#مشعل_الحبيني
مبطيّن عن شبت النار في جرم وحطب
قبل شق النور باغترّنا متلطمين
وحط عيدانٍ على الليت و بالولعه لهب 🔥
ولاعلقت تضوي على دلالنا والحاضرين
ومن قعد من مرقده جاك لنار يحظب
تدفي يديهم وتطلق حجاج الغانمين
وشايبٍ عند المعاميل في راسه طرب
‏ما تكبر طير شلوى عسى يبطي سنين
وتسمع المذن مع الفجر في صوته عتب
الصلاه خيرًا من النوم عند المفلحين
وسط خدٍ خالين ما يطبه من حسب
للدنانير القليلات والا الخايفين
زين هد الطير بارضه ولا قالوا طلب
خارمن طارت من الروض وهفت فالبطين
جيته موجه جهازي وكن صوته قرب
وشفت ريش مع الهوى قبل اشوف الطير وين
مختلط ريش الدواغير مع ريش الغلب
وشفته ينتف حباراه ويلد بطرف عين
من قنص في ماقع الخوف ‏تحرا للشبب
ومن قعد بين البلادين زاد الهم دين
‏نجتهد في طاعة الله وفي بذل السبب
‏للضرورة أحكام والله يعين مسلمين
‏مشعل الحبيني