#MM
#MM #美味道來 // 家庭式手造中式糕品 一家六口做足二十小時 每日賣過千件
為了一件白糖糕或紅豆糕或缽仔糕或芝麻卷，你願意花多少時間排隊？要是你想吃方太的糕點，花半句鐘一個小時是等閒事。方太糕點，有口皆碑，一天十六款糕點，每一款四、五百件，每天可賣上幾千件；更巴閉的是：糕點每日新鮮製造，賣完就無，明天請早。
如果，你以為自己排隊一小時值得不值得？方太做這件糕要花足足一天二十小時，兩公婆四個子女二十小時輪班工作，胼手胝足，從不假手於人。興許，人們有時對這種家庭式的小店會有很多想像，一家人齊心合力傳承一門手藝，但若貼近現實地去觀看事實時，當中其實還包含衝突、意見不合，甚至老不情願的成份；從方太一家人，我們就能看見一個典型的故事。惟有用愛去包容，成全對方的願望，儘管彼此並沒有說出口。這份心思這種情比起店舖本身，甚至乎手藝更加難能可貴。
█一天二十小時困獸鬥
蓬的一聲，閘門捲起，時間是上午九時正。睡眼惺忪的Eric和一臉倦容的David返到小小的方太糕點店內，準時開工。Eric是大哥，也是方太糕點店的「大阿哥」，負責入貨、跟單、準備訂單、聯絡客人，待處理起手頭上工作便會幫手切糕賣糕；三哥David則主要做糕、切糕等廚房工作。
事情是這樣的。方太糕點店的糕點每日新鮮製造。每天下午方太和三子便要處理各式糕點的材料，像紅豆、眉豆要蒸熟，馬蹄要挑根，豌豆要逐粒逐糕精挑細選，之後開粉弄漿蒸糕，全部人手工夫，無得偷懶。再說一遍，方太糕點店十六款糕點每款四、五百件，可想而知工作有多繁重；所以，一家店子方太兩夫妻四個子女二十小時輪更工作。方太和方生在凌晨四、五時把蒸好的糕拿出來待切，即切即賣‧‧‧‧‧‧
David正埋首努力做芝麻卷，Eric則默默處理訂單，不發一言；大約十時多，四妹方方匆匆來到，今天又遲到；馬上回到自己崗位，處理缽仔糕。「今天做了三、四籠，每籠約120個。」方方一邊起缽仔糕一邊說。店子十時開門，方方也兼顧賣糕。有趣的是，三兄妹工作是不用溝通的，「日日做，每個人的工作範圍都非常清晰，要做甚麼都已經知道，不用說甚麼。」Eric說。其實，來幫忙的還有位二哥，只是他要留在家中照顧孩子，只會在最忙的時候偶爾來幫忙執頭執尾。
繼續不發一言。唯一開聲的是工作時意外的碰撞和出錯。「店子真的很迫，曾經三弟一不小心把盤子撞到我的頭，很痛。」又或者工作做錯了要重新做過，「『對不起』是沒有意義的，不是對不起而是重新來過，與其爭拗，不如把手頭上工作完成啦。」試想像一下，每個人每一天的工作內容都一樣，體力和精神都很累，而每個人都有脾氣，負能量不斷累積，但又是一家人，不能動輒發脾氣，就像一場困獸鬥‧‧‧‧‧‧
█潮州人要錢唔要面
十二時多，方太來了，說起糕點店的威水史，一臉自豪。「好生意的時候，人龍排到去紅綠燈位置，要等足足一小時，要食你就要等。」方太扯大嗓門笑著說。「有時，排到你芝麻卷買晒，你惟有食其他糕啦，反正每一款都好吃。」像是糕揀人不是人揀糕。「手得一雙，爐頭只有幾個，每一款我們只能做四、五百件，賣完就無。」為甚麼不請人做？「糕點的食譜和做法都是秘密，怎能教識其他人？萬一他們偷了我的秘方自己開店怎麼辦？」所以，一家人十二雙手十六款糕點，從不假手於人。
原來，早在十多年前方太在佐敦道開了一間涼茶舖，兼賣糕點（已大受歡迎），經營四年後業主不肯續租，便索性「退休」為子女供書教學弄孫為樂，「直至幾個孩子大學或副學士畢業，我才安心出來工作。」事實上，涼茶舖結業後還有不老主顧游說方太出山故業重操。「不了，做糕真的太辛苦了。」直至本來做酒店侍應的女兒方方勸媽媽開店，幾兄弟姐也願意回到店幫忙，方太才重出江湖。再追問方太糕點好吃的秘密，「都話係商業秘密，點會話你知！」方太有權保持緘默，但也說漏了嘴：「我只用最好的材料，每粒豆都挑過揀過，甚麼都親力親為，幾蚊一件糕卻是成擔心機，一定要好吃。」最後，方太還補充一句：「我唔要錢都要面。」
█一家人六個故事 不計較金錢
Eric在理工大學修讀旅遊與酒店管理，讀書時已來店幫忙。「那時，一星期有一、兩天『天地堂』（即只有早上跟晚上有堂）一下課我馬上趕過來，好在理大到佐敦（舊店）不遠。」也分毫不收。「父母供書教學，有甚麼需要他們都照顧我，我覺得一家人不用計較金錢；甚至有同學罵我，說對父母要好到這樣程度嗎？」但Eric深信那是作為兒子的責任。
另一邊廂，David 副學士畢業後曾在銀行工作了四年，之後去了澳洲工作假期兩年，回港後放下行李才兩天，便要來店忙。是自願的嗎？「才不，我絕對‧‧‧‧‧‧」只是他也知道店子人手本來就不足夠，始終要有人去做，所以也別無選擇。David還記得工作假期期間是讓自己思考和沉澱的一段可貴的時光，現在每天做著同一件事情甚至同一個動作，更要命的是沒有多少天假期。「他們有個觀念是工作時就要拚命工作，我心想：為何不可以取得平衡？」David的衣服上寫上：準時收工。「那是我的願望。」事實卻是：工作排得滿滿的，已很久沒有準時收工。
妹妹方方也有自己的打算。「這裡我們沒有出糧的，要吃飯便會問媽媽拿錢。我也覺得店舖的錢是家人的，這些錢也是媽媽將來的依靠。」所以，現在每天下班後，方方便要開始她第二份工作：經營自己網上手造飾物生意，直至深夜。「有時因為我工作至凌晨三四時，她（媽媽）會罵我，說：明天八、九時就要起床，還不去睡？」但方方從媽媽身上學懂的是：想做生意，便一定要有堅持。
█不是一門手藝 更是一家人
這陣子，正值歲晚，也是方太糕點店最忙碌的時候。「基本上，完全忙到沒有時間觀念，今天是幾多號我都不知道。」今天是除夕呢。「明天是新的一年？我也理不得，我只知道明天仍要開工。」真的，單是這兩天已相信之後一個月一家人忙得不可開交。問方太會不會太累，打算做到幾多歲？她說：「我沒有想過呢？現在一家人開開心心在一起。」工作雖然辛苦，也就是一家人在一起。「就算自己不能再做，他們誰接手都好。」大膽的問方太：如果他朝一日沒人接手的話怎麼辦？「浪費呀，浪費了我這麼多心血。」或者，這句話早已深深地印在四兄妹的腦海裏。
撰文：蘇朗智i@weakchickens
資料蒐集：蘇朗智@weakchickens
策劃/主持：黃曉楓
攝影：顏漢真、林正言
剪接：呂皓怡
監製：陳靜雅
#佐敦 #佐敦美食 #傳統糕品
#紅豆糕 #白糖糕 #缽仔糕
#MillMilk
立即成為 MM Member 啦，每月只需 HKD 40 咋！傳送門：
/ @mm.millmilk
＊建議使用電腦或手機瀏覽器登記，因為目前無法經 KZread APP 登記成為付費會員
____
MM Website: www.mill-milk.com/
MM Instagram: / mm.millmilk
MM Facebook: / mm.millmilk
____
CHUCKY｜@chuckyching
/ chuckyching
PHOEBE｜@phoebe.unprofessional.journey
/ phoebe.unprofessional....
ELAINE｜@elaine_wow
/ elaine_wow
京｜@phaedruslam
/ phaedruslam
KAREN｜@karen__yukiu
/ karen__yukiu
MANYI｜@manyishum
/ manyishum
SAM｜（付費內容）
阿朗｜@mm_longgg
/ mm_longgg
NATALIE ｜@nataliewwong
/ nataliewwong
APPLE | @apple.hiufung
/ apple.hiufung
Пікірлер: 545
大家最鍾意食邊款中式糕點呀！
@castmo
2 жыл бұрын
白糖糕，馬蹄糕，菲林～😋
@apple9982
2 жыл бұрын
紅豆糕同馬荳糕😋😋
@aliceyip1705
2 жыл бұрын
芝蔴卷最好味 😋
@alduswong
2 жыл бұрын
D紅豆靚到！ 我想食眉頭糕。
@blanchelaw6728
2 жыл бұрын
紅豆糕、芝麻卷
聽到無人工嗰下笑咗… 如果真係咁…個老豆老母係綁架咗自己仔女既未來…
有時好驚見到呢d 家庭店太出名，做呢行業太辛苦啦，仲要一代傳一傳咁，見到一家人同心合力咁做當然值得鼓舞，但都一定要記得留番時間同家人好好相處，唔好得個辛苦捱. 識搵錢唔記得洗錢。希望方太一家都開開心心啦。我有食過佢地做既紅豆糕，係好好食既。
@jacob2632
2 жыл бұрын
我覺得唔好淨係識叫人傳落去/唔好晒咗去，要明白每個屋企/人都有自己嘅難處😓
話就話「團結」 但係根本係限制咗下一代選擇 大哥自己咁揀係佢嘅選擇，但冇理由要迫令細佬妹去咁做 細佬妹都要為自己未來打算
@angwon
2 жыл бұрын
大佬：我冇得揀，你哋都要同我一樣冇得揀，將來我老婆都係 😎😎😎😌
@angwon
2 жыл бұрын
@包頂頸 佢地生意好關我柒事，不過太了解潮州人習性講兩咀啫，不過講明先~ 我唔係挑撥㗎！我一定祝佢哋生意興隆，密密做冇停手，多多都做，啲人要食就開工做！
@lepetitchat123
Жыл бұрын
中國人思想就是這麼迂腐，感情勒索可以被傳媒寫作為親情
@KhalilChan-dy6tv
Жыл бұрын
2023年了，除了錢同公權力，點樣限制一個青年去做距唔想做既事？
8:31 俾著係我返工聽到呢幾句說話即刻士氣大減
滿載情緒勒索既小店。 對我而言其實同綁架無分別，兩老灌輸既意識形態影響小朋友太大，除左妹妹。 當然呢個唔係小朋友既錯，亦未必係老人家既錯，但係... sad。 七百萬人七百萬個故事，多謝MM既製作。
@sophiadives
2 жыл бұрын
真係，幾兄妹冇晒童年😮💨
@johnleung4230
Жыл бұрын
熱誠熱愛，還是苛求勒索，真係在乎天時地利，否則何來有傳世嘅名店？
後記： 一開始接觸方太一家，我曾經想像過佢哋係一家人和和睦睦地去做好一門手藝。但當我同每位成員個別去傾偈時，先至發現人人各懷心事，當中包含好多好多矛盾、期望、快樂、無奈、埋怨，愛。老土講句，家家有本難念的經，一家人共事，邊有咁簡單。即使心底裏毫不情願，仔女都肯付出時間同體力去滿足家人的心願。諗真啲，與其話去滿足，不如話只想令對方快樂。非常犀利的動力。 感激受訪者無限信任。 黃曉楓 Apple
@TheEyanno
2 жыл бұрын
從短片已經睇得到，媽咪咁傳統嘅思想，唔想傳承比外人，呢樣嘢對仔女來講，無異係一種心理嘅包袱。
@siwonmiko
2 жыл бұрын
講得好好！！個個唔同性格，因為愛相聚相支持，好耐無睇一段由心而發覺得欣賞既事，唔係for賣糕 係見到點樣去做好一件事❤️
@deyd9908
2 жыл бұрын
收皮啦，時代係進步緊，你唔好食古不化，採訪d好似垃圾咁嘅鋪頭，讓尼d鋪頭被時代淘汰啦，唔該！
@angwon
2 жыл бұрын
潮州家庭我話你聽係好麻煩㗎！ 個大仔第時娶老婆，個女人要有心理準備，響度一世
@superfans2324
2 жыл бұрын
@@deyd9908 一個訪問唔會有影響 有實力既始終留得低
除夕都要開通宵其實為咩？做到一家人無晒生活 上一輩成日話捱餐死為仔女讀書，將來可以有份舒服工做。但到仔女真係大個時，又走去情緒綁架人，要人返去幫手。
@avanifan332
2 жыл бұрын
因為潮州人都鍾意賺晒香港嘅錢，出咗名架啦
@kevintam1010
2 жыл бұрын
以前啲人窮過，知冇錢唔得，而且唔會被重視。所以一味衝。但好多到老都會覺得，成世人就係得個做字。 但講到尾，又會想仔女接手🤷🏻♂️⋯⋯好矛盾
@connietenny1151
2 жыл бұрын
仔女無人工….又迫佢地留喺間舖…過多幾年佢地已經無得再揀要留喺間舖度.. 間舖咁好生意…一定賺唔會少….怕父母辛苦就做少啲賺少啲.又要賺到盡.. 用親情綁架仔女未來…
@panda881903
2 жыл бұрын
你岩喎，仔女做到勞損職業病，都冇得claim ，冇退休金，筆錢咪係返度，難聽d 搵自己人笨。雖然一家人齊心做係幾warm 但唔變革，仔女冇發揮，例如創意糕點、marketing 包裝推銷，冇得學以致用，全家屈係百幾尺鋪頭，錯失好多發展機遇，最後攬住舊錢但口就埋怨老豆老母框住自己，冇意思架。 成全一個人心願，之後都要諗下仔女d 心願點樣幫佢哋達成，唔係錢唔錢問題，有手有腳怕咩冇工返。志氣同自信心磨滅，就好難點返起團火。何況佢哋都唔細，成家立室既年紀。
@saulancheng1809
2 жыл бұрын
曾經過，冇買
我係細女都唔會咁早返 遲早間鋪都係大哥既 淨返既弟妹為完老豆老母奉獻 之後又為大哥😂個人生就係咁 時間比哂佢地 無得發圍 無機緣 就日日磨足咁耐.. 成家人我諗細妹唔會做太耐 有獨立思考能力 思維清晰….
細佬件衫算唔算無聲抗議😂 其實要排隊原因好簡單，怕買小買漏就諗耐咗，排到櫃前見嗰幾件糕又好似好好食又諗一鎮 不過講真件件糕都咁吸引，畀著我都會咁！各式荳糕勁多豆囉😍
@kathy5571
2 жыл бұрын
其實每次排緊隊時已經諗ing，但去到櫃前見到啲糕又會開始掙扎😂😂
@minnaho6693
2 жыл бұрын
我都有呢件衫😆
整個訪問做得好好，流程好順，提問設定擊中某些要點，特別喜歡各人單獨係門口接受訪問嘅設計 !
美術背景圖案畫得靚！畫頭仔可愛！啲糕點仲圖得好細緻👍
謝謝主持分享，看到一家人齊心工作真開心😃
全handmade 犀利! 全家人一齊去run 間舖係respect 嘅... 不過幾同意阿妹, 幫屋企之餘其實都應該諗下係咪想發展自己嘅事業, 定係繼承媽媽嘅生意
@dor5650
2 жыл бұрын
潮州人點會俾個女繼承
@zenithwingyeung5277
2 жыл бұрын
@@dor5650 午安，從來都唔.明日，身為汕頭人，真冇到理，愛錫媳婦，都唔會愛锡女兒，女兒只有做，冇關心女兒，做女兒只有做翻女兒責任啦？
滿載溫情的小店！
這間糕餅店有一種特別的味道元素，就是親情與愛心，一家人合作經營，每樣都做到最好，令大家好欣賞！
其實有D位可以用機幫手，個味唔差幾多，但唔使咁辛苦，好聽叫傳統手藝，事實係成40年都無咩進步（例如改良方法，創新，開分店，增加銷售點等等）；而家困住3個仔女，第日若有外來因素做唔住佢地會好慘。
@china46989
Жыл бұрын
哈哈， 你的辛辣点评，入木三分。 现实中你也是这样说话吗？
@KhalilChan-dy6tv
Жыл бұрын
其实而家个社会，吾退步都偷笑。。。进步到极致，要么就私房要么就连锁。
記得以前飲食男女都介紹過 第一次閒日去有喜事冇開 第二次去買到 唔洗排隊 好食既, 不過就唔好太神化唔食唔得果種
@johnnyrambo8569
2 жыл бұрын
應該好食過深水埗 坤記
@yuri6201990
2 жыл бұрын
@@johnnyrambo8569 佢D砵仔糕還好,但食親白糖糕都酸既,之後都冇再幫襯過
好可愛嘅小店，好可愛嘅家庭，全家都有一樣口音！祝福🌹🌹🌹
雖然同心合力係好但也要有自己的人生！
幾錢其實唔緊要，最緊要係嗰真材實料，味道好！依家好多外國野賣到非常貴，其實真係一般！要多啲支持本土野！
二哥、三妹慘過打工，呢種管治理念係宜家好容易出問題，賺到錢容易為錢銀嘈，賺唔到頭家直接散。
@dor5650
2 жыл бұрын
仲要安排唔到未來 一蚊都冇落袋又要佢哋返全職 衰啲講句點結婚生子？
@etl7761
2 жыл бұрын
❤️阿媽好聰明免費打工仔
@Poodlebbbbbbbbbbb
2 жыл бұрын
@@etl7761 阿媽係最終贏家 三個仔女同老公都係免費勞工
@nicoleadriencheung
Жыл бұрын
成家做左免費勞工，阿媽贏晒
@annawong6509
3 ай бұрын
不應為家族生意而留下來,每個人有自己想法和要尋找的路！除非孩子是自願留下想做...但老一輩總是覺留下來總是自己生意不用受老闆氣,總有飯開餓不死.當然如果孩子本事叻的話又怎會留下不外闖呢！只可以話各有所需,食得鹹魚抵得渴.我都因這報道去過買兩次,真心不好吃！
糕點畫畫得好靚🤩
曉楓總結得好好呀
呢家人值得人敬佩👍👍
多謝你哋一家人艱勞，先有咁多人食到好糕品 🙏
工時太長，太多磨擦，太困身 一星期休一日或者唔好做咁長時間會好D 不過又唔捨得...
@nicoleadriencheung
Жыл бұрын
其實休一日好啲，但佢哋要賺到盡，無辦法
😊感動窩心🥳制作精彩
Gordan Ramsay kitchen nightmare 有集就係講個老豆迫啲仔女幫自己手，真係華人社會先會變成理所當然
我好鍾意食舊式中式糕點😋
睇得出細佬妹都做得唔開心，但又唔敢say no
@etl7761
2 жыл бұрын
住阿媽間屋冇得say no
@user-dm5zp5fy9o
2 жыл бұрын
@@etl7761 老老豆豆副學士翻工至少都三萬幾，可能有其他因素啦，見到咁真係嗰兩兄妹真慘，四弟就醒啦
@nicoleadriencheung
Жыл бұрын
@@user-dm5zp5fy9o二弟
@user-dm5zp5fy9o
Жыл бұрын
@@nicoleadriencheung 謝謝糾正👍
冇嘢話唔食唔得,視乎個人怎去品嚐@而我食嘅係佢嘅人情味家庭味👍🏻👍🏻👍🏻👍🏻👍🏻👍🏻👍🏻
今集有動畫加受訪者超有趣。可否介紹一下插畫師
@mm.millmilk
2 жыл бұрын
插畫係由呢條片嘅主持Apple畫㗎 instagram.com/apple.hiufung?
多謝你地，很有意思！
大哥把聲好kenny😂
呢家人嘅故事好唔討好...細妹細佬有自己夢想, 但感覺俾個阿媽逼住幫手, 仲要無薪, 個大哥更加似係愚孝
@maggiechung7317
2 жыл бұрын
唔會，潮州人最後都係俾個仔，我屋企都係潮州人，我係女（經驗之談）
@catmemecat1811
2 жыл бұрын
擺明大哥係最後得益者，所以佢咪咁情願。特別潮洲人，個女都唔洗諗住有咩分到
@tlouis6208
2 жыл бұрын
阿哥成為最後贏家
@TheEyanno
2 жыл бұрын
有同感，唔好話實現唔到自己夢想，仲要係冇自己社交，大佬軍訓式管理係自己人俾面先至可以繼續做，比街外人都劈炮唔撈。呢個管理同相處模式，我唔夠膽講對一家人關係有正面作用。
@edge8912020
2 жыл бұрын
@@TheEyanno 睇到大佬話错就係錯唔駛解釋，有DO咀
一家人太棒了！！
對仔女絕對唔係好事，個個人都係個體，佢哋都要有自己嘅人生同生活
最慘係父母一句想仔女接手所謂的生意，就阻礙咗仔女自己本身可以有的其他發展🥲
@travelernumber2257
2 жыл бұрын
你唔好理人甘多啦，又无阻住你发展，惨咩呢？
百孝為先，很高興一家人相聚，是無價。
又是一個團結家庭
唔應該要仔女全職幫手，很可能會害了他們，為什麼他們沒有理想？
啲公仔畫得好有heart
好欣賞個conclusion
你地真係好癲呀 出片出得咁鬼密 抖下啦 捱壞架
17/1去幫襯左 買左紅豆糕、椰汁馬豆糕、千層糕三款、紅棗糕、白糖糕、芝麻卷及砵仔糕。 只有紅豆糕、椰汁馬豆糕、白糖糕及芝麻卷好食，不建議試千層系列-冇味，砵仔糕質地偏彈，紅豆係多呀但唔起沙冇味
@gracetsang755
2 жыл бұрын
馬豆糕好難食豆又少價錢又貴左
兄弟姊妹齊心 其利斷金 甜品我鍾意 一定要去試下
唔會太甜哩方面幾好
千層糕正呀！
Woah this reminds me of Apple 蘋果 飲食男女. Love it!
家族生意好困身, 青春好似廁紙咁, 搣下搣下就冇架喇, 優點係唔憂食 ; 缺點係冇得做自己中意做既野
@nicoleadriencheung
Жыл бұрын
不過無人工，長期做唔係辦法
全職幫屋企生意但無糧出 !?
喜歡你們介紹有歷史的香港小店
就咁睇 仔女好可憐 被迫放棄自己嘅人生、夢想 就係因為阿媽嘅心願 仲要無人工 應份咁樣 其實好慘。。。呢啲情緒勒索嘅屋企人真係好恐怖 見其他留言話普通 咁就慳返唔食了
@user-iy4tu7yi6e
2 жыл бұрын
真心啊🥲
@etl7761
2 жыл бұрын
富媽媽窮孩兒
@angwon
2 жыл бұрын
應該話減少幫襯，啲細路就有發展空間，大排長龍咪又係做死啲細路，困死佢哋囉！大佬鍾意就由佢同父母三個做晒佢
@sardonna1215
2 жыл бұрын
@@angwon 係，如果好好生意，仔女就肯定走唔甩ಥ_ಥ
@angwon
2 жыл бұрын
@@sardonna1215 拎埋米芝蓮實走唔甩
老套講句 食既係人情味
黑芝麻卷必食！
哩啲 傳統港式糕點 必需要加強向外推廣啦!!
今日試咗啦，真係唔錯。 特愛紅豆糕，大推 多謝mm 介紹
加油方方!
其實每人都有自己追求，唔係潮州人就可以咁迫啲細路，個大哥都唔可以咁對細佬妹，依家咩年代呀？
一家人合作經營，每樣都做到最好，令大家好欣賞
Thank you for showing this dessert stall.
呢D手工糕点真系極品！
望到都想食 行過試下先
看起來都很好吃😋yummy 😋👍👍💕
唔使排隊、普通到不得了、中哂伏
以前舊舖有機會經過都會買D點, 好味!
樣樣都想食😋😋
好可愛的潮州口音，我有朋友試過，話好甜，有d人應該會好鍾意食。如果減甜會健康d
好想食芝麻卷🤤🤤🤤
報道style 似飲食男女，介紹得好清楚，d記者轉左過黎？
小製作對抗大商家，努力呀！
你地介紹過咁多嘢 唯一一間我會想留言 因為呢間真係唔好食
插畫都係Apple畫，好厲害！
今日特登想去買糕點，點知去到拆緊野，問裝潢師父話以經結業。。。
阿女同三弟好乖好孝順，冇人工都犧牲自己既私人時間幫手❤️👍🏼👍🏼👍🏼
@KhalilChan-dy6tv
Жыл бұрын
確實。。。不過考慮到阿媽眠幹睡濕，供書教學，理應孝順的，至少唔好對著幹。
啲graphics好有心思好好睇！！
Looking so Yummy 😋 really missing HK food!!!!
酒樓仲好食D。冇料冇味只得甜
😄其實我係好多年前幫襯過佢哋！但係突然間失蹤咗！不過又突然見番！好開心！因為佢哋啲糕點實在太足料😋！不過而家買佢哋啲糕點都好辛苦太長時間同埋太攰！😅😅
今天看。又一個美麗的回憶 當年的蘋果日報的飲食男女👍🏻👍🏻👌😁
呢間係幾好食，我鍾意食馬碲糕同砵仔糕。 香港已經好少手作仔店了。 唉。
80後、90後兄弟姊妹，已經吾同思想啦！支持細妹嘅諗法。
糕點好食但排太長龍太耐，唔值得 仲要排到時會買哂好多糕 應該要諗吓限住每人買數量
好奇問下 raze口罩係藍嘅 仲要中國制造 點解mm會同佢地合作嘅？
眉豆糕真係只係細細個，呀嫲先識用眉豆整粿。潮洲人好認真做工作上嘅野。 其他野唔關事就唔會理， 所以邊個生日唔理，幾時放假唔駛知，搞錯唔駛死，到時就會知。辛苦d後生。 呢種鋪頭喺日本已經紅咗啦。
兩老咁辛苦，何必呢，應該享吓福
太尊制，控制子女唔通五六十歲仲要跟着阿媽走。。。完全無私人生活。完全是自私的家長
@kwokpiuleung9841
2 жыл бұрын
大排長龍，是仔女的控訴?其實糕點一般!仔女手脚慢!所以才排長龍。是迫害了子女的父母!
@wahangela6755
2 жыл бұрын
@@kwokpiuleung9841 我無吃過，雖然是自己的仔女，佢哋已經是個個體。。
@kaki6120
2 жыл бұрын
潮州人係咁架啦，自私到爆，又重男輕女。
@lepetitchat123
Жыл бұрын
Mill milk D故仔陳腔濫調，經常將苦難浪漫化。成日標榜所謂人情味，如果跟佢搵食一定中曬伏😂
@maychen9264
Жыл бұрын
一睇就知啲仔女係自願，仔女講嘅冇辦法只不過係講下笑，間鋪咁搵錢又有嘢學，好過出去打工多多聲啦。
一家人，一條心。仲要做到咁多人都鐘意，真係非常之難得。👍👍
芝麻卷有冇芝麻卷內再灑芝麻粉板本?
哥哥d潮洲鄉音好勁 兩個細路妹反而無口音🤣
@etl7761
2 жыл бұрын
鄧小平開放係80年代
@andrew28271
2 жыл бұрын
係
@pllai8146
Жыл бұрын
哥哥口音重 難怪哥哥要躲在父母店舖工作 全部仔女都無自己理想 都幾失敗
不要再神化這間店舖，試過它的糕點水準只是一般，價錢貴而且超薄，缽仔糕少豆淋而不爽滑，白糖糕更是來貨（早上路過幾個竹籬白糖糕放在門前地上，極不衛生），很多小店水準比它好，請勿再盲目吹捧。
@kamChai
2 жыл бұрын
完全同意。但香港人一向都係一窩蜂咁去擁，而且冇理智，只會諗怕執輸。
@superfans2324
2 жыл бұрын
正經回帖無人推
@homepc9468
2 жыл бұрын
絕對同意
@rachel4241
2 жыл бұрын
Push mm下次可唔可以做好啲research先出街？
@kamChai
2 жыл бұрын
@@rachel4241 幾驚佢訪問 坤記呀😖
Growing up the black seasme rolls I always called it "camera film". When I order dim sum as adult people look at me weird when I asked for camera film. I'm so glad these young people are keeping the tradition and business alive. Wish them great success for many years to come.
食過，好普通。唔駛專程去試。幫下其他小店更好，佢地生意更少。
@tlouis6208
2 жыл бұрын
多謝分享
@funny-pb9jy
2 жыл бұрын
你留言我非常認同，之前見個個都話好食，叫老公去買，排咗45分鐘隊，但認真失望，一d都唔好食，普通過普通，仲浪費時間，幫襯其他黃店好過，呢間鋪仲貼住黨視幫佢介紹d相，以後唔會再買
@ordin2702
2 жыл бұрын
聼過，有次經過見人排隊但係都唔係甘長龍，埋去提下都無咩意慾買，因爲太普通，生產，賣相，包裝，服務都一般，係話足料，人手做。百貨百客。
做食品生意, 年中無休 (很辛苦)! 16 Jan 22(日)
全部仔女就做切那部分，點解唔請外人做？仔女做返凌晨關鍵部分？？一家人感情真好
@evahui7121
2 жыл бұрын
唔想俾錢請人
唔知重有無開店 我今日睇到明天想去試食下 2024年 4月15日 唔該
貴 以前土瓜灣又係有一間賣糕點 價錢係佢嘅一半 一家人做曬 又咁好利潤 發咗達都冇人知
這種形式的店舖，真是買少見少!好孝順的兒女o
上海街人龍之謎解開😄