Биліктің атаулы әлеуметтік көмекті бір қолымен беріп, екінші қолымен өндіріп алып жатқан әрекеті жаға ұстатты.
Үй іргесіндегі ұлтарақтай жерден егілмеген картоп, қияр, қызанақ жинады деп, кірісіне енгізіп, табысты жасырдың деп әйелдерге психологиялық қысым жасауы қаншалықты заңды.
Позор, ұят! Бүйте берсек , халық саны көбеймейді-ау деп ойланып отырмын.
Ақпанда құжат рәсімдеу кезінде атаулы әлеуметтік алған әйелдерге үгіт-насихат жүргізілді ме?
Бала-шаға, отбасында ошақ қасында баламды қайтіп асыраймын деп қиналған аналарды келеке етіп, буынсыз жерден пышақ ұру емес пе?
Құдай сақтасын, кейіпкерімнің өз өміріне қол жұмсағым келді деген сөздерін эфирден алып тастадым. Себебі, әкімдердің шешесін шырылдатып жатқанын балалары көріп жүр. Жүрек шымырлады.
7 баланың анасына әкімдіктің 666 мың теңгені қайтармаса, іс сотта қаралады деген ескертуі отбасына жығылған үстіне жұдырық болып, дау ушыққан.
Кейіпкерім Сайрагүл Молдабай 7 баланың анасы. Күйеуі науқас. 20 жастағы қызы мүгедек.
Атаулы әлеуметтік көмекті 5 ай бойы алып, пәлеге қалды. 666 мың теңгені мүгедек қызды , 6 кәмелет жасқа толмаған бала баққан әйел қалай қайтарады?
Әкімдер емес, Үштерек ауылының тұрғындары бір кісідей жиналып, осы проблемаға бас қатырып отыр.
Осы ел ішін дүрліктірген атаулы әлеуметтік көмектен туындап жатқан дау-жанжал аз емес. Президент Қасымжомарт Тоқаев мырзаның назар аударуын сұраймын.
Қаншама отбасы шарасыз күйде отыр.
Бүгін "Дау-дамайсыз " бағдарламасында айтамыз .
УАҚЫТ 20:20!
БҮГІН КТК-ДА !