حمد الطويل - في النائب / طلال الجلاّل السهلي
Комедия
ㅤ
ㅤ
قصيدة مهداه الى النائب /
طلال بن سعد الجلاّل الزقعاني السهلي
كلمات الشاعر / بدر بن بندر العتيبي 📝
🎤 اداء المنشد / حمد الطويل المري 🎤
🔷 حامل بيرق برنامج أعذب الأصوات 🔷
ㅤ
ㅤ
يا فهد ربّي يجمل سيرتك مع كل سيره
لين راسك لا عدمته يعتلي راس العدامه
قلت من باب اهتمامك .. وش قصايدك الاخيره ؟
وقلت : واللي مثلك نغني على باب اهتمامه
خلّ عنك اللي لا جا يقصد يدوّر ما يثيره
شاعرٍٍٍ دايم ينوح إن ما سمع نوح الحمامه
وإخذها من هاجسٍ لا سلّ سيفه من جفيره
إستوت عنده سيوف الهند وأعواد الثمامه
شاعرٍ ما تبطي ابيات القصيده في ضميره
تبتدي بعد الاذان وتنتهي قبل الاقامه
والشعر وثيقة أوضاع العصر شرّه وخيره
يا محافيظ السلوم ويا محافيظ السلامه
يقطع السمن ومن يصبّه على اليمنى القصيره
ما تنومس بالرخوم الا اللي أكثرهم رخامه
راسي مشوّش لراسٍ يتعب الروس الكبيره
لا احتمى الماقف وقام بقومةٍ ترفع مقامه
وان بدا الازم ما دوّر له شويرٍ يستشيره
كسبة الطاله هواه وعسفة الكايد غرامه
يذكر النايب ( طلال بن سعد ) في كل ديره
وودك ان طاريه لا مرّك تسوي له كرامه
( سهليٍ فزّته فزّة حصان بن المغيره )
يومه يفز لهل الرده بمعركة اليمامه
من كبر قدره ما يزهم للمهمات الصغيره
ما يدوّر غير في يومٍ مثل يوم الرغامه
من رجالٍ فعلهم مشهور وأسماهم شهيره
ما تخلي مجد ما تقلط على ذروة سنامه
قبل لا حكم الامام يسود في شبه الجزيره
يوم كان الحكم لـ الشلفا ولـ السيف الإمامه
لا احتمى الماقف وثارت عجة القوم المغيره
وإنتخت لبّاسة الغطوه بـ لبّاس العمامه
تعصب الروس وتحيزم بـ السلاح وبـ الذخيره
وكلٍ يسابق ولد عمه على كربت حزامه
من نطح منهم كبير القوم كزه من بعيره
وجا يهيجن بـ البعير وبـ الشداد وبـ المسامه
ومن غناة نفوسهم مغتنيه نفوسٍ فقيره
كل جلاّلي بطن كفّه كبر بطن الغمامه
فـ المجالس ما تعدّى سيرة ( الجلال ) سيره
وفـ المواقف ما تعلّى هامة ( الجلاّل ) هامه
ومنصب الجلال لا خلاّه له جلال غيره
لا احدن يسلّمه رجالٍ ماهو قد إستلامه
والخدوم اللي منافيعه على العالم كثيره
جعلنا ما نسمع بيومه قبل يوم القيامه
ㅤ
ㅤ
#السهول #ال_مره #العجمان #يام #قحطان #بني_هاجر #الدواسر #عتيبه #مطير #سبيع #الظفير #عنزه #شمر #حرب #زعب #غامد #شيلة #شيلات #منقية #منقيات #فردية #فرديات #صفوف #سعب #محايل #فرينسي #قزوعي #سدك #طرب #شعر #قصيد #المجاهيم #الوضح #الصفر #الشعل #الشقح #الحمر #الابل #الهجن #مزاين_ام_رقيبه #الكويت #قطر #الظفره #العذب #جفران_المري #حسين_الكوري #محمد_ال_نجم #حمد_الطويل #علي_ال_شقير #ناصر_الطويل #الجفراني #عبدالهادي_القنيقذ #بخيت_البريدي #حسين_ال_لبيد #صالح_اليامي #هادي_بن_جابر #عامر_السهلي #علي_العرق #عبدالرحمن_ال_نجم #صالح_الزهيري
Пікірлер: 9
ونعم فيه وفي قبيله السهول العريقه قبيله فزعه وطنخه وعزالله انهم يحتمون الموقف
انشهد انه مدح باذخ 👏🏻👏🏻
انشهد انه يستاهل المدح والمدايح في حقه قليل الله يطول بعمره وصح لساان شساعرها وابدع شايلها
سهلي فزته فزت حصان بالمغيره. يومه يفز لهل الرده بمعركه اليمامه🔥🔥💫
انعم واكرم الشنار في ذا الرجل مهو طبيعي
عزالله ماقصر باحد عسي ربي مايقصر بيومه
كفو ياعيال العم وعصابة روسنا محزمن مايبور
كفووو كفووو
لا احتمى الماقف وثارت عجة القوم المغيره وإنتخت لباسة الغطوه بلباس العمامه تعصب الروس وتحيزم بالسلاح و بالذخيره وكلٍ يسابق ولد عمه على كربت حزامه 👌🏼 .