O melro azul (Xabier Díaz)
O melro azul non quer durmir,
o moucho canta un arrorró,
na fin do mar xa soña o sol
un novo día para ti.
Paxaro azul, meu mandolim,
canta unha polka en sol menor.
Hai que durmir, melro cantor,
a lúa chea xa está aquí.
Melro de luz ten un tambor
e un asubío de cristal,
hai un pardal no acordeón
e un reiseñor moi bailador.
O melro azul adormeceu,
a orquestra ten que descansar,
quedou no atril unha canción,
a sinfonía para soñar.