1921 թվականի մարտի 15-ին Շարլոտենբուրգի Հարդենբերգ փողոցում ատրճանակից արձակված մի գնդակով սպանվեց Թալեաթը: Հայոց Ցեղասպանության գլխավոր կազմակերպիչը: Սպանողը Սողոման Թեհլիրյան անուն-ազգանունով մի հայ ուսանող էր: Դատարանում նա խոստովանեց.Ես մարդ եմ սպանել, բայց մարդասպան չեմ: Ահա նրա դատապաշտպանների ճառի հիշարժան տողերը. Սողոմոնը սպանել է մեկին, որ արժանի է մահապատժի, սպանվել էր մեկը, որ արժանի էր եղել մահապատժի նույնիսկ թուրք ժողովրդի նորաստեղծ կառավարության կողմից: Եվ այս սպանությունը հայոց ազգային մահապատիժն էր, հայ ժողովրդի անունից: Բեռլինի դատավորը գիտեր, թե ինչու է Թեհլիրյանը սպանել Թալեաթին: Նրա մտահոգությունն այն էր, որ դատը չստանար քաղաքական բնույթ: Նեմեսիս Օպերացիայի գաղտնի ցուցակում 650 այդպիսի անուն կար, որոնցից առանձնացվել էին 41 գլխավոր հանցագործները: Ցավոք, ՙՆեմեսիսը՚ կարճ կյանք ունեցավ: Աննա Բալյանը պատմության էջերը թերթելիս նոր բացահայտումներ է արել: