ادري المقطع اغلبه سوالف ولكن صدق ذي الفتره فتره مصيريه في حياتك ولازززم انك تعطيها حقها الكامل عشان بعد سنه او سنتين ما تندم
مختصر الفيديو:
لكل طالب ثاني ثانوي خلص امور القدرات وجاب الدرجة اللي يبيها
خلاص اللحين يا حلو رح ذاكر الانجليزي لان اغلب التخصصات اذا مو كلها بتعتمد عليه وبرضو بتحتاجه لنفسك انت
ولكل طالب ثاني ثانوي ما ختم القدرات ترا باقي عندك وقت بس اللي عليك تذاكر صح وتجدول وقتك وحياتك وتحاول مره ومرتين وثلاث واذا ما افلحت عاد دور لك اقرب مطل و... ههههه ما توصل عاد (سوالف دافور ما عنده اخوياء:)
المهم ما علينا ترا يمديك ما انت باقل من غيرك
غيرك سواها يعني انت يمديك تسويها
طيب نجي عند حبايب قلبي 😔❤️‍🔥
ثالث ثانوي
اسمعوني ي حلوين اول شي بنقسكم قسم
القسم الاول اللي ما قد اختبر قدرات:
.... انتوا يبي لكم فيديو جلد ذات ثاني
لا صدق اللحين يا حبيبي تقوم تذاكر وتدور لك موعد عشان تختبر فيه وحاول تخلصه قبل رمضان عشان رمضان السنه ذي بيكون للتحصيلي ي حلو
القسم الثاني هم اللي احبهم صدق 😘 اللي اجتاز القدرات في ثاني ثانوي:
تعال ي حلو اول شي اللقم بوسه 😘
ثاني شي خذ وحده ثانيه😘
ثالث شي خذ.. لا خلاص تكفي ثنتين
شوف ي حلو اللحين في الوقت ذا في اللحظه ذي رح شوف مقاطع شروحات للتحصيلي شيك على مقاطع الدورات المتوفره شيك على الكتب وكذا عشان اول ما تنزل مواعيد التحصيلي تكون قد اخترت الدورة او الكتاب اللي بتذاكره للتحصيلي واسال اللي حولك عن تجاربهم مع التحصيلي (ولا تصدق اللي يرسلونه لك الدوره (تجارب الطلاب) لان اغلب الدورات كذابين يبون بس فلوسك)
طيب شيكت وزبطت امورك؟ يلا وقت تسوي جدول حلو لرمضان لان رمضان بيختلف فيه نومك فاحسب حساب الشي ذا من بدري
طيب موضوع الانجليزي اللي ازعجتكم فيه
ليه ازعجتكم؟ لان والله شفت طلاب معي في الجامعه ماشاءالله ماشاءالله صدق دوافير ولكن ما عندهم انجليزي فنزل معدلهم مره وهذا الشي قهرني مره
اعط الانجليزي حقه زيه زي القدرات والتحصيلي
وثالث شي ياحلوين بإذن الله اني انزل لكم اكثر واكثر عن التخرج وعن نتايج القبول وعن الجامعات والتخصصات وعن الحياة بعد التخرج من الثانوي
اهم شي تذكر معي ((((كلها فتره وتعدي، اعط هذي الفتره كل اللي عندك عشان تعدي وانت مبسوط من نفسك))))
وفي الاخير الله يوفقكم ويسر اموركم ولا تنسوني من دعواتكم الطيبه
#قدرات #تحصيلي_علمي #تحصيلي #طالب_يعيط #طالب_ثانوي #ثالث_ثانوي #ثاني_ثانوي #الثانوية_العامة #واحد_يتفلسف