#MM
#MM #旅遊止癮 // 六旬漢全家農藥敏感 花16年一人興建20萬呎零農藥農莊 成米芝蓮名廚御用農場 鋪水管開魚池耕田一腳踢 成全港首人養澳洲有機藍龍蝦 Phoebe實試港式即摘即撈即煮 幾十種零農藥蔬果+新鮮羅非魚寶石魚
█ 一家對農藥敏感 索性自己開農莊
元朗圍仔村附近，有個不起眼的農莊，佔地20多萬呎，裡面有池塘、有農地，有小動物，有個已退休十多年的有心人，一人種出幾十種沒有農藥和化學劑鮮菜水果，養殖了連中環米芝蓮廚師都排著隊要的羅非魚、寶石魚和藍龍蝦，活像個世外桃園。這位有心人叫明哥，跟明哥聊天總有新知識袋落袋，所以更多人稱他為「先生」，像一位上通天文下知地理的老師。
█ 一人打理20萬呎魚菜共生農場
16年前，先生發現一家幾口對農藥和化學劑敏感，吃完連嘴和舌頭都會腫起來，嚴重的話更會痾嘔，即使買了「有機」產品也沒有改善，「香港沒有有機法，生產商寫了有機不等如產品沒有化學劑，我覺得在市場上應該有健康的選擇。 因為坊間買不到真正沒有農藥的食品，我又剛好找到這個地方，最初只有萬多兩萬呎地，養點魚種少量東西給家人吃，再慢慢累積周邊農地擴大農莊面積。」20多萬呎的農莊上至開田、 開魚塘、建房子，複雜至鋪水管、駁電力、搭木平台，都由先生一手包辦。「有些老人家的田種不了，我以口傳歷史方式收集他們的知識，同時跟大學學者研究，希望做到量產，證明給農民和漁民看，其實他們的食物不需用化學劑去生產，都可以很好吃。」
█ 中環米芝蓮餐廳御用食材
先生的農莊是香港少數有規模的魚菜共生農場，多年來研究零農藥耕作和養殖法，由實驗農場變成米芝蓮餐廳御用農莊，中環餐廳如MARGO及BEDU等，因為欣賞先生的耕作及養殖理念，因此指定要先生提供食材，「我們主要目標不是銷售而是推廣，希望通過有名氣、理念相同的餐廳，以食材真實味道將這種養殖及耕作法推廣出去。」
█ 豪宅式飼養6000條淡水魚
先生興建了四個漁塘，奉行低密度飼養，每池養了1200至1500條魚，一般高密度飼養每池約有2500至3000條魚，農莊的魚等同住「豪宅」，「羅非魚是很容易養的魚，育成率最高，也是現時全世界最大規模養魚品種，因為牠用最少飼料，能養出最多肉。寶石魚油脂成份（Omega 3）很高，是漁護署多年推廣的品種，我們都試著去養。」先生數年起自行分類和繁殖魚苗，分別培養了白帶淺黃色及橘紅色的紅羅非魚，先生最少要養12至14個月足一斤才賣，講求魚肉的細緻度及油分分佈。先生說高密度養魚會令水體產生很大污染，要經常換水，他以前也會用過濾系統，一個月1.8萬元電費，現在兩個月只花3000元，省掉不少能源。
先生用魚塘的自然生態去分解污染物，例如魚塘中層的魚會吃了上層魚的糞便，中層魚糞便給底層生物吃了，再經一輪分解，先生在底層養了田螺、蝦仔、藍龍蝦，牠們會吃最底層的排泄物，通過不同水層生物的分解令水質變得更好，「我養的魚有足夠成長時間，牠們吃有機飼料，同時我們會用酵素令魚兒腸道更健康，所以養出來的魚肉質結實，沒有腥味。」
█ 研發孵化屋養澳洲藍龍蝦
除了魚，先生近年還試養食用價值很高的澳洲藍龍蝦，他也是本港第一個養有機淡水藍龍蝦的人。先生是個發明家，農莊中常見到他的不同發明，例如用膠片做的龍蝦苗孵化屋，讓藍龍蝦容易點脫殼，提高生長率，同時為牠們製作不同體積的龍蝦筒，防止在養殖過程中打架。「這批在養殖池中的已繁殖第三代，一隻公最多可配三隻母的，到溫度合適時，可通過水質轉換狀態的方法令牠們發情交配。」
魚菜共生即是邊養魚邊種菜，再用養魚富營養的水灌溉農作物，而田中的泥土堆肥，則是來自塘中的魚糞。先生清洗魚塘時，會用工業泵將泥漿抽到沼澤區淨化，再用來耕作，當中產生多元的微量元素，填補了其他肥料的不足。先生同時自製營養極豐富的魚酵素及生果酵素作堆肥，所以種出來的農作物特別鮮甜，農莊中種植了幾十至上百種蔬菜水果，單是沙律生菜已有7至8款，更試過種上80個品種的車厘茄。
█ 設「白鷺餐廳」維持生物多樣性
先生主張維持生物多樣性，耕作時希望以大自然中的動物互相制衡，他初開農場時先養小鳥，後養蝴蝶，特別在魚塘中設有兩個「餐廳」給白鷺來用餐，有些魚多了出來或養不大的，就放進池中讓雀鳥吃，不足一年，就吸引白鷺、蒼鷺、池鷺來訪，雀鳥在固定的地方吃足了，就不會吃其他塘的魚兒。
先生以同一原理驅蟲，在棚內外都種一些昆蟲喜歡吃的農作物，例如蚜蟲最愛吃白菜，就在棚周邊種白菜聚集昆蟲，保護其他蔬菜，避免蟲害擴散至整個農場，同時在外面收集瓢蟲放進棚中吃蚜蟲，捉螳螂去吃大型蟲，捉些蜘蛛針對果蠅，「不再用化學劑後昆蟲多了很多，但我們每年都見到新品種蝴蝶，早陣子更見到巴黎翠鳳蝶、螢火蟲等。如果我們以掠奪方式在大自然中取食物，會令一些物種被滅絕，相反以分享方法共享這地方，自然生態會慢慢得到平衡。」
註： 鴻日農場計劃在3月或4月舉行豐收節在地餐桌活動，詳情可留意「鴻日農莊」及「在地餐桌小旅行」Facebook專頁，或可inbox查詢。
策劃：王秋婷
主持：王秋婷
攝影：林亦、黃栢基、顏漢真
剪接：林亦
#元朗 #魚菜共生 #米芝蓮 #米芝蓮餐廳
#澳洲 #藍龍蝦 #羅非魚 #寶石魚
#豪宅 #淡水魚 #實試 #實測 #MillMILK
立即成為 MM Member 啦，每月只需 HKD 40 咋！傳送門：
/ @mm.millmilk
＊建議使用電腦或手機瀏覽器登記，因為目前無法經 KZread APP 登記成為付費會員
____
MM Website: www.mill-milk.com/
MM Instagram: / mm.millmilk
MM Facebook: / mm.millmilk
____
CHUCKY｜@chuckyching
/ chuckyching
PHOEBE｜@phoebe.unprofessional.journey
/ phoebe.unprofessional....
ELAINE｜@elaine_wow
/ elaine_wow
京｜@phaedruslam
/ phaedruslam
KAREN｜@karen__yukiu
/ karen__yukiu
MANYI｜@manyishum
/ manyishum
SAM｜（付費內容）
阿朗｜@mm_longgg
/ mm_longgg
NATALIE ｜@nataliewwong
/ nataliewwong
APPLE | @apple.hiufung
/ apple.hiufung
Пікірлер: 108
一開始對上知天文下知地理的先生很好奇，到底這人從事甚麼職業，才曉得做這樣多的事，要知靠一人之力建一個農場出來是很誇張的，要懂工程、更要懂化學物理生物學，先生自言讀書不多，好似中三定中五就畢業了，媽媽不讓他讀職業培訓學校，他鬥氣下就連書也不念，直接出社會工作，多年來做過不同公司的策劃，試過早上5點打牛丸，十點後做自己的木貿易生意，同時撈裝修、園藝設計、養錦鯉，開過水族館，但因為看過很多行內不道德地取珊瑚、魚兒的方式，最後沒再做。 他戲言自己衰貪玩，只要想做的事就會自己慢慢摸、慢慢參透，參考前人經驗，看不同國家的研究報告，用Google translate慢慢將英文翻譯。農場中的一花一草，打理得肥肥白白的魚產都是他花了十年以上研發出來的，因為農家長大，自小熟悉自然環境，也懂點種植，十多年前重返農耕，除了種菜給家人吃，也希望能提供給身邊患癌的朋友，他總是說香港不應這樣少選擇。 從他養殖、耕作方法，小至水的潔淨度、飼料、土壤，大至如何養飼、如何劏宰、如何在生產食物時跟動物共存，也見到先生的理念是完整又從一而終的，源於他對自然生態的尊重。Farm to table能直接見到整個生長環境，感受食材本來的特性，就像Mabel所說，她以前較重視技法，現在直接用收割的菜做餸，感受到它跟土地的連繫，會多想如何展現那種食材原本的味道。🥗 農莊像個實驗室，先生不止養魚種菜，他養蜂、製酵素、做木雕、回收剩食和廢物、更養貓狗豬和龜（龜是自來的）。裡面有個多肉植物棚，研究如果將來有日世界會有炭疽這類絕命病毒殺掉種子，如何用組織培養方法養植，他以多肉植物作實驗培植，種出非常多豔麗的盆栽，把它們送給訪客和來農莊參觀的小朋友。最近又用南丫島回收返來的碼頭木，在魚池邊搭了個木平台，他說可抵上20架的士的重量。這次chill chill的餐桌就是在上面進行呢。 多謝先生的安排，我同攝影同事唔止拍得好開心，食得好滿足，仲買咗好多車厘茄同菜走，我敢講先生種的車厘茄係我食過最好味的，香港農場都可以種到精緻又健康的農產品啊！期待下次再入嚟試farm to table😙🤍 如果大家都有試過香港其他好正的farm to table，歡迎留言開心share
@user-gm8de9cz5h
2 жыл бұрын
高手在民間
@kalam4707
2 жыл бұрын
你好 請問明哥蜜糖怎可以買 本人是濕疹患者 謝謝
@jyky1314
2 жыл бұрын
我邊睇邊覺得厲害 先生應該係咩科目知識都有 估唔到全部都係自學 ~
@teateekg6829
2 жыл бұрын
場主♡♡♡♡ 香港人支持你 尊重大自然土地 專業魚農建築 守護生態萬物互惠 🥬🥦🥒🥕🌶🍄
@leungandy7160
2 жыл бұрын
@@kalam4707 自用的
香港做農夫真係非常勇敢，一來沒有什麼政府幫助，二來又擔心自己辛苦開發嘅農地被發展商睇中；其實本地真有機耕種大有市場，就好似依幾日因檢疫唔比中港蔬菜貨運，菜價即刻漲價幾倍；真心希望先生個農場可以安定發展，讓更多人可品嚐本地魚及農作物。如果將來有Part 2食蝦篇，可以訪問下先生做本地農夫嘅難處及點樣保持果份熱誠。
@phoebewong1462
2 жыл бұрын
我都好想再返去食藍龍蝦😋
呢集好好睇呀！先生真係好厲害呀，而且身體力行去締造緊一個尊重所有生命既美好世界。劏魚一幕好令人觸動同引發反思，另外仲有白鷺餐廳都好令人印象深刻。哎呀，真係好中意呢集，多謝你地話俾香港人知仲有人努力實踐緊真正美好既生活！希望先生同家人都身心安康，繼續美好生活
先生真係神人，好應該有人幫佢編輯佢既經驗成書，我相信對自然農業的發展會好有幫助!
睇到眼濕濕🥲感受到大家對土地同呢個地方嘅熱情 作為消費者，每一個選擇其實都影響緊呢個城市嘅生活模式，請多支持本地農莊🙌🏻
我也是移民後食當地海鮮沒敏感，先知在香港的外來海鮮很多化學物質令我敏感！ 希望多啲人支持本地農業🙌🏻🙌🏻🙌🏻
今集又有魚呀！大家睇咗 MM 條蒸魚飯同賣魚佬未呀？
@edge8912020
2 жыл бұрын
當然有啦🥰
@katietsui2658
2 жыл бұрын
+1
@tonicchau3666
2 жыл бұрын
梗係有啦💪🏼
量產係大量生產 羅非魚又叫非洲鯽, 福壽魚, 入侵物種, 喺條河度乜都食晒, 所以好快大 如果有人養, 食好住好, 易大又好食
之前睇其他台嘅一日體驗片，都仲有少少「睇啲新人雞手鴨腳」嘅心態；今日再睇埋 #MM 嘅實試片，見個拍攝焦點已經去到「將個焦點俾返要拍攝嘅對象度，融入其中」，將呢類實試片提升咗一個層次。加油，希望你哋唔好cher得太盡，拍多啲好片俾大家！
要培養有心人接班，推廣與大自然共生的概念很重要。香港可以有的有機農業。
@phoebewong1462
2 жыл бұрын
有消費者一齊支持都好重要🙋🏻♀️
零農藥農莊，真係好有意思，魚菜共生，如果香港多啲呢類農莊，就好
成個體驗好正! 好佩服先生對自己嘅理念嘅堅持
@phoebewong1462
2 жыл бұрын
先生當年為咗防止附近啲地變曬做回收場，用咗幾年時間慢慢租曬附近啲農田，所以先有20萬尺咁大，咁樣啲魚塘先唔會畀污水污染，真係好有心呀！
自給自足先可以脱離限制，尤其係响今時今日嘅環境更加有深切感受。
好好。欣賞環保又鼓勵梗香港人支持本地農業
高質既一集,多謝MM同埋先生既堅持
先生好knowledgeable, 好犀利! 多謝MM, 好好睇!
好有心機，好好食咁 耕田養魚真係一啲都唔易
大家覺得邊個farm-to-table menu最吸引🤤 1. 寶石魚豬肉餃子配魚湯 2. 泰式烤羅非魚 3. 意大利生菜櫻桃蘿蔔配車厘茄黑醋沙律 4. 韭菜煎餅 5. 鮮藍莓蘋果可麗餅 快啲留言揀啦！🤤🤤🤤
@adatang7144
2 жыл бұрын
l like all
@yeungtommy7882
2 жыл бұрын
1！
@tryreachme
2 жыл бұрын
1
@verdon2221
2 жыл бұрын
1最吸引！ 但最妒忌Phoebe，因為5樣都有得食~
@yyc1122333
2 жыл бұрын
1 至五 都好鍾意
真正農業[新生]~~[活化]~~希望這樣理念可以改變香港人~~對農產有進步想法~~謝謝分享訪談~~~
先生做得好開心
真係好想睇多集食籃龍蝦🦞好睇真心
好正香港都應該有唔同的生活方式
Phoebe the best
好勁 一個人搞20萬尺農莊
👍👍👍呢位明哥真係厲害！🤗🤗🙏🙏🙏MM製作。
每碟食物個樣都好靚我想食
好正，多謝先生同MM
呢集好好睇呀 支持mill milk💛
Very good quality video! Keep up your good work! This is an excellent program in HK
好介紹！謝謝🙏🏽
先生尊重自然，尊重生命，影片優質加油！
出淤泥而不染的Phoebe
好欣賞佢一路做一路收集口傳技術！
呢集好好睇！
感謝先生.
今集好好睇，大自然嘅食物鏈，各取所需，大家都有自己嘅岡位
@phoebewong1462
2 жыл бұрын
係呀，仲因為咁多咗好多原生鳥類、蝴蝶、自來動物嚟農莊呢！
@yanlee8423
2 жыл бұрын
好似做雀鳥好D,喜歡飛去邊都可以😅
全部都係靚魚
好掂，支持！！！
我之前跟在地餐桌小旅行去過呢個農場。其實先生，在地餐桌小旅行的Sandy 及小手練習的Mable 都好支持本地產物。
good try, although not every person can afford those produces. thanks for the video. be safe.
呢D 羅非養殖密度低同個塘底衛生, 其實勁好食, 又多肉
好睇👍🏻
唔知幾時先有機會返香港。睇咗當係去咗。
Thank you very much.
佩服!
先生勁
好想試食下啲魚同菜！！🤤好欣賞先生的做法 城市人冇咩機會感受大自然學下農業知識 想睇下先生新農計劃啲資料 但係Fb同website都冇🥲
@phoebewong1462
2 жыл бұрын
歡迎去鴻日農場Facebook inbox先生，佢哋好樂意同人交流🤓
點解唔自己養一些雀去保护農作物呢？
多谢视频！知道香港有个人咁有心咁聪明日日有自然健身房又过健康、世外桃源嘅生活！非常羡慕！❤️from 🇺🇸
年年有🐬🐡🐋🐳，虎虎生威贺新年，新年快乐，from, Malaysian 🌏ipoh 🏮🏮🏮🏮🏮
先生可否带我在香港入行，我出生在乡下，对种植有一定基础，在城市生活了30幾年，又想回到乡村生活，但对香港新界不熟习。
好佩服先生可以一個人咁厲害，其實係咪可以跟住先生72小時，看他如何分配時間呢？因為實在好想知道他是如何做到。😬
你話魚肉+豬肉好鮮甜，你下次可以試吓魚+羊 你諗下個「鮮」字係咩組合😉 法國人話一生人點都要食一次藍龍蝦🦞，藍龍蝦真係好好食😋👍🏼
空見 Phoebe
Wow yummy I like that. From Bicol tv
小龍蝦改個名叫龍蝦又可以賣貴D
形住鏡頭成日有GIN姐亂入
支持
蚜蟲 不是牙蟲
行行出状元
牛奶妹🤣🤣🤣我完全諗咗第二啲唔出得街嘅嘢
👏👏👏
監製，Chucky🤔🤔🤔
大量生產（英語：Mass production）簡稱量產。
@852foodie
2 жыл бұрын
多謝解釋，我成日以為量產係限量出產😝
農在心 網中人 世外桃園
👍💪
💪
好精彩又有教育。但希望少D大叫尖叫
見到Phoebe就諗起佢享用緊成個禮拜冇洗過嘅杯lol
@phoebewong1462
2 жыл бұрын
我已經改過自新喇😂
🥰👍👍👍😍
👍🏻
咁靚嘅魚攞黎包餃子，真係奢侈
今條片個顏色 saturation 推得太 over
💖🇸🇬🌹
無事就最好唔好去元朗。
記者好吵耳
在一個錯的地方
你一講白鷺餐廳已經唔想睇。。。。 佢地鏟除原生濕地啲生物，人造濕地我接受唔到
產量太少 能養活多少人？ 你要吃有機 世界很多人就沒食物了 怎麼辦
你係業主, 你都唔訓街啦！ 係咪, 入主咪soe white rose and san mulan,資唔務, understand?
耶咪white rose, Asia right 俄, 中有俄羅斯族, 我哋買族家, 女, 入主, 系要嫁主呀嗎？ 民唔主美, 我哋唔好輸家.