#MM
#MM #700萬種生活 // 80年本地唯一製磅廠 為主題樂園設計動物磅 有磅殺人鯨的吊磅 設政府認可實驗室 建磅秤資料館傳承歷史：做一個公正的磅給別人，令別人開心，我自己也開心
有位老人家，花盡一生的時間，經營爸爸於1944年創辦，已有接近80年歷史的製磅廠，保留著僅存的本地製磅工場。別以為是一間只得老人家，默默經營的老店，這裡的夥計年輕有活力又健碩，有香港實驗所認可的實驗室，還建立了磅秤資訊館。究竟磅廠是怎樣運作的，又靠著甚麼生存到現在呢？
一生製磅由機械到電子 特製假石磅引動物上磅
今年83歲的三興製磅廠第二代老闆梁渭潮先生，13歲開始跟父親學習槓桿原理，製造機械秤和地磅。他說：「一出生我爸爸已經在造磅了，1966年正式接手磅廠，頭20多年都在造機械磅。」到30多歲，他親手從英國引入初代的港斤針磅。雖然50歲才轉型製作電子磅，但電子磅量度精細到一千萬分之一，可以自動顯重﹐加入電子程式更可以轉化為數據，令這位貪玩的老先生樂此不疲。他說：「近幾十年，電子磅已經取代了機械磅，電子磅的作為很大。」例如為薯片廠設計皮帶秤，把電子磅安裝在運輸帶入面，生產量便一目了然。說到得意之作，梁老先生便說起他為主題樂園設計和訂造的一系列動物磅，有磅殺人鯨的吊磅，曾為鱷魚貝貝及海獅海豹製作假石磅。他說：「因為不能強迫動物上磅，所以便要把磅隱藏在假石山內，騙牠們自動上磅，從而計算體重。其實很開心，很有成功感。」
建立實驗室做砝碼校正 確保個個磅足秤
普通的電子磅坊間都很容易買到，單靠代理買賣電子磅不夠生存，除了根據客人要求加工修改電子磅，梁老先生20多年前建立了一個實驗室，包辦電子磅及砝碼校正服務。舊時用天秤，一邊放貨物，一邊放砝碼，達到平衡就等於夠斤両，而在電子磅的世界，砝碼亦充當「法官」。不少行業對度量衡要求都很高，例如物流、食品、醫療藥業等，公司用的磅不能經常搬到實驗室做檢查，他們通常會有一套高等級，不易因為變質和破損而影響重量的砝碼，不時檢查磅秤的準確度。而校正服務便是相比客戶的砝碼，和實驗室內那套標準砝碼的重量有沒有偏差，沒有偏差便可以拿到證書滿足規條。
實驗室的不少儀器，都是當年在工專（香港工業專門學院）修讀機械的梁老先生設計的。利用電子和槓桿原理，小小實驗室就可以校正到，稱量1毫克至1噸的電子天秤和磅秤。梁老先生現時還會一星期回兩次公司實驗室上班，他說實驗室是他的心血，不捨得不回來。不過家人只讓老先生校正最微細最輕的砝碼，以斤重以上的粗重砝碼，當然交由年輕人做。萬一校正後發現磅或砝碼有偏差，便要交給維修及工程部﹐原來現代磅廠都需要配合大數據﹐有程式編寫員助陣。例如物流公司每一天處理很多貨物，就需要透過程式印出貼紙貼上貨物。
保留唯一本地製磅廠 造磅手藝傳予大徒弟
電子研發部負責軟件設計，硬件即是磅的部份，就交給梁老先生的大徒弟培哥做結構研發。培哥1995年加入磅廠，已跟隨梁老先生28年，培哥說：「任何人進來磅廠都是一張白紙，因為即使在其他行業學懂的技術，加入後都需要重新學習。磅的原理不是單純的燒焊或裁鐵。」訂製磅難度在於手工和物料的運用，著重磅的平衡，因為任何一個偏差，都有機會影響磅秤的準確度。梁老先生曾經將製磅工場北移，可惜成品質素完全不合乎標準，所以他堅持保留這個唯一的本地製磅廠做加工。培哥說：「梁老先生最值得我敬佩的地方是，堅持造出來的產品，過得人也要過得自己。而且他對員工很好，是非常好的老闆，不是這個行業，應該是老闆令我著迷﹐總之他還需要我的一天，我就會繼續做。」
造公正的磅助人樂己 建磅秤資料館傳承歷史
梁老先生說一個高質的磅，唯一標準便是準確。他說：「其實磅是一個公平的交易，如果不準確的話，會令大家都不公平。做一個公正的磅給別人，令別人開心，我自己也開心。」梁老先生與磅相伴一生，一直有個心願，便是建立一間「磅秤博物館」。不能進駐M+博物館，家人就決定將生意不多的地舖，改裝為磅秤資料館。梁老先生說：「現在年輕一代很少接觸磅秤，希望能讓他們增加知識。」資料館門面仍然是80年代時使用的招牌，連錯了的英文翻譯都保留著。館內並非只得三興的出品，因為目的是想透過磅秤和度量衡單位的進化，來回顧歷史。
展示各式桿秤戰前尺磅 家傳工業機械磅
舊時所說的「呃秤」，最常是在砝碼上做手腳，所以梁老先生爸爸梁瑞橋先生當年開舖，便製作了一個調校砝碼的「校正天秤」。製作難度最高是天秤內的三把「刀」，刀鋒要夠尖才夠靈敏，但亦要顧及平衡力學，手工要好才可以使用了80年還是很靈活的。「販不離秤」﹐舊時商品交易都會用到大大小小的桿秤，移動秤桿上的砣繩找到平衡點，再看砣繩位置的秤花讀數，便知道物品的重量。舊式桿秤要歷經削木枝、打磨成桿、校秤、標刻度和鑽秤眼等步驟，一把桿秤是衡器也是工藝品。
館中有一座鑄有出產年份「1879年」的，戰前木柱機械大尺磅，過去由「華南印刷廠」擁有，為巨型紙品磅重。當年不少米行、茶葉行和五金行等，經常要量重物的店，通常都使用這款磅。工業發展黃金年代，可以說是機械磅的全盛時期，梁老先生形容爸爸是天才。他說：「我自小便是爸爸迷，因為我懂的槓桿原理，都是家父教我的。我學成一半都不夠，他的創造性能力很大，很多磅都由他研究出來。」不止設計出安士磅，量度塑膠花及假髮等大件又輕身的貨品，另外設計了雙尺磅，不用加磅碼都可以量度大件又重身的貨物，現在梁老先生的心願便是找回一部雙尺磅。
引入首個港斤針磅 二兒子接手仍永不言休
而在街市看到形形色色的針磅，便是梁老先生在1960年代由英國引入。世上第一個彈簧秤，由英國人Richard Salter在1770年發明，家族公司Salter到260多年後的今日，還在生產磅秤。當年梁老先生在英國郵政局見到一個，由Salter出產磅郵包用的針磅，他便打電話去英國詢問，總公司回覆只有出產以磅做單位的針磅。因為當年香港通用的單位是司馬斤，於是他便畫了一個司馬斤對磅的比例圖給對方，出產了第一個港斤針磅。
問到製磅行業好像給人一種沒落感，他滿有自信地說：「我從不覺得，因為工商業交易離不開重量、體積和度尺，磅是永遠有需求的。梁老先生有三位子女，在英國修畢機電工程的二兒子，會接手磅廠工作，令他感到很欣慰很開心。問到何時可以完全放手給下一代，他笑說：「還有思想思考的話都還可以做事，我會做到自己做不到為止，其實已經放手給他們了，不過我幫忙做事而已。」
三興製磅廠
地址: 旺角塘尾道60-62號福康工業大廈4樓402室
電話: +852 2393 1144
網址：www.samhing.com.hk
策劃：鄭汝翹 Karen
拍攝：張妮 陸羽 張志孟
剪接：梁芷澄
監製：甄俊宇
#MM #MillMILK #香港老店 #700萬種生活
___
MM今年聯乘兩個香港品牌十字牌同望月合作，推出使用香港奶源嘅流心奶黃月餅，包裝有我哋《700萬種生活》唔同故事嘅主人翁，妙妙已經預備好同大家鬥快認出插畫入面嘅所有人啦！
妙妙都已經率先試食咗呢個屬於香港人嘅月餅，一貫望月月餅嘅高水準。
依家仲有早鳥優惠，一盒HK$198，馬上手刀衝㩒入下面條link入貨，自用、送禮都好體面㗎～
Mill MILK x 十字牌 x 望月特別版月餅早鳥優惠預訂中🥮✨👇
www.lalune.com/products/lava-...
___
立即成為 MM Member 啦，每月只需 HKD 40 咋！傳送門：
/ @mm.millmilk
＊建議使用電腦或手機瀏覽器登記，因為目前無法經 KZread APP 登記成為付費會員
____
MM Website: www.mill-milk.com/
MM Instagram: / mm.millmilk
MM Facebook: / mm.millmilk
____
CHUCKY｜@chuckyching
/ chuckyching
PHOEBE｜@phoebe.unprofessional.journey
/ phoebe.unprofessional....
ELAINE｜@elaine_wow
/ elaine_wow
京｜@phaedruslam
/ phaedruslam
KAREN｜@karen__yukiu
/ karen__yukiu
SAM｜@midwin_
/ midwin_
阿朗｜@mm_longgg
/ mm_longgg
NATALIE ｜@nataliewwong
/ nataliewwong
APPLE | @apple.hiufung
/ apple.hiufung
Пікірлер: 149
感谢mill milk訪問三興磅廠梁先生，令我懷舊思念泉湧回來，梁先生是我舊時同學，相信他或已忘記我此人，本人姓王，亦曾住在深水埗，我住福華街，以前的深水埗幼稚園樓上，斜對面就是以前的香江中學，我們一起長大，小學畢業後大家各奔前程，已相隔很久，偶爾坐車途經三興見到他忙於幫他父親，心中曾嘗試去聯絡，只是大家生活忙碌，一隔就幾十年，他現時八十三歲，而我亦已達八十了，歲月無情，如果你沒有介紹我在街上碰到亦不能認得，相信他見到我也不知道以前我們是好朋友，現在見他精神健康，終生亨受感興趣的工作，更承傳了父親的衣砵，實在是可喜可賀，更令我開心的是他人生樂觀更是長者所需要的，值得羨慕，但願他繼續享受既有的興趣和樂天的性格，更再次多謝你訪問他，我現住澳洲，如有機會回港我一定會去參觀他的博物館，請先代問侯他一聲。 王伯權上
@hubertpkwong
Жыл бұрын
我巳送上我的联络电郵及电话至SAMHING SE 希望他收到。
@hubertpkwong
Жыл бұрын
@@SAMHINGscales 14:14
@SAMHINGscales
Жыл бұрын
@@hubertpkwong 點我哋個名吖，我為你留左通訊資料喺頻道首頁呀！
@hubertpkwong
Жыл бұрын
我已再上我的资料经你的WhatsApp 给你，希望今次你会收到。
@SAMHINGscales
Жыл бұрын
@@hubertpkwong 😅我收不到啊！ 你見到頻道上、那個有香港區號的電話號碼嗎？
今次訪問磅廠我自己都有驚喜 真係無諗過磅都有咁多學問 梁老先生真係一位好得人喜愛嘅老人家 成日笑得好開心 講嘢又精靈 最難得係老人家好接受新事物 所以磅廠先可以跟住科技同時代進化屹立到而家 同埋現場感受到佢對磅秤準確度嘅堅持 示範校正砝碼嗰陣勁專注 佢絕對係磅廠嘅靈魂人物 希望大家鍾意今次影片 對磅都認識多咗啦～ Karen #mm #millmilk
@SAMHINGscales
Жыл бұрын
感謝Karen，讓我哋留有一個咁美好嘅記錄🫶🏼
@SAMHINGscales
Жыл бұрын
感謝Karen為我哋製作咗嚟個咁精采嘅短片以作留念🫶🏼🙏🏼
@coreyso
Жыл бұрын
聽KAREN訪問老人家既聲音真係感到好溫暖~
買嘢時常見到店家用嘅三興磅，今日至知道原來係香港品牌，真係大開眼界。 梁老先生貫徹做人公平公正的理想，令人敬佩。他不但關注技術改進和生意發展，更願意花心機設立磅秤資料館來傳承歷史，真係好有心。
@SAMHINGscales
Жыл бұрын
感謝讚賞🙏🏼 我哋公司上下左右，都努力持守老闆常說做人、做生意，「一定要公道公平」嘅宗旨㗎💪🏼
估唔到找到三興製磅廠做訪問，MM要找多啲老字號既公司訪問好D👍🏻
大大感謝 mm 與Karen!! 梁老先生與王先生終於聯絡上啦！！ 還傾了一個快樂的長途電話！ 超感動！大感激！ 🙏🏼🙇🏻♀️🙇🏻♂️🙇🏻🙏🏼
@Karen__yukiu
Жыл бұрын
開心
@SAMHINGscales
Жыл бұрын
@@Karen__yukiu感謝Karen 與MM!!
@johnleung4230
7 ай бұрын
緣分嘅嘢，真係話嚟就嚟！
從老闆笑容就知老闆平時對伙記好好👍🏻
@SAMHINGscales
Жыл бұрын
老闆對我哋真係好好㗎！🫶🏼 （要補一句🫢係有時頑皮啲擒高擒低要我哋擔心囉😅)
做一個公正的磅。 公正，公平、正確，知易行難。 梁先生委實讓人欽佩。
@SAMHINGscales
Жыл бұрын
感謝支持！我哋努力秉承老闆一貫嘅宗旨！
有幸帶過阿仔去資料館，過程非常好，大開眼界，尤其係有機會畀小朋友親身感受唔同「重量」，比起紙上談兵，小朋友用五官去學習，完全係無與倫比！👍🏼👍🏼👍🏼👍🏼
@SAMHINGscales
Жыл бұрын
感謝回應啊！我哋會繼續努力去做！🎉 今個暑假再有活動，希望多多支持呀！
梁先生結語非常好，做磅、做人，做生意，都要公正，呢個就係宗旨👍 所以一個習慣呃秤嘅人或者社會，根本無得救
@SAMHINGscales
Жыл бұрын
老闆嘅教誨，身體力行成為我哋每個同事嘅榜樣㗎💪🏼
MM各團隊成員 建議你們介紹一下香港歷史品牌紅A公司，因為家中的隔油壺用了十多年了。前天無意中查看底部才知道是紅A產品，重係香港製造，突然想到細時的廣告，好希望你們介紹番比香港人，希望他們還有門市。
搵大錢唔係人生勝利組，好似梁老先生咁一生都做住自己鍾意嘅工，仔女又有後繼呢個真係好大福氣。
@SAMHINGscales
Жыл бұрын
有梁老先生嚟個老闆，都係我哋嘅福氣嚟㗎！🥹
在加速世界裡，留下記錄變得好重要，製磅廠見証公平，大家最是需要得到的
@SAMHINGscales
Жыл бұрын
啱呀！我哋嘅宗旨！公司上上下下努力秉承老闆嘅訓言！
@SAMHINGscales
Жыл бұрын
對對💪🏼
佢D食品磅雖然外表冇日本嗰啲咁靚，但係我用咁耐最好最準確最快嘅👍
@SAMHINGscales
Жыл бұрын
感謝支持，多謝賞識！我哋會繼續供應優質嘅磅秤㗎！🎉
@SAMHINGscales
Жыл бұрын
感謝支持，我哋會努力繼續為大家供應優質產品與服務🫶🏼
博物館明几淨窗，十分整齊，員工又有活力，完全不會令人覺得此老店是up up dup dup或夕陽行業。
@SAMHINGscales
Жыл бұрын
感謝🙏🏼 我哋都好希望大家認識我哋多一點，令一班同事每天嘅努力得被看見。 我哋最後生嘅同事，得廿幾歲㗎咋！🤣😂😆
睇到梁老先生好愛佢嘅行業👍
@SAMHINGscales
Жыл бұрын
的確係，眼中見到光采🥰
@SAMHINGscales
Жыл бұрын
對啊！！佢真心熱愛磅秤㗎！💪🏼 佢到而家八十幾歲，都好鍾意同我哋一齊研發同設計產品㗎！
梁老先生好接受到新事物😂
@SAMHINGscales
Жыл бұрын
佢的確係，都成日煲KZread㗎🤣😂💪🏼
@rorkemiu4098
Жыл бұрын
@@SAMHINGscales 🤣🤣🤣
@SAMHINGscales
Жыл бұрын
對呀佢都好鍾意睇KZread㗎🤣😂
好正👍🏽好有意義👍🏽👍🏽👍🏽 提出咗一樣嘢：公正👍🏽💛💛💛 香港人，其實真係好叻！👍🏽 仲有，秤藥材嘅秤都需要好準，大陸嗰啲好粗糙，好唔掂！港產秤先準！ (每個留言都回覆，三興的確係一間好真心嘅公司，梁老先生係一個好真誠嘅老闆👍🏽👍🏽👍🏽)
@SAMHINGscales
Жыл бұрын
😄🙏🏼我哋真係好珍惜每個珍貴嘅留言㗎🫡 讚賞固然係我哋嘅強心針，面對意見都好重要，有則改之、無則加勉， 有老闆嚟個榜樣，我哋邊敢怠慢啊！😂🤣
呢集非常有趣，估唔到磅有咁多種，又可以咁複雜，長知識了，多謝！
@SAMHINGscales
Жыл бұрын
謝謝Mill Milk 🙏🏼
呢集精彩🎉🎉🎉因為梁老先生好勁，專業，熱誠，諗得遠。
@SAMHINGscales
Жыл бұрын
佢的確係我哋同事努力學習嘅模範😄💪🏼
16:12 梁生話佢個仔double E，字幕有錯， double E is Electrical Engineer
karen同牙朗嘅片係mm少數仲keep到，好有趣同溫度嘅題
very interesting. Thank you
敬業樂業嘅梁老先生，祝你身體健康，繼續做自己鍾意嘅事。
@SAMHINGscales
Жыл бұрын
感謝祝福🙏🏼我哋會一一話佢知🙏🏼🙏🏼
期待😂🎉
這集好有趣哦！！
@SAMHINGscales
Жыл бұрын
感謝Karen同MM, 真係拍得好好！👍🏼👍🏼 原意讓專業團隊做個記錄留念一下， 得到大家咁多支持，真係喜出望外啊！
好精靈嘅老人家！ 梁老先生敬業樂業，令人敬佩
@SAMHINGscales
Жыл бұрын
不但精靈，有時還很頑皮😅😅 感謝大家花時間認識嚟一行、佢所愛嘅工作🙏🏼
Thanks for the interview! Lovely boss!
@SAMHINGscales
Жыл бұрын
He is really lovely and sometimes naughty 😂🤣😂
Thanks
梁老先生嘅產品與時並進 respect
@SAMHINGscales
Жыл бұрын
感謝🙏🏼
@SAMHINGscales
Жыл бұрын
感謝支持🙏🏼💪🏼
開心老人家😊
@SAMHINGscales
Жыл бұрын
佢真係我哋嘅活寶貝❤
老先生好開明, 與時俱進
@SAMHINGscales
11 ай бұрын
對對！老闆真係好開明！好多嘢都俾意見我哋去嘗試㗎！
Thank you Mill Milk. 👏👏 香港人加油 。💪💪💪⛽⛽⛽
@SAMHINGscales
Жыл бұрын
🎉💪🏼🫶🏼
好佩服
@SAMHINGscales
Жыл бұрын
🙏🏼🙇🏻♂️🙇🏻♀️🙇🏻
公正，公平words of wisdom
@SAMHINGscales
Жыл бұрын
每人每日努力💪🏼💪🏼💪🏼
以前我上班的舊公司（不只一間），逢要買磅就到三興公司買，原來是香港名牌及有品質保證。 以前無探究，以為通行都是，所以公司都是到同一公司買啫，原來是名牌。 多謝 MM 介紹。😊😊
@SAMHINGscales
Жыл бұрын
好多謝大家嘅支持啊！我哋真係有堅持去為大家供應優質嘅產品同服務㗎！ 睇到你咁講，係強心針嚟！感激！！
@mimi-yan
Жыл бұрын
@@SAMHINGscales 多謝 貴司的回覆，令人感受到你們對客戶真誠和服務認真，如將來有需要，必到門市選購貨品。
@SAMHINGscales
Жыл бұрын
@@mimi-yan 一路堅持持守嘅信念，得到大家嘅認同，已經係好好嘅支持啊！🥹🥹🥹🙏🏼🙏🏼 （當然，歡迎幫襯😂🤣😂🤣😂🙇🏻♂️🙇🏻🙇🏻♀️）
老先生真係好UPDATE 與時並進
@SAMHINGscales
Жыл бұрын
佢真係好好學的👍🏼👍🏼
如果無記錯 1包藍線包應該係168斤 唔係500斤
@SAMHINGscales
Жыл бұрын
謝謝資料，等我問返清楚下老人家先！🏃🏽 問到啦！ 原來佢想講，個磅可以秤500斤，而一包藍線包重160斤💪🏼💪🏼
jaw dropping
二仔返嚟後，培哥咪冇訂企？遲早另立門戶。。。
幾十年前，我都有個中學同學在三槍做過，香港品牌 👍🏻
@SAMHINGscales
Жыл бұрын
係？邊位呀？我哋都有同舊同事聯絡㗎！😄👏🏼
非物質文化遺產
Impressive
@SAMHINGscales
Жыл бұрын
Thanks 🫡
港秤好似無咩人做迷你 (比如: 20 X 20CM)，又可以計價既 另外都無有線/無線，額外顯示及計算機功能
@SAMHINGscales
Жыл бұрын
你提及類似嘅電子磅，香港會以進口為主，再因應客人嘅要求改裝㗎😄💪🏼
👍🏻👍🏻👍🏻
呢個一定好老細
@SAMHINGscales
Жыл бұрын
佢唔單止係我哋嘅好老闆，仲身體力行教我哋好多做人做事應有嘅態度，我哋都唔敢亂嚟㗎🤣😂🤣😂🤣 嗯，不得不提，佢有時都幾頑皮的😆🫣
Loverly Man!
@SAMHINGscales
Жыл бұрын
lovely and sometimes naughty 😅
👍❤️
👍👍👍
記年份真的比較難, 但可以用不同方法去記. 如果想死記可以像小时考試, 寫纸仔貼在牆上, 例如贴在厨房，浴室，睡房。每次經過可以重覆記下啦😂
界限街有個細鋪做博物館
@SAMHINGscales
Жыл бұрын
我哋都有導賞團㗎
@SAMHINGscales
Жыл бұрын
《磅秤資料館》設於界限街13號，歡迎查詢！🙏🏼
梁老先生可唔可以設計一個環保裸買店專用嘅磅? 要磅到斤，要磅到克，要上面放到軟唔企身嘅袋都可得嘅... 我都諗到仲有乜要求... 我地小店第一個電子磅係人地送嘅，後來至知大材小用原來佢係實驗室用嘅電子天秤，後來被玩壞了，就改買咗個大大隻字嘅磅，正係想大家可以清清楚楚睇到自己買緊幾多菜，要公正唔呃秤。
@SAMHINGscales
Жыл бұрын
有呀，我哋會為客人因應需要而設計不同嘅配件，有興趣大家研究下吖！
公正人生🫡
@SAMHINGscales
Жыл бұрын
🙏🏼
長智識的一集, 這個年紀唔墨守成規, 難得! 👍
@SAMHINGscales
Жыл бұрын
謝謝，老闆的確係我哋同事效法嘅榜樣。 大家都笑稱，如果活到老闆嘅年紀，有2/3咁精靈就有福了🤭😆
😊
三興KZread channel 中英字幕都有，真係好多瓣數
@SAMHINGscales
Жыл бұрын
對不起那不是我們公司的官方頻道， 不過我哋正努力籌備中，請認定三鎗嘜註冊商標®️🎉
@Seele2015au
Жыл бұрын
@@SAMHINGscales 請恕直言：英國 BSA 的「三槍」商標，在東方也在其他無關的公司再現。大陸早有「三槍」製衣，有一段時間在香港亦有製造，情況應該和利工民相似。
@SAMHINGscales
Жыл бұрын
@@Seele2015au 謝謝你俾機會我哋公告一下， 相信運用槍支於商標上於各行各業都各有特色，訪問亦提及當年創辦人梁老先生嘅爸爸與兩位同鄉兄弟，以此喻為三人合力「夠威力」。 後人亦為尊重三位，將商標於香港政府合法註冊，以確認其獨有性。 而後來，其他致敬品牌陸續出現，註冊商標與公司註冊處正名「三興製磅廠有限公司」就成為咗我哋磅廠重要嘅認證。 在建立優質品牌方面，其合法性更為重要，所以無論： 公司商標「三鎗嘜」、 公司名稱「三興製磅廠有限公司」、 產品商標「TGM SCALES」， 都於政府合法註冊，以保障我哋出產嘅產品與服務，為我哋致力維護優質嘅目標與承諾。 而由香港認可處管轄下的香港實驗室認可計劃中的認可實驗室名單內，亦有我哋詳盡嘅註冊資料。
我屋企仲有個由太婆年代留落嘅桿秤，之前嫲嫲有教過我，不過都係唔識睇D花係代表幾多！😂😂
@SAMHINGscales
Жыл бұрын
😂我起初都跟老闆學，都學左一陣，好彩老闆好有心機（無敲頭🤭） 首先你要了解左單位係乜先， 如果係香港嘅太婆年代，估計都係司馬斤。 再睇重量，有機會係斤秤、両秤、厘戥就更珍貴。 再睇耳，通常都都有三邊， 同秤耳同一邊嘅就係相對刻度， 通常星花係大單位，半星係一半，一點點就係最細秤重單位。 不過要知實際幾重，始終要有一個參考數，通常食物（例如薯片🤭，重就買斤菜）會有淨重，可以幫你試到。 寶嚟㗎，千祈唔好掉！ 你留意下，如果係舊式正宗嘅，啲星係用金屬線打入去（唔會磨走），真係手工藝術品嚟㗎！！🎉
@ALEXCHOW-hk4kn
Жыл бұрын
@@SAMHINGscales 冇喇！吖嫲都走埋！ 屋企部腳踏衣車早前都掉左！係古董但冇人要呢！ 把秤睇下有冇時間攞去你地博物館啦
@SAMHINGscales
Жыл бұрын
@@ALEXCHOW-hk4kn唔好唔好，你哋家人留住佢啦，而家見少買少，真係藝術品嚟㗎！
有無人記得以前急急子係咪訪問過梁先生？
@SAMHINGscales
Жыл бұрын
😂😂👍🏼👍🏼急急子係一位好可愛善良嘅節目主持人，嗰次係一個十分愉快嘅訪問🫶🏼
這位叔叔給我好正氣的感覺 😎
@SAMHINGscales
Жыл бұрын
同時佢亦係一位善良有趣嘅老人家🤭
想問展覽館的開放時間，謝謝回覆🙏🏻🙂
@SAMHINGscales
Жыл бұрын
《磅秤資料館》現階段以預約形式開放，歡迎參觀😄🫶🏼
其實除咗mill milk外有個頻道(果籽)同mill很似的，值得推介(果籽)
@Seele2015au
Жыл бұрын
果籽是已經停業的壹傳媒的一部分。
@Anthonysiu1
Жыл бұрын
😂咪同一班人，睇左咁耐先知？
香港有啲咁既公司，唔係記者捐窿捐罅，香港人都未知知。
@SAMHINGscales
Жыл бұрын
😆marketing同事（即係小編我）要面壁思過🙏🏼
香港有2間三興
@SAMHINGscales
Жыл бұрын
本公司為政府註冊的三興製磅廠有限公司，謝謝支持🙏🏼
咁你哋有無買個磅返MM
公平, 以前人經歷貪污個個都想要公平, 而家.............
@SAMHINGscales
Жыл бұрын
每人多出一分力！堅持！！💪🏼💪🏼🫡
其實點解要用個個語言去問問題😅 頂唔緊
梁生係咪天秤座？😂
@SAMHINGscales
Жыл бұрын
🤭梁老先生唔係，不過佢整左兩個🤭🤭
好奇一問，梁老先生是潮州人嗎？
@SAMHINGscales
Жыл бұрын
對不起不是😅
@user-fm9ps4bx3x
10 ай бұрын
我是地道的潮州人，跟梁老先生一样，都是祖传做秤。感谢MM的介绍，令我可以带着儿子去参观三兴的磅秤博物馆。可以通过实物给儿子介绍各种秤，还有我们家族五代以来做秤的历史。我们要好好向三兴学习，资料保存得很好，我们虽然历史比三兴更长，但是在那个特殊的年代，什么资料都没有保存下来。这条片我看了好几次，每一次都眼含热泪，也让我想起我爷爷在做秤的每一个细节。虽然我们做了港漂了，但是一有机会，我们还想能从新拾起以前的技艺，做好传承和保育。再次感谢三兴公司，感谢MM
@SAMHINGscales
10 ай бұрын
@@user-fm9ps4bx3x 謝謝光臨許先生！好希望再跟你交流🙌🏼🙌🏼 希望也為小朋友帶來點點家傳的知識呢！ 下次再見！！
人間活寶貝❤
@SAMHINGscales
Жыл бұрын
精靈到好多時搞到我哋哭笑不得😂🤣
@SAMHINGscales
Жыл бұрын
寶貝嚟個形容的確貼切🤭
Thanks
@mm.millmilk
Жыл бұрын
Thank you
👍👍👍👍👍