БІЗДІҢ KZread АРНАҒА ТІРКЕЛІҢІЗ: / @informburo31kanal
---------------------------------------------
Түркістан облысында шіркей қаптады. Сырдария мен Көксарай су реттегішінің маңайын жағалай қоныстанған ауыл халқы жәндіктің азабын ерте көктемнен бастап тартып отыр. Тұла бойын тұмшалап күн кешіп жүрген жұртшылық жылда қайтаналатын қиындықтан арылмайтын болдық деп ашулы. Қомақты қаржы бөлдіріп, тегіс дәрілеп тастадық деп есеп берген шенеуніктердің әрекетінен титтей де нәтиже көрмедік деп отыр.
---------------------------------------------
Теңдессіз жобамызға көз салыңыз: • Сөздің шыны керек: [жу...
Бүгінгі шығарылымда:
Күн жылынса Отырар ауданындағы барлық ауылдар шіркейдің азабын тартады. Бет-аузын бүркемей көпшілік көшеге шыға алмайды. Таңмен таласа құжынап шыға келетін қанаттылар қас қарайғанша қарашаның құтын қашырады. Тұрғындардың қорадағы малы да көпке ұзамай көтерем болып қалған.
БЕЙСЕНКҮЛ ЖҮСІПОВА, Шеңгелді ауылының тұрғыны:
- Міне көзімізді шағып, бұл шаққан кезде ертең күзде жара болады. Бізде лейшманиоз дейді оны. Өзіміз жаңағы оқытамыз, шоқытамыз, йод жағамыз, тотияйын құямыз, әйтеуір 6 ай, 3 ай дегенде өзі мерзімі болады. Сол кезде жазылады.
ШАХАРИЗАДА ӘЛІБЕК, Шеңгелді ауылының тұрғыны:
- Мал дегенің қазір жайылмайды, мына тұмсығына кіреді, көзіне кіреді. Ең ар жағы тауық бар ма, далаға жайылмайды ғой, былай аяқтарымен бетін тырнап тұрады. Қойларың анау көлеңке іздеп жүр, сиыр жатыр үйде пышылдап. Ауырып, сырқап, күзде өлейін деп шығады. Оны сүт бер дейміз, қайдан береді азаннан-кешке шейін жайылмаса.
Соңғы 10 жылдан бері жылда қаптайтын шіркейге қарсы тұруға жауаптылардың қауқары жетпей жүргеніне қараша қайран қалып отыр. Айтуларынша, сапасыз дәрі, салғырт өңдеу, ғылыми көңіл бөлмеудің кесірі ауылдағы әлеуметке оңбай тиіп отыр.
ХАМИТ АДАСХАНОВ, Шеңгелді ауылының тұрғыны:
- Былтыр Уазикпен аралап, ауылда шашқан, әр-әр жерден. Ол тек 5-6 метрге ғана жетеді шашқаны. Ол ары шаша алмайды. Енді оны ауадан шашса, самолетпен, вертолетпен. Былтыр да самолетпен шашамыз деген, бір кешкентай бір ойыншық вертолет әкелген, онысы не өзі ұша алмайды, не дәрі көтере алмайды.
Ауылдағы мал мен жанды азаптаған шіркей тіпті, жаңа шыққан көкті те, көкөніс сабақтарын да жеп қойған. Әсіресе, егілген жоңышқа жапырақтарын жапыра бас салған.
МАҚСАТ ЖАҚСЫБАЙҰЛЫ, тілші:
- Шеңгелді ауылында шіркейден қорғану үшін бет-ауызды тұмшалап, қолға осылай шүберек жауып жүрмеске басқа амал жоқ. Себебі ауылда шіркей тым көбейіп кеткен. Оның көбейгендігі соншалықты санаулы сәттің өзінде көзіңді торлап алады. Ауылдағы ағайын үшін арнайы киімдер де қымбаттап кетіпті. Сондықтан әлеумет осылай қарапайым түрде қорғануға мәжбүр болып отыр.
Түркістан облысында бақандай 100-ден астам ауыл шеңгелдіктердің күйін кешіп отыр. Сыр бойы мен Көксарай су реттегішінің маңайындағы 7 ауданда ахуал осы. Бұл аумақтарда шіркейдің 8 түрі тараған. Олармен күресуге энергетика және коммуналды шаруашылық басқармасы 655 млн. теңге бөліп, химиялық өңдеу жұмыстарын наурыз айында бастаған. Одан түпкілікті нәтиже шықпасын білдік дейді аудан шенеуніктері.
САТТАР НӘЛІБАЙ, Отырар ауданы тұрғын үй коммуналдық шаруашылық, жолаушылар көлігі және автомобиль жолдары бөлімінің басшысы:
- Өткен наурыз, сәуір айларында әлеуметтік желіден де белгілі, жұмыстар атқарылған. Сала мамандарының негізіне сәйкес, бұны түпкілікті жою мүмкін емес деген анықтама берген. Бірақ азайтуға жұмыстар атқарылуда деп ақпарат берді.
Ғалымдар адамға зиянды шіркейлердің ұяшықтарын анықтап, олардың енді ғана тарайтынын айтып отыр. Сондықтан дәрілеу жұмыстары шілде айына дейін жүргізілетін болады дейді мамандар.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық