Үндемей жүріп-ақ үлкен істер тындыратын тұлғалар болады. Жерлесіміз Ирина Ким сондай адам. Ғалым, облыста алғаш ашылған арнайы экономикалық аймақтың негізін қалаушылардың бірі, бірнеше қызметте абыроймен жұмыс жасаған жетекші. Бүгін Ирина Леонидқызының 70 жылдық мерейтойымен қала әкімі арнайы құтықтады.
Ирина Ким жоғары оқу орнында ұстаздық етіп жүргенде «облыс ахуалын қалай жақсартуға болад?» деген тақырыпта бірнеше ұтымды ұсынысын қағазға түсірген. Істің көзін білетін білікті маманды сол кездегі облыс басшысы Бердібек Сапарбаев мемлекеттік қызметке шақырған. Міне, содан бері Ирина Леонидқызы экономика, қаржы және жұмыспен қамту басқармаларына, кадрлар біліктілігін жетілдіру институтына жетекшілік етті, қала әкімінің орынбасары, облыс әкімінің кеңесшісі қызметттерін абыроймен атқарды. Жиында мерейтой иесіне облыс әкімінің құттықтауы мен қаланың құрмет грамотасы табыс етілді.
Сонымен қатар, облыстың құрметті ардагері төсбелгісі табыс етілді.
Масштабты түрде ойлау қабілеті, стратегиялық болжам, түрлі факторларды есепке ала отырып экономикалық талдау жасауда алдына жан салмаған Ирина Ким шын мәнінде өз ісінің мықты маманы бола білді.
ИРИНА КИМ - ҚОҒАМ ҚАЙРАТКЕРІ //Маған деген ықылас-құрметтеріңіз үшін зор алғысымды білдіремін. 1995 жылы күзде дәл осы ғимаратта менің мемлекеттік қызметтегі алғашқы жұмыс күндерім басталды. Сол кездегі аймақ басшысы Б.Сапарбаев мені өзінің жеке қабылдауына шақырып, мемлекеттік қызметке келуіме ұсыныс жасады. Бастапқыда қарсы болғам, себебі балам кішкентай болатын, бірақ, отбасым тарапынан қолдау болып, мен келетін боп шештім. Облыста арнайы экономикалық аймақ ашылуына байлансты сол жаңа жобаны әзірледік. Күн-түн демей жұмыс жасадық. Әрі күрделі әрі жүрекке ыстық кезең еді ол уақыт. Бәрі көз алдымда. Алғысым шексіз/
Облыста үндемей жүріп-ақ үлкен істер тындырған, әлі де сүбелі үлес қосып жүрген азаматтар жетіп артылады. Сондай шын жанашырлардың қатары қалыңдай түссін деп тілейміз.
Сайт - qyzylordatv.kz/ru/live
Facebook - / qyzylordatv
Instagram - / qyzylordatv
Telegram - t.me/qyzylords_tv
Tiktok - / qyzylorda_tv