Еліміздегі Отар гарнизонында резервтегі сарбаздар мен курсанттардың ауқымды оқу-жаттығу жиыны өтті. Әскери жиынға мың жарым азамат шақырылған. Олар полигонда түрлі қарулармен оқ атып, жауынгерлік қабілеттерін сынға салды.
Отан алдындағы борышын өтеу қызметін бұған дейін атқарған әскери міндеттілер жаттығуға үш апта бойы дайындалған. Резервтегі сарбаздар аз ғана уақыт ішінде осы кезге дейін қолданып көрмеген қару-жарақтарды меңгеріп үлгерген екен. Олар алаңда граната, мина, базука, тіпті снайпер атқыштардан оқ атып көрді. Қазір басқа салада жұмыс істеп жүрсек те, жауынгерлік қабілетімізді шыңдау бұлжымас міндетіміз деп санайды жиынға қатысқандар.
АҚНИЕТ ЖҰМАБАЙҰЛЫ, қатардағы жауынгер:
- Қазір РПГ-7, яғни танкіге қарсы қол граната атқышымен жаттығып жатырмын. Келгенімізге үшінші апта болды. Көптеген жаттығуларды үйреніп жатырмыз. Өзімді өте жақсы деген бағаға көрсеттім. Осы жерде бірінші рет болды. Әскерде менің военный қызметім басқа болған.
Көптен қару ұстамаған сарбаздар жаттығу жиыны бәрімізге жігер беріп, рухтандырды дейді. Ауқымды әскери дайындыққа жалпы саны мың жарым азамат жұмылдырылған. Оқу-жаттығу кезінде әскери міндеттілермен қатар курсанттар да кез келген жағдайға сақадай-сай екендерін дәлелдеді.
МЕРЕКЕ КӨШЕКБАЕВ, ҚР ҚК «ОҢТҮСТІК» өңірлік қолбасшылығы әскерлерінің қолбасшысы:
- Биыл алғаш рет дайындыққа курсанттарды қатыстырдық. Олар бізден үйренгендерін полигонда қолданып көрді. Және жоғары деңгейдегі нәтиже көрсетіп отыр. Курсанттарымыз атыс дайындығын да, тактикалық дағдыларын да жақсы меңгерген.
Жалпы сарбаздар үшін қазір әсіресе әскери дрондардың қаупі басым. Оларды бірден байқау да, атып құлату да оңай емес. Дегенмен, оқу-жаттығу кезінде жауынгерлеріміз көктен қауіп төндірген 5 дронның барлығын да атып түсірді. Ал әскери қолбасшылар жиын соңында жаттығуға қатысқан сарбаздардың қабілетіне оң баға берді.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал