#MM
#MM #700萬種生活 // 45歲職業拳擊手 連續24年日頭送外賣 夜晚打拳擊 8年來無贏過 送foodpanda當訓練 365日保持狀態：我賺的錢和你差不多，但有更多自由度，為何要被你看不起
熱血，到底值幾錢？
周小天曾是冷氣維修學徒，1997年開始練拳，99年考到電單車牌，閒來兼職送薄餅，發現： 「自由好多！開車及走路而已，可自由調配時間練拳。隨時請假，參加及備戰拳擊比賽，便辭掉冷氣維修工作全職送外賣。」00年代參加拳擊比賽時被取名「外賣仔」：「初時都有點不是味兒的。不過後來又覺得沒所謂了。」因當年的「外賣仔」於00年代連勝十多場賽事，甚至打敗曹星如的哥哥曹星揚，是貨真價真的《破壞之王》。近年還有部日劇，「木村拓哉做主角的，又是送外賣又是拳。幾好，算是平反了，哈哈。」
不過，運動員的職涯生命很短，拳擊手也是。香港的拳擊比賽，上限40歲。日本台灣大概是37歲。今年45歲的他，只能去無限制的泰國參加比賽，年齡限制加疫情，最近8年來，他已無再贏過。但為了長期讓身體保持備戰狀態，他依然在做外賣員，爭取時間練習。他最喜歡日本經典漫畫《鐵拳浪子》裡的矢吹丈了。無論矢吹丈的人物設定還是心路歷程，都讓他很有共鳴。
拳擊，按重量分了很多級別。以小天的身高而言，他力量不足，所以要減輕體重，參加57公斤以下的羽量級別賽。矢吹丈也是用盡辦法減磅，參加53kg級雛量級別賽。小天：「試過一次因為減不到磅而不讓我比賽，之後我每日都要保持這個磅數，我不可以讓人有藉口趕我走。」每朝10點，他總跟矢吹丈一樣，穿著膠質風衣與長褲，由荔景的家，沿馬路跑去美孚公園做體能訓練。續經貨櫃碼頭，繞道回荔景一圈。全程可以6至8公里，可以減到8磅體重：「比付數萬元去減肥更有效。」他跳繩、揮拳： 「我年紀不小了，不可猶疑，隨時接到比賽就要打。不想到時臨急抱佛腳減磅，太辛苦了。」
11點半，開工送外賣。24年來加入過Pizza Hut，foodpanda等外賣團隊，工作Mode的他步速極快，「賺錢。走得快，去得站點多，時間都賺了。」為了保障外賣員安全，f建議車手最多行3層樓梯，若被顧客要求行多於5層梯，則可禮貌拒絕，或尋求支援隊協助。不過小天走路當訓練，試過住40樓的客人家壞電梯，他幫忙跑20層樓梯送餐： 「一人一半囉，40層會累死的。」若為了賺錢，他大可以去觀塘，中環等較多訂單的商業區送外賣，他卻獨守葵青。因為他在葵青區讀書成長，「有時送餐到學校，會遇到舊老師； 甚至送到小學同學的家，很驚喜有趣。」雖然有時鄰居會輕佻地問你：「又去送外賣呀？」「我沒所謂。一般見識是這樣的。對我而言我賺的錢可能和你差不多，但有更多自由度，為何要被你看不起。」晚上8點後，他又下班，趕去鄰近的拳館，跟師弟練習。對上三屆的泰拳冠軍老虎仔輝仔（姚達輝），輝仔14歲開始學拳擊時，已經見廿多歲的小天自己默默練習。說他向來以攻為守，以命相撲，每次比賽都很傷。「對拳手或觀眾而言，當然緊張刺激，但對於一個你認識的人而言，老實說是有點心痛的。始終世界是殘酷的，拳擊是，你年紀到了，就要退。」
開關後，小天在努力練習及減磅，想再到泰國比賽。泰國的場館「很有趣」，選手宿舍就在田邊，很多昆蟲周圍走：「床單下面有幾個蟑螂跑出來。我用殺蟲噴霧，蟑螂像《龍貓》裡的煤炭屎鬼般跑出來，嘩！好恐怖！有個朋友，未打比賽已回了香港。」泰國人的訓練，力度比香港更重，軍人做拳手，中一拳像撞車般痛，不夠打也惟有硬著頭皮打，但勝了則可得約4千元獎金：「可抵銷機票錢。」
年紀漸長，體能走下坡是常事，為何仍要繼續，他給我日本熱血運動漫畫的對白：「所以我行的步伐越來越急，有很多事情猶疑太多，便甚麼都不用做。機會不是常有，最重要是把握時間，盡量把握。」
策劃：陳慧敏
攝影：麥志豪 蔡政峰 張志孟
剪接：梁芷澄
監製：甄俊宇
___
立即成為 MM Member 啦，每月只需 HKD 40 咋！傳送門：
/ @mm.millmilk
＊建議使用電腦或手機瀏覽器登記，因為目前無法經 KZread APP 登記成為付費會員
____
MM Website: www.mill-milk.com/
MM Instagram: / mm.millmilk
MM Facebook: / mm.millmilk
____
CHUCKY｜@chuckyching
/ chuckyching
PHOEBE｜@phoebe.unprofessional.journey
/ phoebe.unprofessional....
ELAINE｜@elaine_wow
/ elaine_wow
京｜@phaedruslam
/ phaedruslam
KAREN｜@karen__yukiu
/ karen__yukiu
SAM｜@midwin_
/ midwin_
阿朗｜@mm_longgg
/ mm_longgg
NATALIE ｜@nataliewwong
/ nataliewwong
APPLE | @apple.hiufung
/ apple.hiufung
Пікірлер: 808
後記： 第一次見小天，佢揹起外賣袋時哼咗句「無敵嘅聖衣......」（Libido版的聖鬥士星矢主題曲）， 拍晨練那天，他一Cut機就起跑，我企咗喺度，即刻call車。感謝攝影師Matthew追咗佢半條街，起碼可以截停他。由追拍他晨練；看他跟年輕拳手練習連受重擊；極速送外賣到睇片，喺公司我差啲唱出嚟：「唔知點解會打不死，連件聖衣都打鬼凹晒。成件嘢爛晒佢嘅小宇宙先至可以係咁燒.......。」 每當落大雨，酷熱天氣報告，訂單較多，我說辛苦死，他說開電單車很涼爽沒問題。他們一家也有趣，老婆提起老公型仔一刻會偷笑；他正準備守承諾，暑假帶女兒去日本迪士尼；過去遊日時他會帶著老婆女兒跑去看當地拳館；試過在日本拳王的小鎮跟街坊聊天，街坊竟打俾拳王，拳王趕來帶了他們一家回家作客；有拳館館主還送他限量拳擊雜誌。日本，泰國拳王，澳門拳證，道熱血運動漫畫一樣，單純的人，到哪都交到朋友。 有人問，他可以開班授徒賺多啲，但作為一個「講嘢不習慣望人」的內向者，不容易。他的兩位師弟都說，一旦開班，有賽事時你要為徒弟特訓，還是鍛練自己？還要不要賺錢交租？魚與熊掌，運動員的永遠難題。
@whatzupchak
Жыл бұрын
Ahman 嘅後記，每次都好特別！！拍出嚟幾分鐘，不過用文字寫出嚟又會有唔同感覺👍🏻👍🏻
@ahmanchan3460
Жыл бұрын
@@whatzupchak 仲有好多小花絮cut咗，講唔停🤣
@falala1366
Жыл бұрын
@ahmanchan3460, 會否考慮cut 咗的小花絮放在其他渠道？例如放會員限定。明白MM每條片不能太長，只是十分佩服今次的受訪者，想聽多一點他的一想法。
@whatzupchak
Жыл бұрын
@@falala1366 相當好的建意
@themonsterkachi
Жыл бұрын
40樓明知冇電梯嗌外賣正仆街😅😅😅除非講明有幾多錢貼士
睇到最後, "打拳係打一份精神, 係身為人嘅一份精神",了解完小天故事再聽埋哩句, 眼淚就不自覺流出😭 小天搵到自己嘅目標,熱愛,仲要一直貫徹始終, 老婆同阿囡有你, 勝過一切😭 加油小天
@KyoChan19792002
Жыл бұрын
很佩服小天的毅力；也為小天可以有個溫馨的家庭而開心。
呢個年紀仲留有初心，又勤力，又識變通，值得尊敬
最尾講得好好，好認同！ "事情猶疑太多，便什麼都不用做，猶疑多一陣，事情就會丟淡，就會錯失機會，機會不是常有的。所以要盡量把握機會"
幾十歲人送外賣無問題正當職業 搵到食又有自己夢想 好多人為左生存 無左自己 Respect!!🫡🫡
睇完你個故事真係知道咩叫堅毅不屈👍佩服
@liMliML
Жыл бұрын
同埋迎難而上
或許大部分人都沒辦法成為Floyd Mayweather或周杰倫, 但是除了養家糊口的工作之外, 能對於自己喜歡的事物能一直保持熱情, 是一件很不容易的事情, respect
@cheungrocky1403
Жыл бұрын
加油
@iamhardwell2844
2 ай бұрын
看他出拳後很高興他選擇做外賣
小天兄， 多謝你呢個專訪。 我同你差唔多年幾，我腦海中成日都有句話提住自己，做人要有鬥心，做事不能面對少少挫折就放棄！ 大家加油！！！！
@Tin28658
Жыл бұрын
🙏💪🏽
十分佩服你這樣的堅持，我也七十了，工作和你差不多，也是做派送工作，到現在我也每天都操練一下，加油外賣仔。🏃🏃
一個人只要堅持做一件事，果份精神已經無人匹敵 我都有練打拳，剛學幾個月，一見到呢份堅持就拉滿respect俾呢位阿叔
好欣賞這位人兄的性格，好老實純真！有好既職業，有好既興趣，好既家庭。 不是為錢和物質生存！ 讚！！
周小天 🫡 估唔到香港仲有一啲咁堅強嘅人
@RPOON915
Жыл бұрын
只要你係玩運動，你就會知道有幾多超熱血既怪物
@sam471025
Жыл бұрын
堅強冇用的。要講方法的，打左20幾年，仲擋到咁，業餘成咁。
@hungki2278
Жыл бұрын
@@RPOON915 我做地盤 夜晚去打拳 日薪1000至1300
@KyoChan19792002
Жыл бұрын
@@sam471025恐怕小天是沒有好的教練🙁
@sam471025
Жыл бұрын
@@KyoChan19792002 好教練都要搵食。佢請唔起教練，咪自己去學，睇多d出面的。
我自己都係"運動人" , 好體會到佢係香港堅持做運動係有幾咁困難. 要係香港將運動當作職業其實係好難 , 好佩服佢同欣賞佢 , 希望佢嚟緊果場比賽有好表現.
十分敬佩！ 見到這份堅持，覺得自己真的沒有借口放棄！
Mm 點樣搵到d咁高質既主角！？ 人生唔一定要住豪宅，開名車先叫成功。 每個人點先叫成功係問自己，唔係問d葡萄撚。 祝小天哥打拳打到99歲
身為父親，最想做嘅就係成為仔女嘅偶像。小天用24年去追逐屬於佢嘅一遍天，絕對值得敬佩👍
真心好強嘅信念 其實呢個專訪一出已經贏左觀眾尊敬
痴線，好x熱血🔥鍾意運動既人會更加有共鳴，屋企人都好好，會支持你，加油
為理想而堅持既人，最值得尊重
心態好多時真係決定一切, 成個訪問都睇得出佢好堅持, 好有毅力, 真係好值得尊敬
@liMliML
Жыл бұрын
唔係得把口嗰種正面撚
真心欣賞佢，呢個年紀仲Keep到團火。亦都欣賞佢行動表達一切。 但個人希望佢可以多D陪下個女...女兒去到青春期，都需要父母多D陪伴同關注。 睇片感覺到女兒既態度有D不滿爸爸。 但同時亦擔心佢，提到話愈來愈易暈就覺得佢身體開始負荷唔到咁大運動量。 以身體健康行頭丫。
個份做人態度，專注認真、全力以赴，真心令人敬佩❤呢啲就叫型
尊重有熱血堅持嘅人👍👍👍
加油, 最緊要身體健康, 多D時間陪屋企人, 屋企人係最重要, 比多D父女既回憶阿女, 等佢大過左都有好好既成長回憶
睇完，好感動，周小天，那份堅持，對喜歡拳擊精神🥹♥️條片一路睇，一路講咗好多次，「好勁呀」！🥹♥️比賽唔好受傷啊，真心致敬♥️👏🏻👏🏻👏🏻好犀利👏🏻👏🏻👏🏻👏🏻👏🏻👏🏻👏🏻👏🏻
為了夢想，奮鬥。 為了妻女，更要奮鬥。 香港人，加油😊👍
真係好痴線，但係又好值得敬重，自己最失敗就係唔夠堅持， 每次見到 能夠堅持自己夢想嘅人都好感動，加油👏👏👏👏👏👏👏👏👏
先多謝MM分享呢個故事 適逢人生都係低潮 做人做事猶豫不決。 睇完外賣仔既故事後發現，就算係香港呢個金錢至上既社會，一樣有傻佬堅持做自己，搵方法去延續自己既夢想同堅持。呢份係真正既獅子山精神，完全感受到佢份熱血！希望外賣仔身體健康，家庭幸福🫡
放棄很易,熱血很难,知道自己需要什麼地活,才是最幸福嘅生活,小天加油!
阿哥，無論將來如何，你值得一句"死而無憾", 加油
堅持自己鐘意做ge野 無論生活點困難 都打唔低你 個種自律 對自己要求 真係真男人 respect !!!!!!
看了很感動，這才是真正的"活著"
我係一個加拿大華人，小天哥真係好勁。 我個背景都有啲似小天哥，我在加拿大做電器維修，而我就練散打，而家練左九年，不過只打過四埸業餘比賽。 好佩服小天哥嗰種勤力，因為我明白嗰種辛苦，有時放工後好想食野同打機，不過又要上拳館去谷，真係唔易。 見到佢既背景今我想起以前的自己，不過我就選擇了工作多於散打，現在我己經唔再打比賽了，不過每星期都有keep住練三日加一日跑步游水。見到小天哥嗰種精神真係令我開心。 加油小天哥，我都會盡量keep 住。
D骨同D關節都仲頂得順, 實在太厲害
@xxx-ox9ew
Жыл бұрын
可能keep住打
@Tin28658
Жыл бұрын
係，停左唔郁反而多病💪🏽
睇到最後1分鐘 點解會流眼淚？ 小天加油
@kitzzxx
Жыл бұрын
可能係唔忍心香港地追尋夢想要咁辛苦🤧🤧
其實聽得出囡囡好愛爸爸，只係青春期口硬😂
@sharlwoo
Жыл бұрын
阿女怕爸爸受傷，其實佢好愛爸爸
毅力驚人，為咗夢想一直堅持奮鬥，係對仔女最好嘅身教。居然會為咗想撞到同學老師留響原區送外賣，周生一定係個好念舊嘅人
係小天眼裡，見到一團火，追尋理想做自己喜歡的事，根本不限年齡，很多人日日都不知道自己在做什麼，祝小天比賽順利成功。
睇片唔係次次比like，今次like左，嗰like係俾天哥。輸贏對天哥無重要，最緊要係做人精神！所以唔講加油，天哥，真心佩服你！
很喜歡你的故事，我已54歲還從事果菜搬運工作，多年不間斷的自主訓練運動和拳擊訓練，越來越著迷拳擊，很想去拳館練再去比賽，但年紀大又怕被笑，所以都跨不出那一步😅😅😅😅😅😅😅
@mapp002k3
Жыл бұрын
加油
如此熱血與堅持，怎能不佩服及尊敬！Hats off!
唔向現實低頭..維持到興趣..仲可以揾到依位咁識體諒嘅太太同建立到家庭真幸福
respect 小天對拳擊嘅熱愛同堅持🥊
follow MM到宜家最鐘意嘅一個故事， 係真心感受到天哥嘅心，喜愛一樣嘢係不分年齡，不分時間，不分金錢的。 認真，睇到有小小眼濕濕，我曾一度放棄自己嘅夢想，睇完呢段片，我會繼續堅持！
@mm.millmilk
Жыл бұрын
加油呀！
這才是 人過的生活 , 生命中大部份時間都是 做自己愛做的事 ，
年复一年去坚持真不是每个人都做到，很开心现实中真是有一个这样的人成为我们的榜样。我是在吃着泡面的时候看到这条片的，你自律的样子真是令到我的泡面都想拿去丢垃圾桶了😂哈哈哈，小天兄，佩服你。
好鍾意睇你地做呢D熱血嘅題材 可能人到中年，生活好枯燥，睇完人地為咗夢想奮鬥，都有反思其實自己都可以， 然後又充滿希望返～多謝MM！
令人尊敬的男人
小天活出自己 有自己生活態度 加油 好勵志好感動
小天哥你要加油，last 你講最開心嘅拳賽時，聽到我好感動。做人本該如此。希望你以後生活都安好。
堅持真係好難，絕對尊敬你👍👍👍👍
respect 💪🏻你的堅持！夠執著👍有態度👍值得尊重
小天兄講既野其實大家都知 但知而行難 呢個年紀都可以對一樣事咁有火同恆心 好配服佢
努力同堅持理想，唔係一般人做得到，人與人之間嘅差異，可能就係爭咗小小時機同運氣，呢位師傅係好值得我地敬佩👍👍
好熱血和感動 佩服 加油!
好有毅力，同堅持一直挑戰自己極限，好欣賞呢個運動員小天👍加油
睇完真心佩服果份毅力同堅持
欣賞外賣仔拳手，覺得佢好型，有童心，硬朗，能屈能伸，堅毅！
態度、規律、精神 真的令人好好學習！
有好共嗚，猶豫讓事情掉淡，錯失機會，真心respect 做人態度，多謝mm報道出一個咁好ge 故事
一天兄，你這種堅持，已經值得尊重，敬佩，保重身體💪💪
Your life , your right , your freedom ! 有時係唔捨得，有啲嘢一放低，一離開就無得回頭 ！保持到咁 fit 已不易！👍
好犀利，多謝MM訪問小天，支持小天，加油！
Respect! 希望小天哥成功達到自己目標!
一份好單純嘅喜愛，堅持到底，佩服🫡🫡🫡
多麼勵志、熱血的人生故事°小天兄, 記住要保重身體,你對於太太及女兒是十分重要的°
有夢想，肯堅持，真係值得人尊敬。
其實我地依家社會上所追求既野只係外界定左既野比我地去追求！ 諗深一層根本就唔需要咁多野😢 細個就比讀書邊個拎高分，大個就比邊個搵得錢多！ 其實佢囡囡都好關心佢❤
個份精神我有少少感受到....你要加油!!!!!
我respect佢， 但我更 respect佢老婆， 可以讓佢45歲人仲追夢
我.非常敬佩咁有恆心人
好令人尊重的堅持，身邊人也有非一般的共同理念。
看到太太很支持小天，他們的家很有愛❤
有料，睇到果份堅持。加油，你真係好有型
好热血啊！ 加油小天师兄！ 年纪是个数字 你做到要赢首先要赢自己道理！这样才走到更远！最重要是你努力把自己都感动！
小天， 你的精神及自律勝過好多人。謝謝你和大家分享。
真係好熱血 好堅持 用行動證明年齡只係數字 respect 希望你身體健康 周小天💪加油
堅持係係人一個學問 唔係係個個都識 我欣賞你呢一份堅持到底既精神 但要保重身體 身體健康 才能做世一 加油💪🏻
支持你堅持到底嘅精神 唔好理連登仔點樣踩你 你做呢樣嘢開心快樂有成就感滿足最重要 如果一件事你做得叻但你唔中意做係無意義 加油
快樂好簡單 搵到自己堅持 一直去做 尊敬及加油
有咁支持你嘅家人~~~但同時保重, 如阿女所講, 有爭勝心嘅同時唔好打到自己咁傷, 咁先對得住佢地~~祝福你地~加油呀!!
這種堅持態度，很佩服
真係好值得尊敬的一位拳手，佢唔係好勁，但如佢自己話，贏在精神氣respect!
多謝 小天兄 多謝 MM , 睇到最後我眼濕濕，背棄了理想誰人都可以
好佩服佢份精神，人又勤力，加油
16:39 太太的眼神充满爱，希望小天会珍惜
咁後生有個讀中學既女，賺唔多但又可以養妻活兒，咁多年都keep到自己既熱血，都幾欣賞佢
小天兄你很幸福﹐可以找到自己的愛好而一直保持熱情﹐加油外賣仔! btw, 多謝MM﹐這篇報 導非常高質!!
看的出來他的身體是常年訓練的那種精壯李小龍等級的 就是身體已經練成了隨時打拳的那種最優消耗模式 意思就是在拳賽的時候延長賽對這類人優勢非常大 但拳擊比拚的終究是技術跟力量為主
非常之有啟發🫡加油，希望你能夠攞多几次冠軍。年齡真係人最大嘅敵人🎉
呢種精神 值得學習 ，唔多講尊敬🫡。 同埋加油
睇到呢個年紀仲打到咁勁，每日嘅刻苦生活真係自己或者有經歷嘅人先知，尊重佢呢份精神，做到想做嘅野真係唔易，加油
堅持，夢想，十分佩服，加油
值得致敬，一直追尋自己夢想
我都係45歲 除了尊敬 就係佩服 👍🏽 毅力100分
天哥！你真係堅有型！ 尊敬你
好敬佩小天係呢個年紀仲可以堅持自己嘅初心👍🏿 小天加油keep going
我嘅生活係做返我自己＜＜＜聽到呢句已濕晒 （眼眶）
好熱血 好感人 加油小天💪
Respect❤❤❤,為興趣堅持做24年外賣真係唔容易，外賣本身已經苦，但最難頂應該係身邊/舊朋友嘅冷言冷語同唔理解….點都好要加油呀，繼續好好享受每一場拳場💪💪💪，有問題係個世界而唔係你！