Орынбай Бекназаров - 30 жылдан бері таңқурай өсіріп, табысты болған диқан. Жеміс-жидек егіп, өнім алуға ғылыми қараған адам. Айтуынша, таңқурайды ол кәсіп үшін емес, денсаулықты жақсарту үшін еккен. Және тәрбие құралы деп біледі. Бағдарлама барысында диқан бір жапырақ жерден қалай пайда табуға болады деген ойларымен бөліседі. Бос жатқан жерлерге жүрегі ауыратынын жеткізеді. Ол таңқураймен қатар алма, алмұрт сияқты жемістерді де өсіреді.