天份（當然希望1 Take pass)但你所講果幾點我係完全感受到。
@GrassrootsCat
8 ай бұрын
加油Joey，祝你一take pass!
朋友教的紅隧絕招：有AutoToll就行最右條線 過收費亭後都唔洗cut人線 永遠係人地cut你線 缺點係出紅隧如果要即刻轉左去北角嗰邊就最好都係唔好入紅隧右線😂 泊車後面架車唔耐煩退後走人咪算好 遇過唔少見你第一次失敗就特登上前頂住你霸埋你本來想泊個位😅 迴旋處如果太多車新手無論邊個出口都行出面個條線就算 總之臨出就打左燈 冇人吹得你漲又唔犯法 梗硬因為出第2、3、4出口而cut入內線 臨出cut返出嚟又淆底震揗揗 反而影響到其他人
@ulysseslee9541
Жыл бұрын
北角行最左條toll 都係無人食你位, 仲有巴士帶你行
@GrassrootsCat
Жыл бұрын
多謝分享，好實用！以後我識點入隧道了😹
貓姐係一個好勤力，做人態度又正確既youtuber。上次你話將生活支出做記錄，原來考左車你又咁勤力練，佩服
@GrassrootsCat
Жыл бұрын
多謝Henry🙏所以有時太忙唔敢訓🤪🤪
👍🏻👍🏻非常抵讚，正確駕駛態度！我可能喺荃灣區見過你😊
@GrassrootsCat
4 ай бұрын
可能有一面之緣🤭多謝支持😘😘
多謝貓姐分享，駕駛態度正確！
@GrassrootsCat
Жыл бұрын
多謝Walter❤安全第一最緊要💪💪
揸車依門技術，其實熟能生巧片主大膽啲練習窄位泊車，泊街既話放鬆啲唔洗理後面咩反應阻住佢佢自己會識cut線走人，只要你提早啲打死火燈提示後面架車，就ok.....（依家泊街大把位煉習😂抄牌咁勁都無人泊街）
@GrassrootsCat
Жыл бұрын
揸車克服心理壓力比一切緊要👍🙏多謝分享
好叻呀草根貓👍👍好多重點講曬出嚟，回憶番我嘅青春歲月時光🤣🤣🤣揸車咁耐真係最怕遇電單車同單車，有時真係睇佢唔倒。妳駕駛態度咁好，一定安全順利🙏🙏👍💪💪
@GrassrootsCat
Жыл бұрын
多謝BeAlc☺️我地都係良好駕駛者👏👏btw 我試過晚上遇過一架電單車喺後面隔離線，佢忘記開車頭燈，我爭d 睇佢唔到cut 左佢前面，諗起都驚驚
我自己嘅見解就其實好多時新手做好路線規劃 唔太熟咪一咪路線先就已經可以少好多意外, 最後就係定D嚟,唔好怕miss出口入口 跟手停係路中心/9cut 最多行遠少少 利申:我新界仔渣左6年過親海都係會睇次路線先
@GrassrootsCat
Жыл бұрын
同意，規劃路線好緊要💪早啲睇定目的地邊個入口、邊個路口。
恭喜甩P呀🥳👍🏻 講得好好，我都成日行錯路😂 唔好亂cut總會去到目的地👍🏻 BTW 8:10 見到自己啲片好感動🥹🥹
@GrassrootsCat
Жыл бұрын
多謝Mike一直努力為廣大車主拍攝各大停車場❤你好用心拍攝，每條片好清晰，我經常睇你d 片判斷下自己有無能力泊入去個場😂多謝你😁😁🤝
@HKDriverMike
Жыл бұрын
@@GrassrootsCat 多謝你😍🙏
"香港地行錯路總會到目的地"非常讚同👍
@GrassrootsCat
Жыл бұрын
對的，外國迷路就好難講，人生路不熟，但香港一定會到目的地📍
P左半年，呢半年keep住都係有識揸車既陪同下先揸，就咁揸真係無咩難度，始終有個識揸既係隔離幫手睇路同教點行。最大恐懼都真係泊車，就算有人陪住都係咁話。 每個泊車位都唔一樣，無得好似考試咁記位去泊，最怕係後面有車等，好怕阻到其他人，心理壓力好大。 繼續努力，之後一個人出車都搞得掂！
@GrassrootsCat
3 ай бұрын
多謝你🥰一齊加油🫶🫶
打指揮燈除了表示你要轉左轉右之外還有很多意思 要泊車左邊停車, 左燈, 唔熄車就要 keep 住左燈, 俾後面知道你要停車, 可以選擇過你 而當你要開車走匯入車流, 就要右燈, 就算前面就是路口要轉左, 都要打右燈, 出左去再打左燈 巴士埋站都係咁做 有的大車司機好好心腸, 見到你係後面打燈想抽線扒頭而前面有對頭車, 佢會即刻打右燈等你唔好扒頭黎救你 ! 因為佢知道自己車大, 阻礙了後車視線, 未必見到有對頭車 以前資訊不流通時, 巴士佬會用閃兩下高燈好心提醒對面線有BBQ相機 從左方左轉斜線匯入主路, 尤其是夜間, 你會點用指揮燈 ?
@GrassrootsCat
Жыл бұрын
你最後條問題好深😹原來燈有咁多唔同用法😳
@ronrico928417
Жыл бұрын
@@GrassrootsCat 最後條問題, 是在左右都可以轉的路口, 正確做法是先打右燈, 轉出去時再打左燈 原因, 右燈是給給同一方向的行車線看見你, 試想下, 你打左燈的話佢見唔見到 ? 轉緊出去轉打左燈是給對面行車線睇, 等對方知道你是轉左而不會對對面線造成影響
泊車我個陣上手好快少少個人心德泊得L位、通常都會扭斜少少、好少L型後泊 望隔離車角位唔使望線（如果係泊2車中間係最好、都係2手我部大車長一手扭晒入去！第二手擺返正慢入到正中間 睇線只會影響你感覺側鏡其實都睇到撞唔撞 如果太窄車場L型後到見到角扭、咁當然扭手數多少少但一定舒服既
@GrassrootsCat
Жыл бұрын
多謝分享泊車心得👍👍非常好😍😍
@lll1585
Жыл бұрын
@@GrassrootsCat 望角就算地獄場貼位泊一樣無事、當你唔扭直接L慢後到隔離車角入佢線好貼都唔緊要因為除非好闊車位、否則點都2手
我係澳門的，經常揸車到香港，都係用高德，導航戈度真係無咩好講，過線真係要把握好時機，該踩油去戈陣唔好縮，你忐忑的心情反而有機會釀成意外
@GrassrootsCat
Жыл бұрын
澳門d 路仲窄過香港🙈澳門揸到車，全世界都得😂係呀cut 線要果斷👍👍
猫姐好！恭喜脱離P牌👍💯
@GrassrootsCat
Жыл бұрын
多謝志明🙏😄
講到心路疫情咁嚴重..... 妳講嗰六樣係事實 , 但妳已經好勇, 新牌就即買車練.....讃
@GrassrootsCat
Жыл бұрын
多謝收看🙏考完車趁記憶仲新所以買車🤪有時有問題whatsapp 問下師傅，好在佢都好肯答😄
@tongpeter
Жыл бұрын
@@GrassrootsCat 利害，考完仲夠膽問，香港的教車師傅多數粗口爛舌，都冇幾多個好。 女中豪杰。。。讚
@GrassrootsCat
Жыл бұрын
@@tongpeter 我面皮厚者😹😹
cut線有個常見錯誤就係收油門！如果判斷可以cut線過隔離就應該要踩油維持車速甚至提高車速，不過好多時新手會下意識收住油cut線搞到後車追上嚟又以為唔cut得🤣 不過cut線畀油之餘都要留意同前車距離呀！
@GrassrootsCat
Жыл бұрын
你講得岩呀，我開頭都有呢個問題🤣 cut線仲要收油，之後就俾人Bee了🤣
迴旋處嗰度，你好似講錯咗。 冇錯，左轉係打咗燈行左線，但迴旋處直行其實係唔洗打燈，左右線都可以直行，如果迴旋處又轉或者掉頭，就一定要行右線打右燈，出之前再打左燈。
@GrassrootsCat
Жыл бұрын
多謝更正
揸咗20幾年車 多謝你影片的提醒 唔好為嗰幾秒 最緊要小心,小心, 再小心
@GrassrootsCat
8 ай бұрын
係呀，我成日同自己講，冇必要同陌生人爭馬路上幾秒之長短。贏左唔會有獎，輸咗一定兩敗俱傷
讚, 人人上路好似你的心態, 就一定好安全.
@GrassrootsCat
Жыл бұрын
多謝Jason🙏🥰🥰
有用，多謝， 我自己都係p牌
@GrassrootsCat
Жыл бұрын
多謝Albert❤ 加油呀
非常欣賞你的駕駛態度👍👍😊
@GrassrootsCat
Жыл бұрын
多謝支持🤗
現在有汽車360鏡頭模疑車頂投影駕車狀况，當拍車時車頭或車尾泵巴接近甚麽物件都可以一眼睇哂絕對適合新手拍車使用呀！但唔見意你係淘寶購買自行安裝。
@GrassrootsCat
Жыл бұрын
明白，本身都有諗過，但唔知而家架車仲揸幾耐🙈所以。。下一架先安裝😝
好正呀..你條片...真心..泊車難到癲...
@GrassrootsCat
8 ай бұрын
係呀，泊車好難，特別係香港地
多謝妳條片，我前幾日啱啱PASS 2A
@GrassrootsCat
Жыл бұрын
恭喜Ivan🤝👏😁🥳🥳
雖然唔鍾意滿滿簡體嘅高德地圖, 但女司機嘅駕駛心態值得學習, 最緊要安全, 加油～
@GrassrootsCat
4 ай бұрын
多謝你既鼓勵🙏☺️😊
我同你同時間既p 牌女c 機，同樣S 位泊車問題，同樣晚上9點後出車練習。已經行左9000km
@GrassrootsCat
Жыл бұрын
恭喜晒一齊甩P
泊車真係要練習...冇得懶...熟能生巧...同埋提議你睇多啲本地既撞車片, 從別人的錯誤中學習....會知多一點的.. 我就沒有經歷過P牌的日子, 因為個牌雪了廿年, 不過兩年前揸車前都去找師傅補番六個鐘先揸番車..
@GrassrootsCat
Жыл бұрын
多謝分享❤我會努力練習泊車😘😘
建議可去汀九露天車場，可以練泊位，如果要操練s位就駛入橋底位置可練習，起碼近過你去黃金海岸車場
@GrassrootsCat
Жыл бұрын
多謝Roy分享❤️☺️
我都系1take pass （11/2022）但泊車覺得好難😂要繼續努力 安全番到屋企先系贏家🫰
@GrassrootsCat
Жыл бұрын
同意！安全返屋企就贏👍👍👍
Hi, 你上次介紹用的Shopback已用左你個推薦碼登記及淘寶買嘢，銀碼已有70蚊，但確認收貨已2個月重係顯示審核中，我重要做咩嘢先提現到呢？
@GrassrootsCat
Жыл бұрын
因為$30係贈品黎, 而shopback係要消費滿$50先可以提款 所以你要係shopback消費滿左$50回贈, 之後就可以拎到$30出黎(Total 拎 $50+$30 )
好有意思🥰
@GrassrootsCat
16 күн бұрын
多謝收看😘❤️
cut 線分享， 記得睇盲位有冇車係後方。 1)後車速度比自己快上緊來，等佢行先cut 2）後車速度與自己車一樣，但距離少於一車位，自己收慢等佢行先cut 3) 後車慢過自己車或同速距離多於一車可cut 要人讓比你cut，多d比手，會多d人讓你cut, 讓你會收慢，唔讓你人地唔會收慢的，自己留意下
@GrassrootsCat
Жыл бұрын
多謝Ronaldo分享，很有用的心得👍👍👍
@cronaldo704
Жыл бұрын
@@GrassrootsCat 仲有呀 其實唔使用個魚眼鏡因為唔美觀， 只要你個人傾前 望倒後鏡 會望到你嘅左後方或者你嘅右後方 盲點位， 我每次過線之前都會做一下呢個動作 救返我好多次你可以自己試下就會明白
@GrassrootsCat
Жыл бұрын
@@cronaldo704 好的多謝你分享🥰☺️🙏揸車真係好多野要學😁🤝
5:34 嗰個係叫螺旋處，同迴旋處有少少唔同，可能要分返兩隻嚟講
@GrassrootsCat
Жыл бұрын
嗯嗯，我P 牌第一個月嗰陣聽到螺旋處、迴旋處覺得好複雜😹同埋初初連線都未識cut，更加唔識分兩種迴旋處😹我諗住P 牌片講得淺白d 統稱迴旋處等P 牌觀眾易明d. 多謝你意見，其實我應該搵張迴旋處嘅圖會好d
我都係用高德，高德地圖雖然係大陸app，但真心好用，比Google好用好多同準好多，尤其對新手來說有好多輔助的功能
@GrassrootsCat
Жыл бұрын
係呀，高德真係贏google map 幾條街✌🏻畫圖預早話俾我地知行邊條路真係非常好
草根🐱，我聽過屋企人關於泊停車場車位難度，就係可以伸頭看距離泊車。另外扭扭唔使驚，下次上左去落唔到嚟，就可以有自製升降機搭🤣
@GrassrootsCat
Жыл бұрын
多謝分享🐱我要努力練習下泊車💪btw 隻貓而家成日R 坐升降機😂日日跳上去之後係度喵，求坐lift😂激死
雖然我唔係p 牌 但我考左有幾四五年無揸 最近都買左部車想操下 但其實總係都好緊張 (最怕係hi 花人地部車 有排賠咁囉) 泊位都仲係唔識咁 又無時間去練 唉 搞到 玩玩又唔想玩咁 請問草根貓有無咩地方可以操下車 or 有咩地方可以泊位方便 生手都ok 嗰種 可以遊下車 😁😁😅😅🤣🤣
@GrassrootsCat
Жыл бұрын
如果迴旋處可以考慮青衣、沙田一帶。L 位泊位去沙灘停車場，闊d 無咁大壓力
真係講得好鬼活靈活現🤣🤣過紅隧原來係打大佬🤣🤣👍🏻👍🏻👍🏻👍🏻
@GrassrootsCat
Жыл бұрын
打完大佬後路路暢通無難度😂😂
好多謝你講曬我嘅心底話，我剛在12月甩P, 經歷同你好似
@GrassrootsCat
Жыл бұрын
我地差唔多時間甩🥂恭喜晒❤
太有同感，同你差唔多時間開始揸，經歷一模一樣。而家最後要克服S位😅同地獄停車場
@GrassrootsCat
Жыл бұрын
加油呀，我地終有一日可以克服到💪💪
成條片 最好睇都係妞妞 真係好鍾意 妞妞 豬
@GrassrootsCat
Жыл бұрын
多謝美蓮🐱🐱
多謝！
@GrassrootsCat
Жыл бұрын
非常感謝Eric支持🙏🙏我會努力🙏☺️
好有用既資訊，可惜 入錶易 同 油價資訊通 被Google Play判斷為响 Android 13上面裝唔到... : (
@GrassrootsCat
Жыл бұрын
Sad🥺🥺
very useful! Thank you
@GrassrootsCat
Жыл бұрын
多謝收看❤
我兩個半月行5000公里查多啲，唔好驚同習慣就可以。經驗係要時間累積
@GrassrootsCat
Жыл бұрын
我平日返工無揸車🥺一來太貴，二來公司樓下未必有位泊
片主， 唔單止入紅磡隧道， 用你講呢個方法， 任何隧道， 及例如紅隧上加士居道天橋，都係要用呢個方法， 大家先至有得行， 否則就麻煩出現。
@GrassrootsCat
Жыл бұрын
多謝補充❤係呀，大家跟呢個規矩行就世界和平💪💪
P 牌女司機，駕駛態度正確👍👍
@GrassrootsCat
Жыл бұрын
多謝Amy❤
成條片最搞笑都係睇扭扭貓。 好明顯既求救喵聲😂😂
@GrassrootsCat
Жыл бұрын
記得睇到片尾，仲好笑😂
@ronnyau2164
Жыл бұрын
我在香港開車有30+年，到今天這一刻所體會到的跟妳在片尾所作的總結，完全一樣！謝謝你的提醒。
@50322482
Жыл бұрын
你整條片好好，唯一雞蛋裡挑骨頭 係你講迴旋處嗰part 你用既圖係螺旋處，而唔係傳統迴旋處 使用方法係有不同
@GrassrootsCat
Жыл бұрын
@@50322482 多謝Gary補充🙏
@GrassrootsCat
Жыл бұрын
@@ronnyau2164 🙏🙏😄
油價資訊通 & HKeMeter 呢兩個Apps都好有用
@GrassrootsCat
Жыл бұрын
多謝Cliff 分享🙏👍
良好揸車態度👍提提你上高速都唔好長期行快線，快線係超前車用，如果唔係就比人抄牌😄
@GrassrootsCat
Жыл бұрын
多謝前輩提點😆當日買車前問左你唔少意見，多謝你耐心解答🙏🤩
你好👋草根貓 又係我呀！pinky 上個月我都一take pass🎉 想問下你攞咗P牌之後 有冇再搵師傅p牌補鐘？ 因為我而家都諗緊要晤要搵師傅補鐘P牌😅我就係想買架車自己練車呀😂 同埋想問下你係咪買完架車 之後自己練車？
@GrassrootsCat
Жыл бұрын
恭喜Pinky🎉我考完車沒有補鐘，因為我考試前已練習了37 小時，比平常考生多。我是先買車再練習呢
Cut線講速度同決斷 要膽大心細 有速度同隔離線車配到速就好易cut 冇速度等到有安全距離先到cut 同埋要去就去哂佢唔好彈出彈入 好危險 Cut前好預定少少時間睇鏡 睇下有幾多架車 啲車會係咩走勢 到要cut就比油配速上 一氣呵成 同埋行錯路咪行錯路 當時間油錢交學費 自己柒左下次醒目返 唔係夾硬黎 篤油或者急停都係自己食哂 無謂為左自己面子或者少少時間搞到要賠公賠車賠樓坐花廳 甚至成世人耿耿於懷 最後一句 用得啱果架叫車 用唔啱果架叫殺人工具 揸得堂環就要有責任係膊頭
@GrassrootsCat
Жыл бұрын
多謝分享👍👍實用✅✅
好有用😂
@GrassrootsCat
Жыл бұрын
多謝審大師
草根貓好棒🎉👍會揸車❤！
@GrassrootsCat
Жыл бұрын
多謝四葉草🙏真係唔易😁
講得好好丫，同埋內容好清晰。 但係想間下，如果真係唔好彩，身邊無朋友識揸或者陪到出車，一開始操車應該點算？
@GrassrootsCat
Жыл бұрын
如果係咁，最好搵教車師傅補補鐘。
08:30~08:40...重溫左幾次🤣(當然全段片,每秒鐘都留心睇晒)😆
@GrassrootsCat
Жыл бұрын
多謝DW🐱🐱 我隻貓太經典😂
今年我都要報名考車牌!!!(棍波將來搵食)
@singjames2486
Жыл бұрын
加油 今日拎車 要慢慢操返 仲要棍波私家車
@GrassrootsCat
Жыл бұрын
加油💪💪
@singjames2486
Жыл бұрын
@@GrassrootsCat 見luby chow 2年前mini 揸得咁過癮 我又試下先 不過好耐冇揸車...諗番起都三年 要慢慢操 都有啲擔心棍波 我用你個價錢買咗鈴木😂
草根媽 想問下你養車貴嗎？ 另外 有人說混能車好容易壞同維修貴 想問下你意見 因為我是新手車手 謝謝
@GrassrootsCat
Жыл бұрын
牌費、保險、洗車、油費、隧道、停車場，一年8萬左右。我架車買左年半無維修過😹👍
竟然冇：離遠見到綠燈，唔知比油好定收油好，去到差唔多到既時候無啦啦轉黃燈唔知煞車好定比油衝過去好😅
@GrassrootsCat
Жыл бұрын
都係其中一個困難嚟嘅😂
今集車不再淘寶了。扭扭開頭好搞笑。可愛。
@GrassrootsCat
Жыл бұрын
多謝草堂🥰淘寶一個月一次heehee😹
當你有一日, 可以揸到"人車合一"既熟練度, 再加上, 你揸既係 GTR 35, 可能到時想法會有少少改變 😁
@GrassrootsCat
7 ай бұрын
多謝你🥰🥰
我學車嗰陣時師傅教盡量唔好依賴輔助工具嚟揸車,到而家我揸車搵食,我終於明白
@GrassrootsCat
Жыл бұрын
開頭唔識輔助下都ok嘅。我而家泊L 位無再用車頭桿