Халықаралық мейірбикелер күніне орай мерекелік шара өтті. Салтанатты жиында ақ халатына дақ түсірмей, антқа адалдық танытып жүрген мәртебелі мамандар марапатталды.
Дәрігерлермен теңдей тер төгіп, ұлт саулығын нығайтуда мейірбикелердің орны ерек. Бүгінде аймақтағы денсаулық сақтау ұйымдарында 11 мыңнан астам орта буын медицина қызметкері еңбек етіп жатыр. Олардың кәсіби біліктілігін жетілдіруге ерекше екпін берілуде.
ОЛЖАС ИСКАКОВ - ОБЛЫСТЫҚ ДЕНСАУЛЫҚ САҚТАУ БАСҚАРМАСЫНЫҢ БАСШЫСЫ //Жылына біз 1 мыңға жуық аяжандардің білімін жетілдіріп жатырмыз. Биылғы біздің жаңалығымыз Қызылорда медицина колледжінің базасында орта буын қызметкерлерінің білімін жетілдіруге, олардың білімін практикамен ұштастыруға арнайы орта буын қызметкерлерінің орталығын құрып отырмыз.
Қызылорда облысы - 100 пайыз мейірбикелермен қамтылған аймақ. Мерекелік жиында солардың бірқатары салалық министрліктің, облыс әкімінің, «SENIM» кәсіподағының құрмет грамотасымен марапатталды.
НҰРЖАМАЛ ӘБДІРАЙЫМОВА - МЕЙІРБИКЕ //Мейіргер болу үшін мейіргерде жылулық болуы қажет. Білікті маман болу керек. Барлық мейіргерлер мына мерекелеріңіз құтты болсын. Жұмыста абыройлы болсын барлық мейіргерлер!
МАЯ ҚАЛЫБАЙҚЫЗЫ - МЕЙІРБИКЕ // Фтизиопульмонология саласында жұмыс істегеніме 42 жыл болды. Бізге көп науқас жылап келеді. өйткен бізге белгілі диагнозбен келгеннен кейін. Солардың күліп кеткенін қалаймыз.
Бұдан бөлек, кәсіби мереке қарсаңында өткен «Үздік маман - 2024» облыстық байқауының жеңімпаздары анықталды. Салтанатты шара мейірімнің символына баланған мамандардың құрметіне арнайы концерттік бағдарламаға ұласты.
Сайт - qyzylordatv.kz/ru/live
Facebook - / qyzylordatv
Instagram - / qyzylordatv
Telegram - t.me/qyzylords_tv
Tiktok - / qyzylorda_tv