Пас аз 1 солу 3 моҳи мағлубият. Лоиқ Раҷабов ташнаи пирӯзӣ дар муҳорибаи навбатист. Санаи баргузории муҳориба 23-юми апрели соли 2021.
Соли 2020 “Панҷаи паланг” куҷо буд ва ҳоло дар чӣ шароите тамрин мекунад? Хабарнигори “Салом Амрико” барои дидор бо варзишгари тоҷик ба Флорида сафар кард.
Дар ҳоле ки ҳамагӣ як моҳ то баргузории муҳорибаи аввалинаш боқӣ мондааст, Лоиқ ҳар рӯзи худро дар тамрингоҳ сипарӣ мекунад. Ӯ ин бор шаҳди пирӯзии мутлақро чашидан мехоҳад.
Камарбанди Professional fight league ё худ PFL дарҳои дигарро ба рӯйи Лоиқ боз мекунад. Ин имкониятро ӯ аз даст додан намехоҳад.
Ин ҷо дар баробари Лоиқ даҳҳо варзишгари маъруфи дигар тамрин мекунанд. Аммо мураббиён ба қобилияти паҳлавони тоҷик таваҷҷӯҳи хос доранд.
Гузориши муфассали Умедҷон Аҳмадзода аз рафти омодагии Лоиқ Раҷабов ба муҳорибаи PFL-2021.