26 сәуір күні Меңдіқара аудандық «Юбилейный» мәдениет үйінде аудан мектептері оқушыларының арасында «Тұғыры биік-туған жер» атты аудандық аламан айтыс өтті. Айтысқа ауданымызға қарасты бірнеше мектептер мен қосымша білім беру ұйымдары қатысып, жүзден жүйрік, оқ бойы оза шапқан Қостанай облысы әкімдігі білім басқармасының "Меңдіқара ауданының балалар және жасөспірімдер шығармашылық үйі" КММ-нің «Жас қаламгер» үйірмесінің білім алушысы Серікбай Азат Медетұлы «Бас жүлдені» қанжығасына байласа, мектебіміздің 5 сынып оқушысы Көбей Индира Қуанышбекқызы 1 орын жеңіп алды. Шәкірттерімізге толағай табыс, әрқашан ауданымыздың атын шығаратын өскелең ұрпақ болуына тілектестік білдіреміз.