Астана іргесіндегі су тасқынынан көктемде зардап шеккен Оразақ ауылының тұрғындары бүгін жаңа үйлеріне кірді. Бес айдан бері шатырды паналап, мектепке түнеп жүрген жұртқа баспана кілтін Ақмола облысының әкімі Сергей Кулагиннің өзі келіп тапсырды. Алайда, лауазымды шенеуніктің қолынан су жаңа үйдің кілтін алу барлық тұрғынға бұйырған жоқ. Тіпті, баспанасын тасқын су шайып кеткен Оразақ ауылының әкімінің өзі үйсіз, туысқандарын паналап жүр. Ақмола облысынан Гүлбану Әниятқызы әңгімелейді...