Төребаев пен Мейірхан Шерниязов 5 жылға бас бостандығынан айырылды. Енді «кінәсізбін» деп жарты әлемге жар салып, алты айдан бері үйінде отырған Төребаев сот шешімімен қамауға алынады. Сонымен, жүздеген қазақстандықты сан соқтырған қаржы пирамидасын ұйымдастырып, қылмыстық топ құрған қылмыскерлер қанша жылға сотталды? Әріптесім, Нұрболат ЖАңабекұлы айтып береді.
Сонымен, қоғам пікірін қақ жарып, резонанс тудырған Astex.kz пен «Mudarabah capital» қаржы пирамидаларына қатысты даулы іске нүкте қойылды. Сот 12 айыпталушыны да кінәлі деп танып, 5 жылдан 14 жылға дейінгі мерзімге бас бостандығынан айырып отыр. Яғни, қаржы пирамидасын ұйымдастырып, қылмыстық топ құрған Astex.kz серіктестігінің директоры Алмас Құрмағанәлиев 14 жылға сотталды. Ол жазасын қауіпсіздігі орташа деңгейдегі түзеу мекемесінде өтеуі тиіс. Ал «Mudarabah capital»-дың директоры Руслан Бурқанов 12 жылға қамалды. Бұдан бөлек, көпті тақырға отырғызып, сан соқтырған ұйымның жұмысын үйлестірген Дания Рақымова мен Тимур Рүстемов 10 жылға, Нұрлан Сұлтанбаев, Андрей Ча мен Самат Қасенов 8 жылға түрмеге жабылып отыр. Ағайынды Мансұровтар да 8 жылдан арқалады. Бұл айыпталушылар екі бап бойынша да кінәлі деп танылған. Әрі сот іс қатысушылары Мейіржан Төребаев пен Мейірхан Шерниязовты ұйымдасқан қылмыстық топ құру дерегі бойынша ақтады. Бірақ барлық мән-жайды біле тұра, табыс табу үшін қаржы пирамидасын жарнамалап, құрылтайшылық еткен деп танып отыр. Іс жүргізу барысында оның нақты айғақтары ұсынылыпты. Сондықтан, оған күмән келтірудің қажеті жоқ деді. Сол үшін вайнерлерді 5 жыл бас бостандығынан айыру жазасына кесті. Сондай-ақ, сот сотталушыларды жәбірленушілердің қаржысын қайтарып беруге міндеттеді. Әрі судья алты айдан бері үй қамақта отырған Төребаевқа, Жармұхамедов пен Рақымоваға ешқайда кетіп қалмауды тапсырды. Өйткені, бүгін олар қайта қамауға алынбақ. Жалпы, даулы іс бойынша барлығы 12 сотталушы бар. Тағы екі айыпталушыға халықаралық іздеу жарияланған. Қылмыстық іс аясында 41 жылжымайтын мүлік, 3 көлік, 9 банктегі шот және 16 компанияның жарғылық капиталы тәркіленіп отыр. Айта кетейік, сот үкімі әлі күшіне енген жоқ.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал