Perezida Kagame akaba n’Umukandida wa FPR-Inkotanyi ku mwanya w’Umukuru w’Igihugu mu matora ateganyijwe tariki 15 Nyakanga 2024, yibukije Abanyagicumbi ko kwiyubaka mu iterambere bihera ku mutekano. Ibi Umukandida Paul Kagame yabigarutseho ku wa Kabiri tariki 9 Nyakanga 2024 ubwo yakomerezaga ibikorwa byo kwiyamamaza mu Karere ka Gicumbi. Yakomoje ku gihango afitanye n’Abanyagicumbi mu gihe cy’urugamba rwo kubohora Igihugu kuko muri aka Karere ari ho hari icyicaro cy’Ingabo za RPA ubwo zari ku rugamba rwo kubohora Igihugu ndetse izi ngabo zikaba zarakomeje kubana neza n’abaturage.