Ұн- дәнді-дақылдарды ұнтақтау арқылы алынатын тағамдық өнім. Ол негізінен бидай, сондай-ақ жүгері, арпа, сұлы, бұршақ дәндерінен дайындалады. Ұнды нан,кондитерлік, кеспе өнімдерін дайындау үшін пайдаланады. Ұнның химиялық құрамы, тағамдық және технологиялық сапасы дәннің түріне, ұнталану дәрежесіне байланысты. Екінші сұрыпты және иленбеген ұнда В1,В2,,РР және Е дәрумендері болады. Жоғары сұрыпты ұнда бұл дәрумендер мөлшері аз болады. Ұзақ сақталған ұнның сапасы да нашарлайды. Оның ылғалдылығы 15%-дан аспау керек.Ылғалдылық мөлшері одан жоғары болса, ұн қышқылданып көгереді және өздігінен қызып кетеді. Ал төмен болған жағдайда ұн аши бастайды.