#MM｜20歲視障巴士迷 憑引擎聲分辨巴士型號 追車、影相、拍片樣樣齊 愛上看不見的巴士 憑回憶塑造巴士的模樣：喜歡是一種感覺，跟視覺沒有關係｜#700萬種生活 #4K
#MM #700萬種生活 // 20歲視障巴士迷 憑引擎聲分辨巴士型號 / 追車、影相、拍片樣樣齊 / 愛上看不見的巴士 憑回憶塑造巴士的模樣：「喜歡是一種感覺，跟視覺沒有關係」
20歲的Max天生視障，從小便架著一副厚厚的眼鏡看世界。視力隨著年月逐漸退化，如今他眼前的景物就只剩下光與影，情況近乎失明。視覺無阻他喜愛巴士的心，憑引擎聲來分辨巴士型號可說是視障巴士迷的基本功力。Max空閒時會花上數小時去遊巴士河，在車中，以聽覺、觸覺、嗅覺去感受巴士的動態及了解巴士的裝修。對於經常乘坐的路線，他更能隨時知道巴士大概駛至何處。既然看不見，為何會那麼喜愛它？思考了一會後，Max淡淡然說道：「喜歡就是喜歡，這便是我的答案。」Max感嘆他的世界真的是感覺為先，是一種既虛無又很不踏實，同時無法忽視的東西。
█ 三位視障巴士迷齊出動 追車、影相、拍片樣樣齊
Jacky和Kenneth是Max關係特別要好的師兄，三人同樣畢業於視障學校。Jacky跟Max一樣是後天失明，現在安裝了一雙義眼，而Kenneth則天生失明，巴士在他心中的模樣全靠聲音和觸覺去構建出來。
三人於假日相約外出逛模型舖及遊巴士河。跟健視巴士迷一樣，他們也會為巴士拍照，拍影片，甚至追車。很多巴士迷經常為拍上一張好照片而東奔西跑，又追車又拍照，Kenneth笑說，假如自己擁有視覺的話生活分分鐘更辛苦。如今，能安靜坐在馬路邊，聆聽巴士引擎聲他便已感到滿足。比起拍照，Kenneth更想收錄一段好聽的巴士行車錄音。八年來，他用手提電話或錄音筆已收錄了數百段錄音。
█ 視障人士機不離手 靠智能電話看世界
不論是乘坐巴士，吃飯，購物也好，Max也會用智能電話給眼前的站牌、餐牌拍照，再用智能電話的口述影像功能去聆聽相片裡寫上了甚麼。口述影像功能可以將螢幕上每項內容朗讀出來，更可以調校語速，為了節省時間，很多視障人士都會以2倍速度來聆聽。即使如此，日常生活依然相當花時間，例如購物時必須每件貨品拍照片，因此，他們都會傾向尋找健視朋友幫忙作口述。
█ 花20分鐘尋找巴士站：「我也想別人當我是一位普通人」
拍攝日，Max在調景嶺站公共運輸交匯處花近20分鐘來尋找巴士站，期間有多位路人熱心帶路。對於別人的幫忙，Max雖心懷感謝，但同時感嘆坊間總有人以可憐的心態去提供協助，令他難受：「我真的需要你幫忙嗎？你是不是真的覺得我們沒有能力呢？」他認為弱勢社群更加要硬朗起來，希望他人能把自己當作一個普通人地看待。
█ 憑回憶塑造巴士的模樣 記憶隨年月漸漸褪色
Max和Jacky為後天失明，腦海中有顏色和畫面，對於每輛巴士的造型也是憑記憶去建構。對於失明後才出現的新款巴士，他們只能靠他人描述、巴士模型、乘坐及捉摸真巴士去了解。眾多巴士型號之中，Max最愛波浪紋新巴，新巴城巴將於2023年7月合併專營權，此後，新巴那綠、白、橙相襯的塗裝可能不復見。Max固然感到可惜，但也慶幸記憶中的巴士是如此清晰可見。不過，二人也明白回憶總有褪色的時候。Jacky過往的夢境仍有景象，直至近年的卻只剩下聲音。
█ 爸爸力撐囝囝愛巴士 溜冰、潛水、單車樣樣都識：「他開心我便開心」
Max從小喜愛巴士，他的父親Simon便帶他去遊巴士河，沒有目的地，兩父子坐在巴士上，爸爸負責導航介紹路線及地方。Simon談不上是一位巴士迷，但總願意陪伴Max周圍去。巴士以外，Max的日常節目向來都非常豐富，溜冰、看電影、游泳、潛水、踏單車、去旅行。即使兒子眼睛有所缺陷，但父親從不吝嗇帶他去見識這世界。
回憶Max出生的畫面，Simon坦言當時因看不到兒子的眼球而感到緊張及害怕，多年過後，他認為凡事要以平常心面對，別要自怨自艾，他相信，能夠帶到兒子來到這世上已是一件很開心的事情。
策劃 / 主持 / 文章：黃曉楓 Apple
攝影：林亦、梁芷澄、伍永健、陸羽、許先煜、林金展
剪接：梁芷澄
鳴謝：Network Shuttle、城巴新巴企業傳訊部、徐記廚房點心
#巴士迷 #巴士 #視障人士 #城巴 #新巴 #九巴
#黃曉楓 #MM_Apple #MillMILK
___
立即成為 MM Member 啦，每月只需 HKD 40 咋！傳送門：
kzread.info/dron/a1d9ZXVMU0BZQRXZHt8Cpw.htmljoin
＊建議使用電腦或手機瀏覽器登記，因為目前無法經 KZread APP 登記成為付費會員
____
MM Website: www.mill-milk.com/
MM Instagram: mm.millmilk
MM Facebook: mm.millmilk
____
CHUCKY｜@chuckyching
chuckyching
PHOEBE｜@phoebe.unprofessional.journey
phoebe.unprofessional.journey
ELAINE｜@elaine_wow
elaine_wow
京｜@phaedruslam
phaedruslam
KAREN｜@karen__yukiu
karen__yukiu
SAM｜@midwin_
midwin_
阿朗｜@mm_longgg
mm_longgg
NATALIE ｜@nataliewwong
nataliewwong
APPLE | @apple.hiufung
apple.hiufung
Пікірлер: 592
多謝MM嘅訪問 幾日嚟辛苦Apple同各位拍攝嘅同事 希望透過呢條片可以比更多人認識到視障人士係點 更加希望一般人係幫助視障人士嘅時候嘗試了解佢哋實際嘅需要 最後希望睇到呢條片嘅視障人士都可以勇敢追夢追求自己嘅夢想，同時亦希望鼓勵到佢哋雖然睇唔到/睇唔清嘢，但都唔代表要放棄 最後，多謝各位欣賞呢條片同埋我哋嘅故事！
@kenisf.2683
Жыл бұрын
❤多謝Max同你班朋友接受MM記者嘅訪問，令我哋香港人能夠對視障人士嘅多一分了解😉。 我同你一樣，有心事都唔會同阿爸傾，我只搵班兄弟講心事，特別係溝女嘅事~~~🤭🤭🤭 祝福Max你同你班朋友生活愉快，一切順利，身體健康！！！💕💕💕💕💕
@SYSYPP2020
Жыл бұрын
Max多謝你同兩位朋友既分享，令我地可以認識視障人士既角度，好欣賞你地既勇敢同熱情！
@mm.millmilk
Жыл бұрын
多謝你接受訪問，令大家更了解你哋！💪🏻
@apple9982
Жыл бұрын
🫂💛 好開心有得做呢個訪問，多謝你哋嘅信任，我真係喺你哋身上學到好多嘢
@PKD32
Жыл бұрын
林總，睇左啦！
採訪後記： 咁大個女都冇點接觸過視障人士，第一次見Max果日同佢去食糖水，發現我連帶領佢行路嘅方法都唔識，非常慚愧。要用清晰的語言去指引大家行邊個方向，做啲咩，眼前有啲咩景物，我哋團隊每人分別做緊咩⋯ 成個拍攝過程我真係上咗很好的一課。見到佢哋一啲視之為日常嘅小動作、生活小智慧，個心不斷覺得好神奇，好mind blowing。能夠認識到三位真係非常幸運，訪問完，覺得自己嘅世界又闊咗啲。佢哋經常提到「感覺」呢回事，的確係誠實又重要，鍾意唔鍾意，永遠都係講感覺。 同Max傾計時好真切地感受到佢嘅硬朗同樂觀，後來認識到佢爸爸Simon-- 果然係兩父子。感激好溫柔的Simon，相信佢樂觀嘅背後曾經歷過好多高高低低，好開心今日能夠見到佢提起仔仔時嗰一副自豪的笑臉。 新巴城巴會喺今年七月合拼，多謝巴士公司最後安排到我哋去車廠拍攝，令我哋可以喺新巴嘅綠、白、橙色相襯的塗裝消失前，藉住呢個故事順道留低一個回憶。 ps. 有日拍攝完結後，喺彌敦道行去佐敦送Max搭小巴，沿途佢教我點樣認巴士。我聽住佢嘅描述去觀察巴士嘅外型，車頭玻璃圓頂嘅係「蛋」，起角嘅係「鑽」，「風筒」就特別大聲，仲有我永遠都分辨唔到嘅「MMC」⋯ Max聽一聽引擎聲，再開估答案，一問一答，又幾好玩^_^ 黃曉楓 Apple @apple.hiufung
@whatzupchak
Жыл бұрын
要去 try try 黑暗中對話呀~!
@apple9982
Жыл бұрын
@@whatzupchak 去過！
@lakurei
Жыл бұрын
thank you apple帶左呢隻故比大家
@RALnMeow
Жыл бұрын
多謝Apple
@waitingho1822
Жыл бұрын
未睇都知好好睇😂
當有視障人士上我車個時，我都盡力開好個程車，比佢地感受多啲，拉多啲手掣.油門大力踩. 扭軚柔順。因為佢地既feeling係最清楚。 Max好正架！上次同我講司機開得好好😂
@apple9982
Жыл бұрын
佢有同我分享過喎！！原來就係你😆
我追車嘅時候都曾經見過佢哋，好佩服佢哋仲可以有咁積極樂觀嘅心態去生活，亦都感受到佢哋對巴士嘅熱愛，真心欣賞佢哋，亦都好欣賞嗰位爸爸願意接受阿仔嘅愛好，陪佢走每一段成長路。好多謝呢個採訪俾我認識到呢個咁勵志嘅故事同唔一樣嘅世界，希望佢哋繼續樂觀咁生活落去。
@mm.millmilk
Жыл бұрын
下次同佢哋打聲招呼
@longliveha
Жыл бұрын
@@mm.millmilk 一定會
搵巴士公司安排觀車體驗直接昇華咗條片，再無停留係observer角色，而係activist，非常抵讚！恰當安排下，條片既展現了視障人士困難，亦無損佢地嘅尊嚴。內容、節奏仲跟得好貼主人翁呀MAX，甚至折射咗MAX哥嘅人生處世同人格魅力。訪問剪嘅每一句都有感覺，最touching應該係段舊片。另外，希望呀MAX早日搵到靚女女朋友，你講嘅好多句都令我呢個讀哲學嘅哥哥有反思，thanks a lot
@apple9982
Жыл бұрын
🥺謝謝你❤
作為一個中佬巴士迷、一位爸爸，同埋要照顧家中年老傷健人士嘅audience, 睇呢條片真係百般滋味在心頭，少許眼泛淚光！看到Max和他爸爸的分享，笑臉中但又隱若見到當中無奈同去行呢條唔易行嘅路，尤其香港普遍岐視同白眼嘅風氣，路會更加難走！ 多謝Apple 分享和製作！能看見東西和自由呼吸絕對唔係必然！要學習每天感恩還有的和擁有的！❤
@apple9982
Жыл бұрын
謝謝你啊，你都加油呀要！😊
@mohanc2010
Жыл бұрын
@@apple9982 其實你哋團隊可以講多少少響香港生活嘅傷健人士專題，讓多啲人更了解佢地每日面對嘅challenges，有時佢哋想出下大廈門口，都會因為設施不足而卻步！好多時佢哋面對嘅，只會存在響普羅大眾嘅盲點入面而被忽視。 再次多謝你們每天用心製作和看留言！
@apple9982
Жыл бұрын
@@mohanc2010 謝謝你提議呀^^
@PhoMel
Жыл бұрын
👋🫂u are not alone🫂👋
Max爸爸好溫柔🥲🥲 見到佢由細到大帶Max去咁多地方 好感動🥲
Max佢哋會聽片同聽留言㗎🙋♀🙋♀大家有咩想同佢哋分享嘅歡迎留言！
@ederng7960
Жыл бұрын
多謝apple製作這短片，讓大眾能感受小眾的想法！
@apple9982
Жыл бұрын
@@ederng7960 謝謝你呀eder^^
@SY4050_Studio
Жыл бұрын
Max佢哋會唔會去即將退役嘅巴士最後一日行車？
@rachelchung2253
Жыл бұрын
MAX, 各位。好佩服你哋，對巴士有專業的述評，令人感受到不一樣的世界。好正。
@bovibo
Жыл бұрын
Max 同朋友仔！希望你哋繼續保持熱血！多謝你哋嘅分享，希望社會會多啲明白你哋嘅需要，大家保持尊重！另外，你哋聽語音聽到咁快真心佩服！ 😂👍🏻
Respect 三位師兄，佢哋坐車專心程度，時下巴士迷真係要好好學習🫡 由風琴腳到上車摸下塊玻璃就知道佢係咪原裝玻璃，真係好犀利🫡 有一句講得好好，就係每位車長揸得好都係對嗰部巴士嘅尊重（技術好腦筋好）人車合一💯 依加有幾多巴士迷真係去感受每一程車，大部份都係用人追我追心態去影車錄片🥲 再睇到Max爸爸訪問，感受到Max爸爸好有耐性去陪Max，真係一位好父親🥹 多謝MM帶給大家一個感人故事🙇
@NeilxMw
Жыл бұрын
作為巴士迷推薦一部車比三位師兄🫡 ATEE11 RE6087 聲音享受💯
@maxlam5910
Жыл бұрын
感謝師兄推介，有機會去坐下聽吓先
@kenisf.2683
Жыл бұрын
@@maxlam5910 You are the best !! 努力學習新事物
@peterngau2233
Жыл бұрын
講得啱！
@user-qe7xd7vz5j
Жыл бұрын
生物從來靠五感, 只不過人有知識和文字, 過份依賴視覺, 加埋智能手機, 其他觸覺變弱, 更加退化. 不同身體缺憾, 大腦並沒有不同, 有平等機會發展, 可以比別人更有才能.
睇到好感動，可以了解到唔同感受世界嘅方式，多謝咁多位受訪者同MM🙏🏻 Max爸爸好偉大，好人一世平安🙏🏻
好同意MAX所講唔好用可憐嘅目光看待佢哋，因為其實佢哋嘅能力其實比我哋想像中高好多，出街見到真係帶困難先幫佢哋就可以了！感謝MM有呢個專題分享！
@take_choi
Жыл бұрын
好同意！我係台灣人，我大學果陣有機會識左一個視障朋友…我地放假係宿舍打機訓覺時佢去打棒球跑步。 出左社會5-6年已經草到錢係台灣桃園買樓供樓添。 佢好明顯勁過我同我身邊朋友了。
我都係一位中佬巴士迷, 聽巴士引擎及波箱配合的聲音, 真如你們口中所講的交響樂, APPLE小姐專為你們去新巴車廠查詢有否保留Neoplan Centroliner, 她的熱誠一心為你們圓夢, 令我也十分感動, 你們三位知道嗎? APPLE小姐在廠門外等你們時, 想像你們可以入車廠見返超級富豪這位老朋友, 片中見到她心情興奮到心舞足蹈, 她的熱心及你們三位不會因為視障而減少對巴士的熱愛, 作為觀眾也是巴士迷的我真心感動......還有, APPLE小姐絕不是普通的, 也是靚女一名
Max爸爸訪問嗰度真係喊出嚟，好正面，好有耐心🥲
好多謝 Max, Jacky & Kenneth 三位願意分您們的生活，也讓大家知道原來巴士迷可以有幾咁專業，您們的能力實在令我非常敬佩。也多謝 Apple 用心和專業的採訪，特別是為三位安排參觀新巴車廠和乘坐巴士。最後想同三位專業超級巴士迷講一個您們看不到秘密，雖然Apple姐姐把聲係一般聲，其實佢係一個靚女嚟㗎，希望你哋有同佢影相。
@mm.millmilk
Жыл бұрын
😝你哋嘅讚賞，開心死apple!
@apple9982
Жыл бұрын
🤣🤣 我只係一般貨色！！😆
好感動！失明好似令人生好似帶住好多遺憾，但巴士可以令人搵到自己人生嘅樂趣，果位爸爸真係好愛自己個仔！新巴小小嘅行動，可以令人一生增添難忘嘅回憶，欣賞新巴嘅善行！
成個訪問好有愛。Max 幸運地有個温柔、積極、樂觀嘅爸爸。 巴士公司都好好，真係冇諗過，會為咗呢3個小車迷，走一轉。
@TTTT-uu4uq
Жыл бұрын
❤真 我以為上去影下相
@GundamSEEDscyfish511
Жыл бұрын
狗巴咪淨係識做呢啲公關工程囉 實際服務越來越囂張 大概成間公司都係巴膠 上層包庇前線～
真係非常敬佩Max, Jacky同Kenneth嘅能力同堅毅，你地嘅友誼同互相扶持真係好難得。 全片最感動到我嘅係Max同爸爸嘅父子情，爸爸講起Max嘅時候眼入面充滿嘅自豪同愛護真係好入心，相信Max都一定感受到。仲有佢show返Max嘅成長片段時一直都冇停過嘅笑容真係好珍貴，完全睇得出佢係一個幾咁好嘅爸爸。 好多謝你地接受呢個訪問，等我地可以了解多少少視障人士嘅挑戰、心路歷程同埋最重要嘅係你地有幾犀利。同埋好多謝Mill Milk做左呢條片，係我近年睇過最有代入感同最大收穫嘅片。第一次係youtube留言，希望你地繼續做更多啟發人心嘅片❤
好佩服佢地，完全記得哂所有detail位，零件發出既細微既變化聲音，就算未見過既巴士，佢哋可以經他人既描述可以幻想到架巴士出黎，真係好厲害。不過佢地既樂觀先係佢地最厲害既地方 有心，眼只是道具
我自己係一個中佬巴士迷，以前都會周圍去影巴士、遊巴士河，但舊年中咗風之後，有一段時間身體唔郁得，嗰下覺得自己乜都完。好在係家人、朋友病友同醫護人員鼓勵下，先至可以起番身，可以跛下跛下做番個巴士迷。 Max，我好佩服你同朋友嘅毅力，同埋對巴士嘅熱愛，加油！
好感謝MM為尊重視障人士作出了一大步，同時間我都見到留言冇歧視巴士迷👍，對於是巴士迷的我十分滿意
多謝MM比我地接觸視障人士👍都係第一次了解到佢地點樣可以好似其他人咁生活，同埋追逐自己嘅興趣
我哋應該尊重同埋支持視障人士，俾佢哋有平等嘅機會參與社會同埋實現自己嘅夢想。
@mm.millmilk
Жыл бұрын
同意！
又睇到喊！max爸爸加油努力 你同max做人態度都好好 及兩位朋友仔🙏🏻🙏🏻 上天會祝福你地架🙏🏻
這集好感動。 其實MAX講的問題， 有時普通人都不知道清楚點樣去相處， 遇上視障者是怕碰到他們阻外他們本來的行動， 有時想過去幫手， 就是好像MAX講的， 怕傷害他們自專心，這些都是政府應該宣傳和教育的。
Max有個好爸爸 對佢好有耐性好有愛 多謝MM有呢類型既訪問 等我地可以了解多d唔同生活既人士 好有鏗鏘集feel
我係見到Apple 話Max 會聽留言，所以想留俾佢地，你地熱愛生活既樣子同態度真係好好好好可愛！多謝你地係負能量咁大既香港，俾出正能量。 係你地令到我一路睇，一路回心微笑，多謝你地！
Max 爸爸好有愛心同耐性，係一個好爸爸 👍
心態決定境界 能夠保持咁積極樂觀 冇自怨自艾💯 發掘自己喜歡嘅嘢 全心全意鍾意佢 為佢感到自豪
@leungfrancisco7282
Жыл бұрын
有健全身體既香港人更加要係
每次踫到視障人士，我都想幫手但又驚會唔會俾人覺得是可憐佢，尊重的尺度好難把握。呢條片讓我了解少少視障人士的心態，非常佩服你哋嘅好心態。希望香港政府可以提供更多資金和關注於改善公共交通方面對於視障人士的需求，令到他們的出行生活多啲便利、少啲危險。
@turn-me-later
Жыл бұрын
我覺得對殘疾人士，只要係對方能力範圍做到，一律當普通人相處，咁應該係最好嘅相處方式
一定過百萬views, 感謝 MM 團隊幾呢個 7百萬份之4嘅故仔帶畀觀眾，順祝片中幾位受訪者生活愉快，樂觀開心！
@mm.millmilk
Жыл бұрын
多謝你
謝謝三位和我分享你們作為一個巴士迷的世界，增加了我對視障人士的認識，亦擴展了我的思想空間。祝願你們在城中bus hunting中，順順利利，滿載驚喜❤
好感動，遇到的障礙比健視人士一定要多吧，真係好佩服佢地樂觀生活，希望大家都可以健開快樂咁生活～ 一定要讚寫故仔既 Apple，聯絡埋新巴個下覺得你真係好好，唔止係交功課，寫到了感動、唔煽情、好睇的故仔！值得一讚！繼續努力！
@apple9982
Жыл бұрын
多謝你呀！！🥺❤️❤ 🙇🏻♀️我會繼續努力
自己人生就是在自己手中 有些人遇到不順利的可能會自怨自艾 甚至覺得全世界對他有虧欠 但也有些人會樂觀面對 再為事情也要調節自己 享受自己人生 他們三個就是活得開心自在的一個例子 有人說我的故事很勵志 其實更勵志的事情每日在大家身邊
幾位小弟真係好可愛,好純粹地鍾愛自己所愛. 祝你地一直都咁開心
多謝MM展示左視障人士的日常生活，呢條片提醒我唔好將視力當成理所當然，重要的事情未必係從眼睛睇到，而係要用心感受的🎉
@apple9982
Жыл бұрын
🫂無錯！
睇到某一幕嘅時候，Feel 到其實佢老竇真係好錫佢個仔，見到佢嗰個笑容嘅時候，我都就嚟喊咗出嚟🥲
Max 爸爸， 你有個聰明又乖既仔。 三位chings 好俾觀眾感受到你地既世界， Thanks. Apple 做d 故仔有質素。 👍
apple 出既片真係每集都咁正！ 好鐘意阿max 咁積極 希望一路都咁開心啦 同埋有呢個慈父真係好幸運 一路帶佢試新野去新地方。
@apple9982
Жыл бұрын
多謝你啊GH，我都好欣賞Max爸爸 : )
最好嘅係識到志同道合嘅朋友，唔洗收埋自己，同好友有傾有講係最正 佢地嘅開心，好多健全嘅成年人都可能已經無左。係一早已經消失左果一種童年嘅歡樂
多謝Apple，故事好精彩好特別
@mm.millmilk
Жыл бұрын
多謝記得CLS
@apple9982
Жыл бұрын
Thank you 呀🫶🏻
多謝3位受訪者好積極GE人生觀去追尋自己喜歡GE野 聽你地傾計都覺得好開心 好多謝MM拍呢條片 覺得團隊好有心 係訪問其間唔只係去搵有咩內容素材 仲係訪問其間就住受訪者講中意邊款退役巴士而去聯絡巴士公司 雖然巴士公司已經冇呢款車 但係個心機真係好值得表揚
@TTTT-uu4uq
Жыл бұрын
呢個心機真係勁❤❤❤
@apple9982
Жыл бұрын
🫂❤❤❤
多謝MM！多謝新巴的特別安排！ 三位朋友仔加油，繼續追尋你哋嘅喜好，祝你哋身體健康！
多謝Apple同mm團隊做左咁有意思既片❤️ 睇到人好鬼感動❤️
@mm.millmilk
Жыл бұрын
你哋嘅讚賞係我哋嘅動力！
@apple9982
Жыл бұрын
🥰多謝你睇片～～
多謝 Max, Jacky 同Kenneth 的分享，令我更了解視障人士的生活點滴。搵到有共同興趣的兄弟，替你哋開心❤️ Max 爸爸一直陪伴左右，帶Max去唔同地遊歷，好爸爸，令人感動💕 祝你哋一直平安快樂❤️
多謝Apple❤❤❤多謝3個受訪者❤❤我有時出街見到視障人士，會覺得有無需要幫手，不過咁唸原來係忽略左他們本身的能力，每個人自身的能力都不容小覷❤其實政府同交通公司好多地方可以更進步，有時就係改變小小，就可以令到成個感覺都更好❤
好耐冇見Apple，估唔到再出片會係令我喺餐廳流眼淚。三位視障人士冇自怨自艾，同其他巴士迷一樣搭巴士打卡， 對不同型號嘅巴士琅琅上口，真心佩服👍。最感動係Apple好有心聯络新巴，希望佢地可以見識到巳退役嘅超時代新巴，雖然最後未能如願，但有另一款已經翻新嘅退役巴士坐，佢哋一樣搭得好開心。多謝Apple，多謝新巴🫶
@mm.millmilk
Жыл бұрын
多謝你讚賞💪🏻
@apple9982
Жыл бұрын
多謝你啊cerise ! 🫂💛 多謝你用心睇我條片：）
@cerise8
Жыл бұрын
@@apple9982我係你鐵粉黎㗎，多謝你用心製作每一條片😘
@apple9982
Жыл бұрын
@@cerise8 😆鐵咁勁～～多謝你呀我會俾心機！！🫡
搵到有同一興趣既人很替他們高興，爸爸的教導也讓人感動
三位對巴士既熱愛隔住個mon都感受到❤
係我眼中睇你地，你地既世界其實先係彩色，希望你地保持到你地既樂觀善良去面對世界每一樣新事物 亦都祝你地可以聽到更多不一樣既世界 ！
鍾意呢集，好好笑😂，一個個捉人衫尾一齊衝呀😂 睇到老豆講野又笑中有淚😢
睇完呢個訪問 有種窩心既感覺 ！ 希望三位受訪者繼續抱着正面樂觀嘅態度去接觸呢個世界 ，加油！
多謝MM嘅用心採訪啊！ 看見Max和爸爸的互動，很感動！也佩服三位VI朋友仔的能力，繼續加油！做自己喜歡的事！🙂❤️
@apple9982
Жыл бұрын
珈瑤多謝你支持呀☺️
3:20 Max講出巴士乘客嘅心聲，希望巴士公司可以邀請佢地幫手audit巴士司機嘅駕駛態度！你地用心感受的，比一般人更加留意到細節！
見到佢哋上到新巴安排嘅 ‘超級富豪‘ 嗰種開心，令人好感動！
睇完好感動,亦都覺得Max 佢哋3個好叻仔！
Max爸爸真係一個24孝爸爸❤ 我同我爸爸之間完全係冇任何兩人之間嘅回憶
虽然佢地係残障人士，但佢地用一个乐观嘅心态话俾我地，佢地都可以拥有属于佢地嘅Happy。睇完成条片，就觉得佢地几个心态真係好平常，好relax，冇得弹，真心希望佢地有机会望到真真正正嘅巴士。
好感動😢苦難不值得被歌頌，但是努力生活的人永遠會被記住。
多謝幾位朋友分享，原來靠聽覺同觸覺睇事物既方向又唔同左。 我平時真係唔明巴士迷鐘意巴士既邊部份，睇完條片先明愛得有道理，堅係真愛。 另外都多謝Apple同新巴公司準備既驚喜，見到幾位朋友開心，身位觀眾都好開心
max有個好錫佢既爸爸 好幸福❤️❤️加油
三位巴士迷好可愛！希望你哋繼續生活愉快！好多健全嘅人都唔識如何樂觀面對人生，你地好叻！
謝謝你們的分享！ 讓我感觸好多。他們可以這麼存粹的去愛一樣東西。 再多的不便 搭上愛的公車那個笑容 太動容了 好喜歡這一集
老實講 本身以為呢段片只係講下佢地嘅興趣 點知睇睇下 發現佢地都幾搞笑 繼而係好佩服佢地咁正面嘅態度 再睇睇下 點解啲眼淚流出嚟嘅 原來係俾Max爸爸感動到 睇到佢對仔仔嘅付出 支持同愛 睇得出佢嘅樂觀 睇得出佢好為自己個仔而驕傲 呢個心態唔易做到 亦都係我地需要學習嘅嘢 更加估唔到嘅係Apple竟然聯絡埋新巴 俾左個驚喜佢地 真係好有心 總之成條片就好高質 成件事就好有愛啦❤
真正重要的東西，只用眼睛是看不到的，唯有用心看才看得見❤
十分之多謝製作團隊付出 希望大家見到需要幫助嘅人每人做多一點 世界會更好🙏🏻
好感動，見完這個訪問覺得自己身為正常人但好無用，祝他們一生開心快樂健健康康！
Simon同Max呢個父子關係 不得了！ 眼濕濕！好有愛！ 唔會可憐你地呀！只會尊重你地！ 祝福你地！ & thanks MM!
多謝分享失明人士世界,教導開眼人士怎樣尊重他們需求.
呢一種精神係好值得我哋尊敬，學習。多謝你哋幾位帶俾觀眾呢一個享受同體驗，感受到爸爸嘅愛，祝願各位身體健康。
我都係一個巴士迷，好欣賞佢哋喺視障底下依然無阻熱愛巴士👍 同時多谢MM分享視障人士既追車經歷，令我明白原來香港都有視障既巴士迷
失去視力，反而可以用其他感官同心靈去睇呢個世界。 好佩服佢地有呢份熱愛同樂觀，希望佢地都出入平安。
今集睇到好感動，佢哋好堅強，比一般人更厲害👍
Great Great Respect Max 同佢朋友心態真係好好👍🏽feel 到佢哋轉數好笑同好幽默😂😂
好誠懇嘅對答，特別係Max同爸爸嘅互動，好感動，多謝你地
Hi Max，記唔記得心光夾過Band，打鼓同彈琴嗰個小朋友茗茗 Chapman 呀，佢響倫敦已經認得好多條巴士線嘅引擎聲喇，佢話倫敦156同香港嘅590有d似喎，不過我懷疑佢亂up 😂 你地好犀利，加油！ 多謝MM、Apple！
三位聽力訓練有素，多謝分享！ 希望你哋繼續安全地追巴士👍🏻😊
成日話香港自由，我卑微地最希望香港人心胸開放啲，接受到唔同人有唔同興趣同生活習慣，不論巴士迷、造星、時裝、跳舞乜都好啦，唔好咁多 judgement！
睇見最純粹的快樂 真心佩服
感覺應該係充滿歡樂嘅一條片！😁 首播見 👌
@apple9982
Жыл бұрын
see you 呀William！
多谢MM用心拍摄这集有关三位失明但正面男生的日常生活。很久以前我本身有为这些弱势群体做一日义工。当时感触颇多，也清楚明白他们很需要大众的帮忙和协助。很希望大家能透过这一集能多体谅和关怀这些弱势群体❤
Max 同爸爸都好識生活 比好多普通人更加熱愛生活❤❤上半年身體唔舒服 做咗幾個月殘疾人士 真係冇親身體驗唔會明白箇中感覺🫶🏻 祝福你哋繼續生活愉快！
多謝Max！多謝4位受訪者! 可以令我明白佢哋嘅鍾愛，佢哋嘅生活。多一分明白，多一分體會！ 你地三個好好啊！希望有機會係街上見到你地啊！ 也多謝Apple! 多謝MM! 可以讓我睇到一個咁感動嘅故事！❤ 更感激你哋為佢地爭取左一次咁好嘅獎勵👏🏻👏🏻👏🏻👏🏻
睇完令人會反思自己擁有嘅嘢有幾珍貴。
十分感動，多謝你 apple & MM
爸爸真係好有愛🥺🥺🥺🥺
非常欣賞他們的生活態度！出入小心🙏 祝福❤
講真 好癲 佢地嘅眼界係大過好過健全嘅人
覺得max講一句尊嚴好深刻，一定要加油，撐住！
我是铁路迷，我感同身受。看的时候浑身起鸡皮疙瘩，我很震惊，也很佩服他们。虽然他们了失去了视觉，但是他们仍然用自己的其他感官，去感受自己热爱的巴士❤
睇完本集之後 非常感動❣️ 亦十分慚愧
好多謝MM今次拍呢個主題，令大家了解多咗視障人士嘅內心感受同佢哋嘅日常，真係好欣賞佢哋鍾意巴士嘅嗰份執着，同時亦都好感恩佢哋有彼此支撐大家成長，希望之後佢哋都繼續生活愉快、順利平安🙏🏻
佩服他們追巴士的毅力和精神，加油❤
Max, Jacky & Kenneth好叻呀！加油，支持你哋！
好厲害 欣賞佢哋追求自己興趣既熱誠 無比任何因素阻擋到
好鼓舞呀👍🏻👍🏻 成段片都好感受Max, Kenneth 同Jacky對生活既熱情同對巴士既熱愛🥰🥰
真係好佩服佢哋，好掂
多謝mm..真係好, 令視障人仕完成願望
幾個都好樂觀！希望你地繼續生活得開開心心！多謝MM今次嘅訪問，很有意義。
真心尊重三位師兄，真係好利害，積極樂觀勇敢快樂，加油呀
多謝你拍個咁好嘅題材！成條片夠多⻆度又好睇！