Аймақ тарихында айтулы күн! Бүгін облыс орталығында 650 орындық музыкалық колледждің іргетасы қаланды. Сондай-ақ, Баймұрат батыр ауылында дәрігерлік амбулатория ел үшін есік ашты. Бүгінде Қазанғап атындағы Қызылорда музыкалық жоғары колледжінде 350-ден аса студент білім алып жатыр. Ыңғайластырылған типтегі нысан әбден ескірген. Жатақхана мен оқу корпусы бір ғимаратта орналасқан. Ал өңірде өнерге құштар жастардың қатары қалың. Сондықтан Сырдың сол жағалауында жаңа музыкалық колледж бой көтермек.
НҰРЛЫБЕК НӘЛІБАЕВ - ОБЛЫС ӘКІМІ // Жаңа нысан алдағы уақытта білім мен мәдениеттің ордасына айналып, шығармашыл жастардың өнерін шыңдауға жан-жақты мүмкіндік жасайтын болады. осындай қолдауларды сезінген ұстаздар қауымы мен сала қызметкерлері ата-бабадан қалған төл өнерімізді шәкірттердің бойына сіңіру жолындағы мәртебелі міндеттерін сеніммен жалғастырады деп сенеміз.//
Оқу ордасы «Саутс Ойл» компаниясының есебінен салынады. Жобаның жалпы құны - 4 млрд 800 млн теңге. Үш қабатты ғимартта жастардың сапалы білім алуына толықтай жағдай жасалмақ.
МҮСІЛІМ ӘМЗЕ - ҚАЗАНҒАП АТЫНДАҒЫ ҚЫЗЫЛОРДА ЖОҒАРЫ МУЗЫКА КОЛЛЕДЖІНІҢ ДИРЕКТОРЫ / Жаңа ғимарат салынып жатыр. 650 орындық. Одан бөлек, 300 орындық жатақхана салынып жатыр. Барлығы бір аумақтың ішінде. Құдай қаласа, алдағы уақытта сапалы, қаланың көркін келтіретін ғимарат болады деп ойлаймын.
Facebook - / qyzylordatv
Instagram - / qyzylordatv
Telegram - t.me/qyzylords_tv
Tiktok - / qyzylorda_tv