Nüsrət Kəsəmənli "Getmək istəyirsən, bəhanəsiz get..." Emin Turan İmamoğlu
Музыка
Getmək istəyirsən bəhanəsiz get,
Oyatma mürgülü xatirələri.
Səsin həmin səsdir, baxışın ögey,
Gedirsən səsin də yad olsun barı.
Sən dəniz qoynuna tullanmış çiçək,
Üstünə dalğalar atılacaqdır.
Saxta məhəbbətin, saxta sənədtək,
Nə vaxtsa üstündə tutulacaqdır.
Demirəm sən uca bir dağsan əyil,
Demirəm əlacım qalıbdır sənə,
Nə səndə məhəbbət qara pul deyil,
Nə mən dilənçiyəm əl açım sənə.
Döşənim yollartək ayaqlarına
Sənə yalvaıim mən, bu mümkün deyil.
Qoymaram qəlbimtək vüqarım sına,
Alçalıb yaşamaq ömur-gün deyil.
Getmək istəyirsən o yol, o da sən,
Bir cüt göz baxacaq arxanca sənin.
Getdinmi geriyə dönmək istəsən
Tikanlı yastığa dönəcək yerin.
Getmək istəyirsən nə danış nə din,
Yaxın yol uzaqlar, dumanda-çəndə.
Nəyimi sevmişdin deyə bilmədin,
İndisə yüz eyib görürsən məndə…
Getmək istəyirsən bəhanəsiz get,
Oyatma mürgülü xatirələri.
Səsi həmin səsdir, baxışın ögey,
Gedirsən səsin də yad olsun barı.
Пікірлер: 10
Maşallah gözəl ifadır!!!!Səsini özünü Allah qorusun!!! Şerin müəllifinə rəhmət sənə cansağlığı arzulayıram!!!!!👍🙌🙌
Unudulmaz şair.
Gedənə qapı açıqdır.......
Super❤👍
❤
😪😪💔💔
Kaş atıb gedərdi,nifrət edərdi.Barlı baxçaları lap məhv edərdi.Onu bağışlardım,mən əvf edərdim.Xəyanətini də bağışlardım.🤦♀️🙅♀️💔🖤kövrəlmişəm yenədə.sənin ifan mürgülü xatirələrimi oyatdı.🙏
gedirsən səsin də yad olsun bari 💔.
Musiqinin adı nədi?
😪😪😪😪